喺Google上面Search「香港樂壇」後面都會出現「香港樂壇 已死」、「香港樂壇 衰落」或者「香港樂壇 式微」嘅keyword。校長（譚詠麟）上年亦都係媒體訪問中講到：「在香港我未感覺有誰可以成為超級巨星，暫時未有人可以令我眼前一亮。」，今日DailyView網路溫度計就透過網路大數據關鍵引擎調查中港台討論度最高嘅Band隊，我哋發現其實有過半都係來自香港嘅，而家就嚟帶大家一齊睇下目前網路聲量最高嘅Band隊啦！
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
The Bright Light 2015年5月成立。佢哋係由三個曾喺唔同城市打拼生活嘅成員組成，成員包括 Tonyi、Raven 同埋 Tim。佢哋以獲獎歌曲《臺北 紐約 香港》被認識。上年年底仲推出咗單曲《自由呼吸》，網友歌詞入面提到「隨時日發現 世間沒太多天使 『美滿』是觀賞的漢字 」令好多人都感到共鳴。
八三夭喺2003年組成，大部分成員都來自成功高中。喺台灣推出第一張專輯之後就受到伯樂五月天阿信嘅賞識，主動幫佢哋寫專輯推薦，仲客串埋MV㖭。喺2017年仲喺香港舉辦咗佢哋嘅《生日趴趴趴巡迴演唱會》。而上年佢哋都終於企上台灣小巨蛋（相等於香港紅館等級）兩場都爆滿。
雞蛋蒸肉餅係2012年成立嘅四人女子樂團，以算術民謠為主要創作風格。雨傘運動一年後佢哋發表咗第一首廣東話歌《榴槤乜乜乜》，歌詞最後直白咁「究竟香港 仲係唔係我哋嘅香港」道出好多香港人嘅心聲，廣受好評。2017年仲入圍咗台灣金曲獎第28屆嘅最佳樂團，成為首個入圍該獎項嘅香港Band隊。
蘇打綠喺2003年正式確立咗而家嘅六人陣容。用獨立音樂走入市場，至今已經獲獎無數。佢哋嘅歌以「小情歌」最為人熟悉。而最受到支持嘅係佢哋亦會成日參與社會關懷嘅活動，例如聲援婚姻平權。雖然喺2015年宣布休團三年，但時至今日佢哋嘅討論度依然有增無減。
Kolor取自Color，帶有色彩嘅意思。當中嘅「K」係代表出道時經理人－Beyond成員黃家強。除咗《時差》同埋《圍城》係佢哋嘅經典之外，上年仲推出咗《不義之戰》，網友仲喺Youtube嘅MV留言話佢哋係band界嘅人生導師㖭啊！
ToNick喺2007年參加TVB嘅音樂節獲總冠軍同埋最佳創意獎，得到著名歌曲監製趙增熹賞識。2010年正式出道發行大碟，佢哋嘅歌詞非常貼地，偶爾會有粗口、抽下時事嘅水，深受年輕fans歡迎。主音恆仔2017年執導電影《救殭清道夫》，ToNick仲包辦埋電影主題曲《長相廝守》，令到多咗好多人認識佢哋。
RubberBand原本都各自來自唔同嘅Band隊。前期佢哋拎住自己嘅歌周圍搵唱片公司幫佢哋出碟，最終得到音樂人雷頌德賞識。代表作包括《你對我已經唔係好似以前咁》、《發現號》2018推出會令人眼濕濕嘅新歌《未來見》，而MV至今已經破百萬觀看次數，真係唔簡單啊！早前仲喺叱咤樂壇頒獎典禮拎到組合嘅金獎。
原來唔經唔覺Dear Jane已經出道做10幾年，雖然好多人都覺得佢哋紅歌唔紅人，但佢哋2016年用《愛情三部曲》再次打開佢哋嘅知名度。佢哋嘅代表作包括《不許你注定一人》、《經過一些秋與冬》至今仍然喺唱K必點嘅神曲。提提大家今（2019）年3月Dear Jane將會喺紅館開Show，到時記得去撲飛喇！！！
聽到Supper Moment一定會諗起佢哋果首《最後晚餐》，值得一提嘅係因為當初呢首歌係冇MV嘅，但因為深受大家嘅喜愛，吸引好多fans幫佢哋自製MV，最受歡迎係以《衝天救兵》動畫，亦成為首個「二創官方化」嘅MV！
五月天拎到第一名真係當之無愧，相信都無人會唔識佢哋，佢哋開個幾乎每首都可以拎去做代表作。五月天係1997年成軍，世界各地開演唱會都好快就銷售一空，每年五月都會嚟香港同歌迷嚟個「五月之約」，相信五迷們每年最開心就莫過於五月喇！
分析說明：
本研究資料分析時間範圍為2018年01月08日至2019年01月07日，共一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『兩岸三地最Hit band隊 』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
DailyView曰：
仲聽Beyond嘅海闊天空嘅我好老餅🙈
