自古以嚟，睇靚仔都喺萬千少女嘅專利，而近年就興起小鮮肉，今日DailyView網路溫度計根據中港台嘅小鮮肉，透過網路大數據做咗個調查，一齊嚟睇吓啦～
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
21歲嘅丁子朗係2016年香港先生亞軍，仲榮獲最上鏡先生同埋現場最受歡迎香港先生。做得香港先生就當然唔少得肌肉啦，為求大眾嘅福利，Karl對於操肌非常勤力，每日都會做10組Plank同sit up。目前仲密鑼緊鼓拍緊TVB新劇《解決師》，大家可以期待下喇！
范丞丞相信大家都知道佢就喺同范冰冰相差19年嘅細佬，之前仲有人質疑佢可能喺范冰冰嘅私生仔，不過隨住佢嘅否認同控告製造謠言者，無庸置疑而家佢哋已經喺法院認證嘅姊弟。佢上年參加愛奇藝嘅《偶像練習生》節目，以第三名嘅成績成為男團NINE PERCENT的成員正式出道。
郭子豪喺名校出身，喺英國讀大學，2012年返香港做intern嘅時候被美國知名品牌A&F睇中，擔任香港旗艦店同全球店鋪開幕禮嘅Model。喺前年（2017）佢喺TVB演咗《親親我好媽》而受到注目。但好可惜嘅喺佢已經有女朋友喇><
王嘉爾係首個來自香港嘅韓星，由戲個就好有表演慾，好鍾意音樂同埋表演，2014年佢以韓團GOT7成員出道，口甜舌滑嘅佢仲好識氹fans㖭！上年年底官方宣布Jackson入駐香港杜莎夫人蠟像館，蠟像將會喺今年（2019）中進駐揭幕，到時大家就可以佢同佢嚟個自拍合照喇XDD
許凱2013年以Model身份出道，2016年簽約新公司正式成為陳曉個師弟。2017年主演大陸電視劇《延禧攻略》傅恒一角即刻喺兩岸三地爆紅，顏值爆表嘅外表加上佢1米85嘅身高，真係冧死女啊！不過，上年（2018）年底佢嘅舊愛就爆料許凱曾經家暴兼偷食，嚇走唔少Fans。
鹿晗之前係韓團EXO嘅成員，離開EXO之後以演出《重返20歲》正式返大陸發展，之後主持嘅《奔跑吧兄弟》都大受香港人歡迎。喺前年（2017年）佢突然喺微博公開同關曉彤嘅戀情，微博仲一度因為流量過大，陷入癱瘓㖭！
吳亦凡亦都係來自韓團EXO。2017年喺《中國有嘻哈》做評判大受歡迎，而佢喺當中都除咗唔少潮語，應該可以話係近年出得最多潮語嘅人喇！例如有經典嘅「你有Free Style嗎？」，仲有「skr」都係大家都一定會聽過嘅字。
易烊千璽2013年以TFBOYS團體出道，真係鮮肉到貓得再鮮，而家先18歲咋！咁細個就出道嘅佢，仲兼顧到學業，成功考上中央戲劇學院，果然係學霸啊！前年（2017）仲喺台灣天團五月天《成名在望》嘅MV擔任男主角，療癒大家嘅眼球～
來自台灣嘅陳立農，之前被曾經捧紅《黑澀會》同《棒棒堂》嘅台灣偶像推手Andy哥睇中，簽咗佢做旗下嘅練習生。上年（2018）喺大陸節目《偶像練習生》演唱《女孩》一曲備受矚目，最後以第二名姿態出道，成為NINE PERCENT組合成員，擁有一對會笑嘅雙眼果然非常重要，農農一笑就電死fans喇！
余德丞入行前係香港游泳代表隊成員，2013年加入TVB做體育寫稿記者同埋外景主持。前年（2017）演出《誇世代》「尚浩洋（Ocean）」一角開始被觀眾受到注意，由幕後走到幕前，果然唔簡單啊！而今年仲會有佢嘅新劇《褔爾摩師奶》，大家就唔洗驚見唔到佢嘅作品喇！
分析說明：
本研究資料分析時間範圍為2018年1月10日至2019年1月10日，約一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『中港台小鮮肉 』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
DailyView曰：
睇完都流晒口水🤤🤤🤤
