女朋友成日掛住睇韓劇唔理你？中晒毒咁想你好似韓劇男主角咁，係咪好崩潰呢？想知邊個先係你哋之間嘅第三者，今日DailyView網路溫度計根據2018韓劇嘅男主角，透過網路大數據做咗個調查，一齊嚟睇吓啦～
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
崔振赫喺上年（2018）播出《馬成的喜悅》後再次大受好評，你睇完第一集絕對即刻糖尿病。喺劇中對女主角嘅態度就係行一個霸道總裁路線，簡直冧死女啊！緊接著仲有拍新嘅一套《皇后的品格》等你由2018到2019都唔會遺忘佢，睇到你夠喉為止！
徐康俊喺2016韓劇《奶酪陷阱》做男二爆紅，可愛同帥氣可以話集於一身嘅佢人氣直線上升。2018年播出兩套劇《第三種魅力》、《你也是人類嗎》都有佢份，絕對唔會令你lonely。喺《你也是人類嗎》入面佢一人飾演兩個角色，見到冷酷嘅南信同埋溫暖機器人南信，絕對令人一次愛上「兩位男主角」～
池晟喺2015年演出《Kill Me Heal Me》，藉由搞笑演出女高中生角色安耀娜獲得高人氣。喺上年（2018）播出嘅《認識的妻子》發佈會上仲好謙虛話自己對演已婚男冇自信（咦？但池晟唔係本身已經結咗婚喇咩XDD），雖然係老土劇情高穿越過去改變未來，但其實有池晟就已經喺收視嘅保證喇！
丁海寅喺2017年演《當你沉睡時》就已經廣受大家嘅矚目，2018演嘅《經常請吃飯的漂亮姐姐》可以話至少紅遍中港台三地。大家都非常關注佢哋戲裡戲外嘅互動，丁海寅眼神入面充滿心心眼，如果俾你對到眼都咪話唔心動啊。而近年，年下男當道，甜死人嘅姐弟戀絕對令你即刻想識返個男朋友啊！
相信唔洗我多介紹大家都睇過佢嘅經典之作《主君的太陽》。睽違3年，蘇OPPA終於出新劇，真係等到大家頸都長埋啊！喺上年（2018）嘅韓劇《我身後的陶斯》入面大蘇飾演國情院情報員不時都有著住老西嘅型仔造型，實在融化萬千fans嘅心，絕對可以彌補3年之癢！
EXO隊長Suho，本名金俊勉。由2015年開始拍戲之路，喺《宇宙之星》擔正做男主，舊年嘅《Rich Man》入面係億萬資產社長李裕燦，IQ160嘅天才，但有臉盲症。典型嘅總裁劇類型，加上Suho嘅靚仔樣，一chok迷倒眾少女。
寶劍BB雖然《請回答1988》先廣為人知，其實佢一早喺2011年就出道。《雲畫的月光》入面作為深情嘅王世子真係man到無人有。沉澱左兩年，同「阿嫂」宋慧喬合拍嘅《男朋友》，做年下男職員冧到姐姐姨姨們流晒口水。
《死之詠贊》同實力派演員申慧善合作，故事由真人真事改編，以朝鮮日治時代為背景，為左紀念作家「金佑鎮」，李鍾碩仲無收片酬出演。就黎當兵嘅鐘碩，今年仲有套戲《羅曼史別冊附錄》要上，韓劇迷準備死守！
喺《阿爾罕布拉宮的回憶》飾演工科博士加公司代表，同劇仲有朴信惠、EXO 燦烈，高知名度演員組成，一開始就有好高收視率。前年喺《海德、哲基爾與我》挑戰完一人兩角之後，呢次又黎創新題材，係首部結合AR科技嘅奇幻愛情劇，睇住玄彬拎劍、拎槍打怪man到爆炸。雖然套劇有啲燒腦，但都好期待結局喺點。
第一名當然喺國民男友朴敘俊，喺《三流之路》已經係大家嘅男神，舊年《金秘書為何那樣》完全係佢嘅演藝事業另一個高峰。由漫畫改編，劇內飾演高富帥在於一身，但背負著過往不為人知嘅傷痛。入面大曬肌肉之餘，同女主角朴敏英嘅超強cp感，令套劇人氣更上一層樓。有排身邊嘅朋友都要改名做「金秘書」。
分析說明：
本研究資料分析時間範圍為2018年1月12日至2019年1月11日，共一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『2018韓劇男主角』相關文本進行分析，並根據網友就該議題之討論，作為本分析依據。
DailyView曰：
朴敘俊就係My cup of tea啊😍😍😍
