拜完年唔知做咩好？去到戲院又唔知邊套好睇！今日DailyView網路溫度計根據以過年有上映嘅戲，透過網路大數據做咗個調查，一齊嚟睇下啦！
DV小教室：網路大數據觀測咗近萬個網站頻道(而且不斷增加ing)，包括新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章訊息，都會save喺「網路大資料庫」入面，而呢d資料嘅數量同埋內容其實係可以被統計分析嘅！
台灣金馬最佳劇情片《大象席地而坐》係青年作家、導演胡波第一部亦最後一部執導嘅電影。描述四個為咗生活而奮鬥嘅無名小卒嘅故事。先旨聲明此片與大象無關，卻鮮活咁反映咗入面各種人物嘅生活片段，佢哋每日奔波勞碌地為生活拼搏，好似輪上面倉鼠一樣艱辛奔跑，搏鬥於金錢同權力嘅遊戲。
喺威尼斯影展獲極高的評價！全套戲以中國「水墨畫」，加上膚色同血色，一共「4個顏色」去詮釋全片的意境、情緒，十分特別！而劇情係講緊三國的戰亂時代，各路英雄豪傑以權謀爭天下，成日有「刺殺」行動。而佢哋都需要一個「替身」，在危急嘅時候挺身而出為「真身」搏番一命。
今集破壞王走出傳統機舖街機，跌入互聯網，尋找軟件拯救好朋友雲妮露的「甜蜜大冒險」，破壞王同雲妮露決定走入未知的廣大網絡世界出發。過程中，兩位網絡新手遇到重重難關，好彩得到一班網絡紅人教路，喺神隊友助攻下，兩人破壞功力有增無減，協同效應下成功玩轉互聯網呃爆Like！
《綠簿旅友》係講述1962年非裔鋼琴家雪萊，為了安全地巡迴演出，特別請左白人司機東尼。佢哋由紐約出發，跟住專為黑人而設的安全旅遊指南《綠簿》，一路深入種族歧視嚴重的南部，甚至生命受到威脅，最後佢地喺旅程中放低偏見，守望相助。套戲有笑有淚，值得一睇啊！
呢套戲係由真人真事改編，講述樂隊QUEEN以嘅音樂演繹，打破陳規活現一代樂壇傳奇！ 雷米馬利克飾演樂隊已故主音歌手兼靈魂人物Freddie Mercury，憑Bohemian Rhapsody一曲爆紅後，更一度單飛發展。QUEEN無數家傳户曉的經典金曲重現大銀幕，一齊入戲院欣賞啦！
呢套戲係日本藝人樹木希林嘅遺作，改編自《日日是好日─茶道帶來的十五種幸福》。對前途一片迷茫的大學生典子，半推半就跟表姐向嚴謹的武田老師學習茶道。典子由一無所知，到後來茶道默默陪伴佢經歷左人生各重要階段，佢亦都逐漸領略到茶室牆上面字畫「日日是好日」嘅真正含意。
大年初一上映嘅《新喜劇之王》都係星爺喺幕後編劇同監製嘅作品。齣戲係講發明星夢嘅奮青如夢做咗多年茄喱啡都無得上位，只有男友查理支持佢。一次又一次嘅打擊最終令佢放棄夢想，返父母身邊找份穩定工作，但呢個時候名導演新片嘅大型選角又咁岩選中佢，如夢陷入現實與夢想兩難局面！
張天志被葉問打敗之後，過住一段非常頹廢嘅日子，喺一次機緣巧合下救咗酒吧街老大嘅妹妹趙明茱同埋鄭小娜，最後喺酒吧街眾人協助下重新振作起來。之後佢更發現西餐廳老闆Owen Davidson和善嘅形象背後，原來有著一個驚天大陰謀。劇情耐人尋味，唔少網友睇過都話值得買飛投佢一票！
《如珠如寶》由林敏驄執報導。睇預告片就已經爆笑！宣傳標榜話「無特技、無替身、純搞笑，務求令香港人笑住過年！」劇情講一位戰場上回流嘅無分國界醫生，收留咗5位老人喺老人院，由看護助手清清照顧。遭到小學同學報復，並派出張繼聰等人扮小職員混入搞事。
中國賣超過30億票房嘅賣座電影《我不是藥神》，劇情講述喺上海開「印度神油」舖嘅老闆程勇，有一日受一個白血病患者懇求，請佢喺印度代購仿製抗癌藥，畀嗰啲買唔起正版藥嘅病人可以有藥可食。就係咁程勇就此踏上走私假藥之路，引發後續連串峰迴路轉，令人深思嘅劇情！
分析說明：
本研究資料分析時間範圍為2018年1月28日至2019年1月27日，共一年。
系統觀測上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『過年好戲』相關文本進行分析，並根據網友就該議題之討論，作為本分析依據。
DailyView曰：
大象席地而坐真係必睇啊！
