所謂「有人辭官歸故里 有人漏夜趕科場」照例離離合合，娛樂圈照例 唔少明星決定拉埋天窗，佢哋嘅婚訊都創造咗好多經典話題。前排Facebook都被蕭正楠同黃翠如仲喺頒獎典禮入面宣布已經娶咗黃翠如做蕭太洗版。今日DailyView網路溫度計透過網路大數據關鍵引擎調查，整理咗過去一年網友討論度超高嘅中港台藝人。
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
唐嫣同羅晉合作多部電視劇，佢哋喺2016年開始公開戀情，仲成日會互相探班、喺公開場合曬恩愛，雖然有過分手傳言，但羅晉為唐嫣準備咗一個童話式嘅婚禮，公主同王子最終都步入教堂，總算喺有情人終成眷屬啊！
只要情投意合黃昏戀一樣可以好溫馨，但其實佢哋嘅拍拖嘅過程就好似學生時期嘅Puppy Love，除咗整蠱對方又會喺過馬路嘅時候借頭借路拖手仔。陳榮峻個仔亦都喺節目上提到一開始其實接受唔到，但後來其實好感謝有吳香倫陪住爸爸，最終可以得到家人嘅祝福！
馮紹峰同趙麗穎係喺2016年拍《西遊記女兒國》首次演出情侶角色，之後仲有喺《知否》再次合作，導演都話佢哋默契好好，仲話佢哋係「像過日子一樣在演戲」。不時兩人約會亦都多次俾記者影到，雖然佢哋一直都冇承認，但從來都冇避忌過。
「人生如戲，戲如人生」，呢對被大陸網民冠上「小三渣男」嘅新婚新人，事關因為佢哋兩個傳出緋聞嘅時間互相都有另一半，不過都喺國外舉行咗婚禮，喺雙方家人見證底下，展開咗佢哋嘅第二人生。宣布結婚後，大陸網民仲翻牆去IG鬧爆周勵淇！
喺12月江若琳終於下嫁「生煎包王子」蕭潤邦（Oscar），Oscar用咗7位數為江若琳打造一個世紀婚禮。江若琳仲好幸福咁表示嫁俾Oscar，係人生中最無悔同最正確嘅選擇。除咗已經安排好婚後嘅蜜月旅行，Elanne亦都希望可以趕到豬仔或豬女。
苟芸慧同陸漢洋因為賽車而認識，苟芸慧曾經講過佢個姓係9，對方係6，剛好可以互補。苟芸慧2月亦喺Instagram上載同男友合照，相中見到富二代男友陸漢洋拎住個TIFFANY ＆ CO嘅戒指盒，苟姑娘對眼俾布蒙住，下一張相見到佢無名指已經戴上閃令令嘅戒指，幸福洋溢就係咁一剎那湧現，你話幾咁suprice～
最近嘅全城熱話一定非佢哋莫屬，蕭正楠喺年底嘅《萬千星輝頒獎典禮》嘅時候講出「多謝我太太黃翠如」成為當晚焦點。其實，佢哋今年喺新西蘭登記註冊，雖然好簡單咁只係用咗當地嘅餐具製作出結婚戒指，但黃翠如話「我們什麼也沒有，但我們擁有了對方。」真係甜死人啊！
年紀嘅差距加上人氣差異，大家對佢哋嘅戀情都係抱住一個唔睇好嘅心態，除此之外亦因為公開戀情嘅時候剛好係男方同胡定欣拍《城寨英雄盛》盛傳佢哋戲假情真，大量網民都鬧單文柔係第三者，不過佢哋無懼風雨，今年仲去英國影婚紗相，攞正牌大派狗糧啊！
你話愛情幾咁偉大，一開始因為鄭嘉穎花花公子嘅形象令戀情未獲得女方家長嘅認同，但為咗陳凱琳，鄭嘉穎改盡所有壞習慣，仲同埋陳凱琳一齊返教會，用行動去證明佢嘅誠意同決心，終於今年結婚娶得美人歸，年底仲宣布埋已經火速做人成功升呢做埋爸爸媽媽㖭！
「好傻好天真」嘅阿嬌搵到真命天子喇！無庸置疑討論度最高嘅CP係佢哋真係一d都唔意外啊！喺2017年阿嬌去台灣拍《動物系戀人啊》，透過朋友介紹而認識到賴國弘。今年佢哋仲一齊上大陸嘅真人騷節目《爸媽學前班》，佢哋嘅互動令人都想即刻去買返副黑超擋一下呢道強光啊！
分析說明：
本研究資料分析時間範圍為2018年1月1日至2018年12月25日，約一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『2018 中港台十大新婚夫妻』相關文本進行分析，並根據網友就該議題之討論，作為本分析依據。
本文所調查之結果，非參考投票、民調、網路問卷等資料，名次僅代表網路討論聲量大小，不代表網友正負評價。
DailyView曰：
買返副黑超嚟戴先得😎
