過年可以同屋企人相聚，拜吓年逗吓利是就固然開心啦！但有啲職業嘅人就keep住返工真係好辛酸！今日DailyView網路溫度計根據過年多要返工嘅職業，透過網路大數據做咗個調查，一齊嚟睇吓啦～
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
新年無假放已經夠慘㗎啦！但偏偏客服更加係一個吃力不討好嘅工作。通常都會俾人鬧，但如果無咗佢地又無人幫我哋解決問題。所以下次打去客服嘅時候有禮貌小小，大家都可以過個快樂嘅年。
一到節日意外總係特別多！有時候新年去BBQ有可能會發生火警、放假行下山有可能會被困山中，喺呢啲時候我地就需要消防員幫幫手喇！雖然新年無得放假好慘，但如果無左佢地就會好大鑊，好彩有佢哋咋！
講到新年嘅娛樂一定會諗到入戲院睇賀歲片！戲院全年無休，戲院職員都跟住一齊全年無休。個個都放假嘅時候，大家約埋一齊去睇戲。多得佢地緊守崗位我地先有得食住爆谷睇賀歲片過個休閒嘅新年。
新年係網購嘅旺季，網上購物平台各式各樣嘅新年優惠吸引更多人買嘢，係呢個時候物流業擔任住一個重要嘅角色，更多嘅貨物加重咗佢哋嘅工作量。搬搬抬抬又要揸車，工作量大加上工時長，揸住架車周圍送貨真係辛苦晒佢哋啦！
新年絕對係樂園嘅旺季啊！樂園工作人員唔止無得放假，工作量仲好大𠻹啊。除左有好多家庭去揾家庭樂仲要招待嚟自唔同地方嘅旅行團，真係辛苦哂佢地啊！雖然工作辛苦但佢地依然帶到歡樂比人，呢種精神值得學習。
又一個一年三百六十五日廿四小時，年中無休嘅職業啊！多得香港警察一直默默守護住我地嘅安全。仲有好彩有交通警察幫我地維持路面秩序，減低意外發生，等我地可以開開心心過年啊！
每日出門口落到樓下都總有個人會笑住同你打招呼，令你全日充滿活力。呢班人新年都唔會例外，一樣默默地守護住我地嘅安全，緊守佢地嘅崗位。而佢地就係我地大廈嘅看更喇！
如果交通運輸業放假我地就真係可以足不出戶喇！多得佢地新年都辛勞工作我地先可以周圍走去拜年逗利是咋！唔止我地出街要靠佢地，啲返工嘅人都係靠佢地架。運輸業休息就等於成個香港都要休息，真係辛苦哂佢地全年無休啊！
雖然有好多食肆新年都會休店到年初四初五先開返門，但都依然有啲快餐店同酒樓都無得休息。如果唔係我地新年就無地方去，仲要食自己㗎喇！年初一去嘆茶逗利是都唔好忘記佢地背後嘅辛酸啊！如果可以嘅話就講句新年快樂，可能佢地已經覺得好窩心㗎喇。
記者就真係要一年三百六十五日年中無休廿四小時stand by。因為隨時都可能有大事件或者意外發生要報導俾社會大眾知，但就係因為咁無得好好留喺屋企過年同屋企人相聚真係好辛酸架！真係辛苦哂佢地啊！
分析說明：
本研究資料分析時間範圍為2018年1月22日至2019年1月21日，共一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『女大18變女藝人 』相關文本進行分析，並根據網友就該議題之討論，作為本分析依據。
DailyView曰：
欣賞各行各業緊守崗位嘅精神啊！
