唔理係男人定女人，現代人對於靚嘅追求相當積極，無論係樣同身材，有越來越多「小方法」令大家變靚d！例如化妝技巧或者箍牙等等。今日DailyView網路溫度計根據香港女大18變嘅女星，透過網路大數據做咗個調查，一齊嚟睇吓啦～
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
愈來愈靚的江若琳，一直以清純可愛形象示人，除了5蚊銀愈來愈精靈外，下巴亦比以前更尖，迷倒唔少少男。不過口痕友就話那些年的她係單眼皮、蝌蚪眼，或者呢個就是「女大18變」啦！雖然係咁，江若琳都坦白承認自己青春期嘅容貌確係「極其樣衰」，尤其一棚「突出」嘅哨牙，仲令佢成為同學嘅笑柄。
畀人傳變臉，但楊秀惠（Vivien）一於少理，我行我素。強調自己只係愛靚，花時間護膚之餘，亦靠化妝同Colour Con去變靚！ 26歲嘅楊秀惠，曾表示過想整容變靚自己。之後佢同孫耀威甩拖就變得索咗。包包面唔見左， 下巴尖左。結果覓得一個好歸宿進駐男家市值逾1億的禮頓山四千呎豪宅。
今時今日，唔變臉點做藝員。面容都悄有變化的陳法拉，2010年接咗個skin care廣告，就被記者追問「點解你下巴離奇變兜？」佢即刻斥責記者咁講係咪想斷佢米路！「我寧願你寫我緋聞好過寫呢啲。」跟住又話：「又想點呀？之前已經俾人話我整呢樣整嗰樣，又話我隆胸，依家又想話我下巴整過！」娛樂圈嘅考驗真大！
被講成係「蛇精臉」嘅鄭裕玲，係八九十年代嘅超級女演員。同佢合作嘅演員包括成龍、吳孟達同梅艷芳等當紅大牌。據講佢80年代已開始每個禮拜用果酸換膚，因過度密集致嚴重甩皮。又傳佢唔單止臉上動刀整容，而且為咗排毒仲要每周洗腸一次，又每日服藥21粒。對比之前溫柔的形象，年紀漸長的鄭裕玲已今非昔比。
相對其他演藝人士，李玫就好大方同坦白話自己有整容，但就只限於割雙眼皮。不過之後亦默認鼻哥同臉部都有做過「手腳」，但唔係用刀。佢仲話如果老咗，胸部下垂都會唔介意「修補」下，只要能夠增加信心係OK嘅。有需要都會試下打botox。但講到尾，佢又補充一句︰「不過我都係得個講字，始終有啲驚。」
被嘲笑為「木偶鼻」嘅楊怡，由出道至今充滿「鼻聞」，雖然係咁，星途亦愈來愈順。好多粉絲發現，楊怡出道個陣，扁鼻樑、闊鼻翼，同而家好大分別。據講佢半年到一年咁上下，就要搵在中環執業的周永就醫生做「保養和維修」。而周醫生亦說出楊怡亦有幫襯佢。但楊怡澄清只係想去除胎痣。
姚子羚本來就容貌優雅，氣質獨特，以及精緻嘅長相。網友比較佢前後照片，雖然差別不大，但仍然調侃咁指出，雖然佢唔洗大執，但少不免有過微調。姚子羚結婚後慢慢息影。然而，呢位昔人幹練嘅主持同演技出色嘅藝員，仲係令人觀眾留低深刻嘅印象。
有人話謝安琪整容前係醜小鴨，五官扁平欠立體感。加入香港樂壇已有14年嘅謝安琪，出道初期因外貌平庸而受到忽視，其後謝安琪疑似箍完牙，外貌愈變愈靚；不過老公張繼聰就講過「Kay嘅靚同太陽會喺東邊升起一樣，唔需要證明」，冧死人喇！
女星博上位點可以唔靠靚。04年胡定欣加入無線，一直只徘徊在二、三線角色入面。傳聞圈內幕後人士叫佢執下對大細眼，即刻有人指出佢嘅臉型同對眼都有整過。之後繼續傳佢又執下鼻翼、整高鼻樑，裏裏外外重新包裝。終於08年因出色的演技，入行多年嘅胡定欣終於成功出到位。
容祖兒整容嘅傳聞不斷，2008年亦被傳媒戲稱佢為「凹凸容姨」。初出道嘅容祖兒笑出「大牙肉」，隨即被傳媒封為「牙肉王」。之後亦傳整個鼻，後來佢上「志雲飯局」，畀陳志雲摸鼻以驗名正身。但無論如何，坊間仍傳整容部份包括臉頰、下巴、眼睛，當然身材曲線都免不了。但佢自信咁澄清︰「我樣貌平凡，但唔洗整容。」
分析說明：
本研究資料分析時間範圍為2018年6月22日至2019年1月21日，約半年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『女大18變女藝人 』相關文本進行分析，並根據網友就該議題之討論，作為本分析依據。
DailyView曰：
點解我廿幾年都冇變🙈
