上年11月TVB公布咗2019年嘅節目巡禮，而好多大明星都回歸咗小螢幕，例如謝賢同楊千嬅，到時又會再創收視。
今日DailyView網路溫度計透過網路大數據調查咗過去半年網友討論度最高嘅港劇。
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
《極度怪咖》故事主要圍繞黑幫同埋有組織罪案及三合會調查科，TVB已經舉行咗記招公開演員造型，演員陣容強勁，包括王浩信、張振朗、馮盈盈、高海寧、傅嘉莉、湯怡及石修等，仲有今年俾大台視為最強武器嘅林宣妤，實在係值得期待啊！
特工組織香港分部無故爆炸，特工編號C9小嬌自此同總部失聯。後來小嬌嫁俾賣菜佬高大勁經過四年平凡幸福嘅生活，估唔到以前嘅partner B3 突然出現，仲邀請小嬌一齊調查當年爆炸嘅原因，同埋去搵當年因為爆炸而唔見咗嘅VT神經毒劑。
《黃金有罪》劇中嘅主演除咗有洪永城、蕭正楠同埋何遠東之外，仲有張兆輝。故事以7、80年代的香港作為背景，並以股票作為題材，而洪永城所飾演嘅喺一名小混混股票行經紀，仲講笑話要同佢老豆偷師關於當時工作、服飾、造型、流行語同拍拖地點～
《法證先鋒》系列已經確定開拍第四集，不過第四集嘅主角同頭三集完全唔同，由黃浩然、李施嬅、陳煒、譚俊彥、黃心穎同朱晨麗主演，仲有鄭希怡、鄭俊弘、謝雪心、康華、張文慈及海俊傑做配角，聽講連四哥都會參與拍攝，到時一定要睇佢點樣chok住拍劇啊！
明成北醫院係公營醫院龍頭，副院長楊逸滔決定為制度做一場醫改。但院內嘅天才醫生唐明質疑佢嘅計劃，醫改恐怕未能實行，擔心會有病人因為未能負擔醫療費用而死亡。兩人雖然理念唔同，但都同樣秉持住想拯救病人嘅初心，譜出一段段動人的仁心仁術故事。
閻武被人所害，導致妻死女盲，當年嘅「殺手之王」變成低端殺手。而喬星則係神級殺手，一高一低嘅殺手，因為命運嘅交錯而認識。閻武嘅仇人同殺害喬星兄弟嘅兇手都係台灣嘅黑幫大佬柯正雄，佢哋最後合力殺死柯正雄。
當上督察的尚垶頭部中槍，幸運地大難不死，還贏得「鐵探」稱號。但係槍手原來是總警司萬晞華的臥底Bingo，晞華因為與警隊高層簡國曙的權力鬥爭而放棄了Bingo，Bingo槍傷了警員，唯有變節求存。
故事講述一宗機場劫案，一名疑犯逃走引發一宗嚴重交通意外，適逢休班警員張景山、馬容義、章振赫、辛凱晴及姜昊正剛好來到現場，二話不說地即時參加現場救人及追捕疑犯的行動！
為咗呈現一場海外華人黑幫同香港黑幫爭鬥風暴，遠赴墨爾本取景。少年K親眼目睹母親被後父虐打而死，為咗幫母親尋仇，從此跟隨澳洲當地嘅幫會中人，解決連黑幫都搞唔掂嘅「問題」，成為「解決師」。K喺一次任務入面俾人污衊為叛徒，最後只能以假死逃忙返香港，輾轉成為咗中學PE老師，改名Orson。
「多功能」主婦藍飛原本同老公尚劍雄生活幸福美滿。萬風華同馬思蕾都係藍飛嘅好閨蜜，佢哋三個嘅愛情觀都南轅北轍。劍雄唔單止全身投入開拓事業，仲被揭發出軌後出走內地。藍飛失婚，過住獨力湊仔嘅生活，為咗家計，藍飛將屋企分租，成日同高富帥租客榮浩田互相鬥氣，笑料百出。
分析說明：
本研究資料分析時間範圍為2018年6月1日至2018年1月2日，約半年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『2019港劇巡禮 』相關文本進行分析，並根據網友就該議題之討論，作為本分析依據。
本文所調查之結果，非參考投票、民調、網路問卷等資料，名次僅代表網路討論聲量大小，不代表網友正負評價。