以為佢地唱歌演戲就話叻姐，點知原來讀書都好勁！當中有啲大學之前未聽過但我覺得個學位都可以話係一種對佢地努力嘅肯定啊。今日DailyView網路溫度計根據只要喺香港讀到副學士以上或者海外留學，透過網路大數據調查咗過高學歷嘅男藝人。
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
林峯出生於廈門，曾經就讀中國廈門大學建築系一年級之後轉學到美國南加州大學完成建築學學位。更喺2007年出道成為歌手推出多首熱門K歌，成為歌影視三棲藝人。佢更加喺2011-14年連續四年進入福布斯中國名人榜，商業價值備受肯定。不過喺2014年同TVB簽約後就甚少見佢喺香港電視出現喇！
許冠傑出生於廣洲，香港知名創作歌手。畢業於香港大學心理學系。相信許冠傑唔會有人無聽過，係香港流行曲嘅始祖。喺嗰個國語歌係王道嘅年代，Sam推出一首又一首廣東歌講述香港現況，當中包括《學生哥》、《每事問》、《半斤八兩 》等，掀起廣東歌熱潮。
出生於香港嘅許廷鏗，曾就讀聖約瑟書院同德瑞國際學校（預科），最後升讀香港大學，取得牙醫學士學位，考取牙醫執照。2009年因為機緣巧合下參加第一屆《超級巨聲》開始為人熟悉，2011年簽約星煥國際正式出道。之前陸續推出過《青春頌》、《重新長大》等熱門歌曲，星途一片順遂。
馬國明出生於香港，畢業於加拿大英屬哥倫比亞大學機械工程學院。藝人訓練班出身嘅佢由跑龍套做起一步一腳印累積經驗，直到演出《衝上雲霄》開始受到重視，隨後推出多部代表作。喺2012年更成為雙料視帝，一路以來嘅努力終於備受肯定。
黃子華就讀聖若瑟英文中學同威靈頓英文中學，之後到加拿大阿爾伯塔大學就讀取得哲學學士。1984年回港後曾經從事多種工作，當中包括臨時演員、編劇、電視主持等但星途不順打算退出娛樂圈。並決定將佢喺娛樂圈的經歷以棟篤笑嘅方式描述，諷刺嘅係佢嘅棟篤笑喺香港大受歡迎，成就依家嘅子華神。
分析說明：
本研究資料分析時間範圍為2018年1月12日至2019年1月11日，約一年。
系統觀測上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『香港高學歷男藝人 』相關文本進行分析，並根據網友就該議題之討論，作為本分析依據。
本文所調查之結果，非參考投票、民調、網路問卷等資料，名次僅代表網路討論聲量大小，不代表網友正負評價。
榮譽學位係一種根據學術成就或者對國家、社會所作出的貢獻而授予嘅榮譽學位。係唔需要進行考試同論文答辯嘅，只要喺該領域被視為成功嘅人，就可能獲得呢項殊榮。而以下就係DailyView網路溫度計根據只要獲頒發榮譽學位嘅男藝人，透過網路大數據做咗個調查。
DV小教室：網路大數據觀測咗近萬個網站頻道(而且不斷增加ing)，包括新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章訊息，都會save喺「網路大資料庫」入面，而呢d資料嘅數量同埋內容其實係可以被統計分析嘅！
古巨基出生於香港，雖然當年會考得五分，不過最後喺2015年獲得加拿大紐賓士域藍仕橋大學頒發人生第一個榮耀博士學位。歌手嚟講佢都可以話係一個傳奇，更係首位獲邀出席美國Billboard Music Awards嘅香港歌手啊！
張敬軒喺2017年取得法國北歐大學榮譽商管博士係佢人生第一個博士頭銜。而同年九月獲西倫敦大學的倫敦音樂學院頒發榮譽音樂碩士。雖然佢因為製作重音樂設計時成日側頭用耳筒聽音效導致左耳得翻20%聽力，但佢依然繼續對音樂嘅堅持，呢種精神真係好難得。
陳奕迅出生於香港，中學校長因為父親係高級公務員，中學時獲到政府津貼到英國唐德塞中學就學。1996年正式出道成為歌手到依家，推出左多首燴灸人口嘅經典歌曲。更曾經被美國《時代雜誌》形容為影響香港樂壇風格人物，不愧係E神啊。
曾志偉喺2006年獲科羅拉多哈頓大學頒發世界傑出華人暨榮譽博士學位，當時第一次著博士袍嘅佢笑到合唔埋口㖭！而佢個仔都好替佢開心，仲不斷大讚佢爸爸，一直喺心入面都以佢為榮㖭，獎門人聽到真係一定開心過收到個學位啊！
一向有民間特首之稱嘅華仔，樹仁大學喺前年（2017）年頒發咗榮譽文學博士俾佢，唔覺唔覺原來華仔都已經填詞填咗150首歌咁多，梁教授喺畢業典禮上宣讀贊辭表示華仔喺演藝事業同對香港嘅貢獻，甚至對於香港人有深遠影響。華仔上台獲頒授之後，雖然冇發表演辭，但全場依然掌聲不斷啊！
分析說明：
本研究資料分析時間範圍為2018年1月12日至2019年1月11日，約一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『香港榮譽學位男藝人 』相關文本進行分析，並根據網友就該議題之討論，作為本分析依據。
本文所調查之結果，非參考投票、民調、網路問卷等資料，名次僅代表網路討論聲量大小，不代表網友正負評價。
DailyView曰：
真係唔聲唔聲嚇你一驚啊！
