每逢過年，好多人都會想去黃大仙搶頭柱香、車公廟拜車公或者去林村嘅許願樹祈福許願。今日DailyView網路溫度計根據香港旅遊發展局網站提供嘅廟宇清單透過網路大數據調查咗過去一年喺香港網友討論度最高嘅廟，List準備好，拜完年就可以去行個大運喇！
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
油麻地天后廟係九龍最大嘅廟，亦係廟街命名嘅由來。廟內充滿住濃烈嘅古代氣息，被古物古蹟辦事處列為一級歷史建築。上年仲終於復辦天后寶誕，為市民祈福消災，祝願香港繁榮安定，活動包括舞麒麟、粵劇、長衫舞蹈及醒獅表演等等。
據聞龍母廟設有龍床，善信除咗可以透過撫摸龍床得到好運之外，仲可以根據從床上摸到嘅嘢嚟推測運程。而龍母廟嘅籤文更係出名嘅靈驗，而用廟前嘅龍水洗手又可添運勢，所以每逢農曆 5 月 8 日的龍母誕期間，唔少善信都會前往祈求多子多福，闔家平安。
林村天后廟就喺最為人熟悉嘅許願樹附近，每逢農曆年大家都會嚟許願，市民都會製作寶牒，再附上百解符、貴人指引及祿馬衣等，並將其繫上橙，然後再誠心向樹許願後拋上樹幹，冇跌落嚟就代表願望可成真。
東華三院文武廟位於上環嘅荷李活道，喺香港最古老嘅寺廟，歷史悠久。廟內長期都會燃起巨型嘅塔香，吸引唔少市民同遊客前往參觀參拜。而每年只要一到考試嘅季節，好多家長都會帶小朋友嚟祈求學業進步、考試順利。
圓玄學院始建於1950年，寺廟帶有濃厚嘅中國特色。喺圓玄學院，善信除咗可以參神祈福，仲可以去展館入面參觀。學院內有一個清幽嘅齋堂，仲可以喺度品嚐清淡可口嘅素食。
講到長洲嘅北帝廟，就一定會諗起每年一度太平清醮嘅搶包山活動。相傳清朝中葉長洲瘟疫為患，居民向北帝神祈福，並奉北帝神像遊行，疫症最後先得以消除。時至今日，長洲太平清醮已經成為國家級非物質文化遺產。
志蓮淨苑中嘅天王殿係參考咗日本平等院鳳凰堂嚟設計嘅。網上亦稱志蓮淨苑為明星寺廟，皆因曾志偉有份捐贈咗「志偉燈」、梅豔芳同校長譚詠麟都有分別有捐贈被稱為「梅池」同「泳池」嘅荷花池。
天壇大佛被譽為大嶼山最著名的旅遊景點之一，係世界上第二大的戶外青銅座佛，只僅次於台灣高雄嘅佛光大佛。想踏上天壇大佛，就必須先登上268級樓梯，以表誠心，仲可以睇下周圍嘅風景亦都會令人心曠神怡，絕對值回票價，頭先爬嘅樓梯都係值得嘅！
據說黃大仙係最有求必應嘅廟，除咗可以拜黃大仙之外，祠園入面亦供奉燃燈聖佛、斗姥元君、觀音大士、關聖帝君、孔聖先師、財神趙公明元帥、齊天大聖等多位神明等等，視乎你想求咩，就去搵所屬嘅神，而單身狗亦可以乘機拜個月老求個姻緣，咁下年新年就可以帶埋另一半拜年喇～
車公誕每年分別係「正月初二」、「三月廿七日」、「六月初六」同埋 「八月十六日」；其中以正月嘅頭誕最為熱鬧，但唔少市民為咗避「赤口」，多數會喺「正月初三」前往參拜。好多人拜完，都會買返個風車嚟轉下運，玲玲姐教路一定要男左女右，男士用左手，女士用右手，最好順時針轉，先可以帶嚟好運。
分析說明：
本研究資料分析時間範圍為2018年1月1日至2019年1月1日，約一年。
網路大時句系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『香港最高討論度廟宇 』相關文本進行分析，並根據網友就該議題之討論，作為本分析依據。
本文所調查之結果，非參考投票、民調、網路問卷等資料，名次僅代表網路討論聲量大小，不代表網友正負評價。
DailyView曰：
默默去拜返個月老脫單先得！
