那些年，香港樂壇有無數嘅歌唱組合都係我哋嘅集體回憶，Cookies、Sun boy‘z、Twins同埋at17你又記得幾多？當年我哋嘅偶像好多都一個一個步入咗禮堂，成為曬恩愛一族！
今日DailyView網路溫度計透過網路大數據調查，一齊嚟睇下當年嘅男星女星們，呢幾年做緊咩，以及佢哋過得好唔好啦～
DV小教室：網路大數據觀測咗近萬個網站頻道(而且不斷增加ing)，包括新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章訊息，都會save喺「網路大資料庫」入面，而呢d資料嘅數量同埋內容其實係可以被統計同分析嘅！
由Cookies出道嘅Kary，單飛之後以《分手要狠》一曲最為人熟悉，上年仲出咗新歌+精選《Best of Kary》。2015年終於同初戀男友拉埋天窗，喺上年5月母子平安生咗個健健康康嘅bb，上年年底帶bb出國嘅時候，po咗一張喺機場哺乳室餵母乳嘅相以行動為女性爭取哺乳權，獲得粉絲支持！
以嘻哈音樂組合「農夫」出道嘅C君，最為人熟悉嘅歌曲不得不提一定係當年嘅《舉高隻手》。上年同子華神一高一低演出棟篤特工被稱為天作之合，為電影畫龍點睛，仲被媒體譽為香港電影圈未來嘅黃金綠業。而上年年底，C君亦都宣布今年會拍咗3年拖嘅DJ女友黃天頤結婚。
2008年，糖兄妹喺一個活動被維高文化同蘇打綠經理人監製林暐哲讚賞佢哋嘅歌同表現，同年就同維高文化簽約。之後多次參與香港同台灣嘅大型音樂節，包括台灣嘅春吶。自2014年之後佢哋就少咗合體活動，而今年係組合糖兄妹出道10周年，糖妹表示將會再同糖兄合體，有一連串回歸活動。
由at17出道嘅林二汶，擅長於詞曲創作。2010宣布各自單飛發展。而2017年係at17成立15週年，兩位成員再度合體並推出單曲《Girls Girls Girls》，又宣布喺同年12月22日至24日於伊利沙伯體育館舉行演唱會，兩人閉關練歌，務求搵返當時中學年代嘅感覺。而上年二汶仲宣布加入Sony music重新出發。
以嘻哈音樂組合「農夫」出道嘅陸永成日都會喺IG Po相同老婆、兩個女曬幸福，實在係恨死隔離！佢喺上年仲有參與TVB big big channel 嘅網路劇《西遊之八戒與沙僧》演出沙僧一角，夠晒爆笑。而上年農夫亦都合體舉辦咗《18歲生日快樂演唱會》同埋《等錢洗世界巡迴演唱會》。
由Sun boy’z出道嘅陳偉霆，喺單飛之後亦憑住Taxi一曲，被網民暱稱佢為「的士佬」、「的士陳」。黃曉明嘅一句金句「而我不知道陳偉霆是誰」成為當時網民一大話題，後來佢仲索性出做一首《我是誰》嚟做回應。近年，佢都主力以喺大陸拍劇為主，喺中國嘅人氣都急升，可以話係Sun Boy‘z入面發展得最好嘅成員啊！
at17喺2010年宣布暫停組合活動，個別發展。2017年盧凱彤喺第28屆金曲獎以單曲《還不夠遠》獲得最佳編曲人獎，於感言中公開多謝自己嘅太太，宣布出櫃，喺網上獲得好多網民嘅支持。但令人惋惜嘅喺，上年8月5日盧凱彤喺寓所墜樓身亡，享年32歲。
Stephy當年係Cookies嘅隊長，後來各自單飛之後以演出葉念琛導演嘅愛情三部曲大受觀眾歡迎，亦同方力申合唱多首膾炙人口嘅歌。2016年同方力申分手之後，事業運大開，演出嘅電影《空手道》同埋《藍天白雲》都大受好評。而喺上年，仲同台灣嘅王子（邱勝翊）公開戀情，成日喺IG放閃㖭！
由13歲開始就兼職做Model，2001年同阿嬌組Twins出道，成為英皇嘅藝人。之後同林俊傑合唱嘅《小酒窩》都大受兩岸三地嘅歌迷歡迎，仲獲得多個獎項㖭。最近仲密鑼緊鼓咁為之前同周柏豪合作大受好評嘅《原諒他77次》，上個月開鏡拍攝續集《感動他77次》，將會於下年上映，大家一齊期待下啦～
憑住組合Twins紅遍中港台三地，個人發展方面成績亦都可以算係優異，經常都會同台灣歌手合作例如同吳克群嘅《全部都給你》MV喺一個月內，觀看次數就突破200萬。前年喺台灣拍劇嘅時候仲識咗醫界王陽明賴弘國一拍即合，上年舉辦咗世紀婚禮，兩岸三地嘅藝人都有出席，場面非常盛大！
分析說明：
本研究資料分析時間範圍為2018年1月2日至2019年1月2日，約一年。
系統觀測上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『那些年的歌唱組合歌手 』相關文本進行分析，並根據網友就該議題之討論，作為本分析依據。
本文所調查之結果，非參考投票、民調、網路問卷等資料，名次僅代表網路討論聲量大小，不代表網友正負評價。
DailyView曰：
班歌必揀Cookies嘅眼淺😍
