過年你只知道收利是？其實仲有好多不能遺忘嘅傳統！

到沙田車公廟轉風車，係香港獨有嘅過年文化，每逢過年，好多人都會呢間廟拜神，順便轉轉風車，祈求新一年事事順境！好多人以為「車公誕」喺初三，其實初二先係正日。依家但凡為港人港事求神問卜，多數都會搵車公指點。據講風車要順時針方向轉動，轉完風車後，應輕敲鼓三次先算正確。

人日節係指每年農曆正月初七。人日可能係源於—種動物崇拜嘅遺風，傳統上每種動物，包括人在內都有自己嘅神話。相傳過去人和動物不分彼此，大家都有自己的生日。正月初—係雞；初二係狗；初三係羊；初四係豬；初五係牛；初六係馬；初七係人。而家每年初七，變成畀大家互相祝賀嘅機會。

「赤」呢個字有「貧窮」嘅意思。赤口，係中國民間傳說中嘅一個惡神，主鬥訟之事。按照傳統習俗，大年初三赤口，就唔係咁適宜拜年，因為當日容易與人發生口角爭執，為防招惹口舌是非，有啲人選擇留喺屋企。或者轉而到車公廟拜神。如果唔出唔得，相傳放一道化口舌符喺身上，以化解口舌。

位於大埔林村的許願樹，始建於清朝乾隆年間，係香港著名的許願勝地。樹身體積龐大，好似把大雨傘，樹幹需四、五個人先可以攬住。原本嗰棵樹齡約600多年，喺村公所右邊；另一棵喺村口，樹齡約200多年，喺「林村」牌坊之前。依家見到嘅係後來從大陸買入嘅新樹，體積遠不如村外之許願樹。

利是即係紅包，入面有小額鈔票。鈔票面值就豐儉由人，總之都係寓意吉祥。小朋友𢭃利是之旅由家中父母開始，一般喺年卅晚由父母的歲壓錢啟動，年初一恭賀親生父母開始，隨著祝福語，如身壯力健、龍馬精神之後，下一站就係親朋戚友等長輩家拜年，從中學習拜年時應有的傳統禮儀，及尊敬長輩等美德。

中國人無論做什麼事，都離不開「吃飯」、「宴席」，尤其係過年個陣更加格外重視。 不過各處鄉村各處例，年初一或年初二都有人做。都係叫開年飯，即一年的「頭牙」。做生意嘅，東主與員工在店內或食肆一齊食開年飯，食嘅菜肴係八菜一湯，寓意長長久久，希望來年新開始諸事順利，生意興隆。

回娘家古時叫歸寧，即係流程歸寧咁解，俗稱返外家。即係指已婚婦人由夫家返外家，所以又叫做回門、作客。因為以前通訊和交通都非常唔發達，通常新娘到夫家後，便等於和娘家失去了聯繫，所以呢個習俗就意義深長！等女生同佢親生父母、兄弟妹妹團聚敘；祈求更美好的生活，包括人丁興旺，五穀豐登。

開講有話「年廿八，洗邋遢」。所謂洗邋遢，亦即係大掃除，當然係徹徹底底咁清潔。時間就係喺年廿八，點解大除掃？咪就係送舊迎新囉！而家社會進步好多，話大除掃啫，唔一定要自己一手一腳，重災區嘅廚房「抽油煙機」、「窗戶、紗門」同埋「浴室」，都可以慳番啲時間，book定家務助理嚟幫手。

拜年是中國民間的傳統習俗。拜年是從家裡開始的。年初一早晨，起床後首先要向父母和長輩拜年，通常會祝福佢哋「身體健康、龍馬精神」。外出拜年，除咗笑面迎人，仲要誠摯咁祝願人家「萬事如意、新年快樂」；左鄰右裡亦要相互登門拜年，互相祝福。老闆就梗係「生意興隆、貨如輪轉」喇！

團年飯，又稱年夜飯、團圓飯等，係春節嘅重要習俗之。係趁著年終嘅時候，一家人齊齊整整咁喺年卅晚一齊食餐飯。除夕夜嘅團年飯菜式通常特別多，一家人都吃不完，當然名稱上都係好意頭 。喺特別重視人情的中國人社會裡，即使沒有真正的血緣關係，好多中小企老闆都會同員工食番餐團年飯。