雖然Instagram俾人嘅感覺係年輕人先會用嘅玩意，但以下十位年過50嘅藝人竟然都跟得上潮流一齊潮玩IG。今日DailyView網路溫度計根據50歲以上有玩IG嘅藝人，透過網路大數據做咗個調查，一齊睇下係邊10位啦～
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
最近忙緊巡迴演唱會-《一萬天荒愛未老》嘅周慧敏成日都會喺成日更新佢IG，身為「玉女掌門人」嘅佢完全係凍齡美魔女， 佢會喺IG po好多靚相，同埋都會轉發其他人人哋嘅po幫手宣傳。
DoDo姐係一個深受多種年齡層觀眾喜愛嘅資深演員同節目主持及司儀，佢係IG每日會po佢同電台嘉賓嘅合照同埋每日嘅outfit。佢個IG好有規律地背景大部份都係同一個場景，唔係電台背景就係一度門。
由黎耀祥嘅IG可以見到佢成日都周圍去旅行食好西，喺佢嘅IG入面有好多美食相同旅行相，佢最近都po咗日本同韓國嘅靚相，好似過緊退休生活咁開心！佢更新IG嘅次數都好頻密㗎～
拍左好多經典劇集嘅米雪，雖然已經五十幾歲，不過都跟得上最近IG嘅熱潮，佢喺2018年9月po咗佢IG人生嘅第一張相！佢不時會upload佢嘅自拍相同埋同其他人嘅合照！
劉嘉玲會係IG po啲咩？最近拍咗新戲《大偵探霍桑》嘅佢不時喺IG po啲電影短片宣傳；經常去行山嘅佢成日都po同朋友嘅行山相；另外佢都會po啲工作同聚會嘅相！
雖然汪阿姐比人嘅感覺係老一輩明星，不過你咁諗就錯喇！前排汪阿姐因為佢獨特嘅一套tag人方法，喺IG掀起左一陣熱潮。個個都喺相中用紅字寫人名tag人仲會喺最後加上一個hashtag #lizatag 𠻹，分分鐘仲潮過你啊！
下個月開演唱會-《Along with Ekin Live Concert 2019 》嘅鄭伊健成日係IG宣傳佢嘅演唱會，見佢咁落力宣傳就祝佢演唱會成功啦！另外，佢仲會大家一齊重溫下佢以前嘅電影小片段。
「年年25歲！Always25！」嘅校長就連佢IG名入面都有個25！年年都25歲嘅佢梗係追得上潮流，又點少得一個IG account呢？最近仲不停佢嘅演唱會花絮片段𠻹。
舊年11月開左場《鍾鎮濤故事繼續演唱會》嘅鍾鎮濤喺2012都開設左個個人嘅IG帳號，分享工作日常同自己嘅日常生活。佢IG Bio入面就放左句「Go easy , be happy」喺佢分享嘅相入面都睇得出佢生活得好開心，可以貫徹到呢句說話啊！
拍左例如《警察故事》等經典嘅成龍大哥原來都有開設個人IG帳號，而成龍大哥嘅IG大多分享活動花絮或者日常生活照而文字以英文為主。追蹤人數嘅部分更高達78萬𠻹啊！係好多年輕嘅藝人朋友望塵莫及嘅數字啊。
分析說明：
本研究資料分析時間範圍為2018年1月22日至2019年1月21日，共一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『50歲後仲有玩IG嘅藝人 』相關文本進行分析，並根據網友就該議題之討論，作為本分析依據。
DailyView曰：
汪阿姐真係活到老學到老啊XD
