最近諗返細細個衝返屋企睇《放學ICU》嘅時光，上Youtube一睇，嘩！唔怪得大家話其實係睇緊攻心計啦XD不過review返《閃電傳真機》、《至Net小人類》同埋《放學ICU》嘅時候，真係莫名有d掛住蔥蔥同譚玉瑛姐姐tim！DailyView網路溫度計就根據以前嘅兒童節目主持人，透過網路大數據做咗個調查，一齊嚟睇下啦！
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
唔講都真係已經都唔記得原來佢之前係放學ICU主持人。依家佢已經成為咗大台嘅二線花旦，近排香討嘅網民仲話覺得佢深藏不露，其實樣靚身材正㖭啊！今年又可以喺《降魔的2.0》同埋《她。她。她的少女時代》入面見到佢啦！
印象中麥長青（麥包）好似都係喺劇集入面見到佢多，但其實之前就已經有參與過《閃電傳真機》，佢喺入面飾演「怪管家」、「矇查查」、「麥偵探」都好令人印象深刻，而後來嘅《放學ICU》都有佢份㗎！前排仲啱啱拍完《飛虎之雷霆極戰》，希望快d有得睇啦！
講到鄧健泓，佢呢幾年instagram都係晒恩愛，放閃放到我部電話都lag晒機喇！其實佢好鍾意作下曲填詞咁，唔好以為佢淨係有寫歌俾老婆啊！經典兒童屆金曲《投投籃球》呢首會暴露自己年齡嘅歌其實就係鄧健泓唱㗎，真係不愧為一代嘅集體回憶代表啊！
譚玉瑛姐姐有邊個會唔識啊！主持咗30幾年兒童節目，幾乎幾個世代嘅童年都一定會睇過佢主持嘅兒童節目。離開咗《放學ICU》之後，都算係轉型成功喇，喺《阿爺廚房》同鼎爺殺出一條血路，甚至仲有人話好睇過肥媽㖭，成功令佢嘅人氣再次急升啊！
繼譚玉瑛姐姐之後最資深嘅兒童節目主持人就係佢喇！足足有18年資歷。放學ICU冇咗之後，佢轉型就相較冇咁順利喇，佢今年要離開大台冇人唔知啦，而因為最近嘅新聞，好多網民都搵返之前譚玉瑛姐姐喺《放學ICU》嘅最後一集，話蓋世寶其實唔妥譚玉瑛姐姐，點會呢！？之前佢哋一早就澄清過佢哋冇不和啦！大家諗多咗喇！
又係一個已經離開大台嘅兒童節目主持人，但佢都依然接Job不斷！佢喺放學ICU主持咗5年㗎喇！佢原來仲演出過《青出於藍》「同學各位找個位 這是你的開學禮」呢句真係有聲XDD唔怪得連登仔都話細細個就睇佢啦！
李天翔就夠晒反差喇！佢主持過閃電傳真機同埋至Net小人類，大家都一定會記得佢呢個「認字特警」喺度轉捉小朋友錯字，但後期離開兒童節目之後多次喺劇集入面飾演強姦犯，喺網上仲被稱為TVB嘅「御用強姦犯」。小朋友長大後心諗。。。
人物專訪都一定唔會難倒佢嘅黎芷珊，唔知點解每次講起佢都會即刻諗到《東張西望》先，原來佢係《430穿梭機》同埋《閃電傳真機》果陣就已經主持果兒童節目㗎喇！佢哋直到依家都仲會搞吓gathering咁，果然係真·朋友啊！
唔好以為曹永廉淨喺會拍劇啊，佢身為TVB劇集嘅「御用罪犯」竟然都短暫主持過《放學ICU》㗎！不過佢當時喺《放學ICU》 rap嘅片段，仲被網民笑過佢皮笑肉不笑。但唔緊要，佢都已經守得雲開見月明啦，後來拍咗咁多劇，上年仲同張衛健拍嘅《大帥哥》收視咁好，難怪討論度咁高啦！
原來佢就係第一代嘅《閃電傳真機》主持人！！！真係失敬失敬！唔知80後嘅大家仲記唔記得以前睇過佢嘅節目呢！依家佢都係以做戲為主，佢上年仲入圍「最受歡迎電視男角色」最後五強。今年（2019）好多劇都會有佢啊！大家可以一齊期待吓！佢真係可以算係由細陪到我哋大啊！
分析說明：
本研究資料分析時間範圍為2018年2月20日至2019年2月19日，共一年。
系統觀測港澳上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『兒童節目主持人 』相關文本進行分析，並根據網友就該議題之討論，作為本分析依據
DailyView曰：
仲有蔥蔥原來係阮政峰扮㗎！
