2018播出咗好多嘅韓劇，大家係咪都好enjoy喺d粉紅泡泡度呢？相信好多人都會ff自己成為個女主角咁幸福。今日DailyView網路溫度計根據2018韓劇嘅女主角，透過網路大數據做咗個調查，一齊嚟睇吓啦～
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
韓國一向漫改嘅韓劇都收視唔錯，而金裕貞演出嘅《先熱情的打掃吧》梗係丟唔輸得啦！呢套劇係金裕貞成年後嘅第一部作品。金裕貞喺劇中男友力十足，完全冧死仔啊！而因為喺香港Viu TV都有播出，討論度都大大提高咗好多！
一向係收視保證嘅徐玄振，演嘅劇都會成為話題，相信大家之前都有喺《又，吳海英》對佢已經有一定認識，今次再次同該劇導演合作，喺上年（2018）演出《愛上變身情人》嘅劇集版，同之前電影版基本上只有故事概念相似，有觀眾仲話故事比電影版好睇！
智孝喺《Lovely Horrible 》飾演一名有神奇力量嘅編劇。由佢老竇事業失敗之後佢就一直處喺好黑仔嘅人生入面，劇中頭髮遮住隻眼嘅造型非常搞笑。智孝仲話劇中角色雖然經歷過好多黑仔嘅事，但都仲依然積極樂觀咁生活，係好值得大家學習嫁！
2018年孔昇延出演《你也是人類嗎》，喺劇中飾演ROAD FC運動員出身嘅「助理保鑣」姜小風，無論係同南信三號機械人定係南信，佢哋之間嘅互動都非常有趣。想必大家都好羨慕佢喺劇中擁有南信三號呢個機械人（小編都好想同佢收購返個啊XD）
37歲凍齡嘅張娜拉繼《Go Back 夫婦》之後，上年（2018）又有新作品喇！今次係同崔振赫合作《皇后的品格》，收視節節上升。今次亦都係佢地繼《命中注定我受你》之後二次合作，佢哋之間嘅默契就更加不容置疑啦！
以少女時代出道嘅徐玄，上年（2018）演嘅《時間》第二次擔正女一，但都只能用黑仔嚟形容佢。由發佈會開始男主角金正賢因爲入戲太深，一直表現出對徐玄討厭嘅舉動，仲係咁黑佢臉，網民仲係咁幫徐玄抱不平㖭啊！
朴敏英2018同男神朴敘俊一齊演出《金秘書為何那樣》受到關注，除咗霸道總裁受上女秘書嘅劇情吸引一眾觀眾之外，朴敏英喺劇中嘅OL Look無論係造型定打扮都成為大家參考嘅simple 。呢套可以話係2018必睇劇之一！
已經5年冇拍劇嘅孫藝珍，上年（2018）同丁海寅一齊演出以宋宋CP為創作靈感嘅姐弟戀韓劇《經常請吃飯的漂亮姐姐》大獲好評，CP感爆晒棚！一眾fans都希望佢哋假戲真做㖭！
宋慧喬同佢老公宋仲基個好朋友朴寶劍合作出演《男朋友》。《男朋友》其實就係用姐弟戀包裝嘅總裁愛情戲，但大家都非常愛落，不過好多網民就話太出戲喇！冇辦法睇朴寶劍同阿嫂一齊！
分析說明：
本研究資料分析時間範圍為2018年1月12日至2019年1月11日，共一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『2018韓劇女主角 』相關文本進行分析，並根據網友就該議題之討論，作為本分析依據。
DailyView曰：
孔昇延可唔可以賣佢個機械人俾我🤤
