留意番這一小鍋嘅logo，四隻大字寫住「湯頭專門」，其中一句slogan仲要寫住「湯頭對了，煮甚麼都美味」。講到咁，擺明話你知佢哋最出名就係火鍋湯底啦！最多網友推薦御膳麻辣鍋，經過熬製務求搵到麻同辣之間嘅平衡，令人試過返尋味～留意番呢個湯底係限量發售添㗎！記得要加埋辣滷鴨血豆腐食呀！
火鍋賣點：御膳麻辣鍋湯底
總店地址：台中市大里區德芳南路259號
營業時間：平日11:30-15:00，17:00-22:00；週末11:30-22:00
其他分店資訊：https://reurl.cc/L5Zl7
鼎王麻辣鍋聲稱用咗自然健康嘅無水烹調法去整湯底，即係將好多蔬果同中藥香料整成粉狀，撈埋用文火炒五個鐘，濃縮到變成火鍋湯底基底醬。雖然佢嘅麻辣鍋好出名，但係酸菜白肉鍋亦都係唔少網民嘅討論名單。湯底由每日新鮮嘅雞骨同豬大骨去熬製，淨係湯都飲到舔舔脷，揀唔到食咩鍋底就揀鴛鴦鍋啦！
火鍋賣點：無水烹調湯底法
公益總店：台中市南屯區公益路二段42號
營業時間：11:30-06:00
其他分店資訊：https://reurl.cc/M6Gj3
太和殿嘅麻辣鍋湯底聲稱溫順唔燥熱，係採用天然食材製成。而鴨血豆腐都經過三燜三泡釀製，好多網民都話勁入味！佢地仲有一種獨門食法叫「老饕食法」，就係將蔥花加少少麻辣湯底變成一種沾醬。最把炮就係有好多明星嚟食過，其中香港嘅代表有郭富城、張學友、任達華等等。話唔定你坐緊嗰張枱就係佢哋坐過㖭呀！
火鍋賣點：三燜三泡釀製鴨血豆
台北總店：台北市大安區信義路四段315號
營業時間：12:00-03:00
其他分店資訊：https://reurl.cc/nq452
點解會話係最霸氣？平時睇風景見到瀑布都覺得有氣勢，咁如果係肉瀑布呢？冇錯，呢間店嘅牛肉全部好似晾衫咁樣，一塊一塊非常之工整掛咗喺度！如果有朋友生日就記得一定要去食！因為只要有電話預約，當日壽星（每日限量3名），出示證件再加多$300台幣，就會提供一盤同等歲數肉瀑布！如果你帶咗個80大壽長輩過嚟，就有80片肉瀑布！
火鍋賣點：肉瀑布（只限高雄民生店及文山店）
民生總店：高雄市新興區民生一路54號
營業時間：11:30–15:00，17:00–22:30
河堤店分店資訊：https://reurl.cc/zp4dN
文山店分店資訊：https://reurl.cc/74LaN
青花驕麻辣火鍋呢個名，顧名思義係採用九葉青花椒，九葉青花椒係「椒中魁首」，係嚟自中國花椒產地冠軍－重慶江津。而佢哋用咗低溫保鮮方法直送青花椒。除此之外，佢哋仲話自己湯底係秘製，然後加上各種純正辛香料熟成粹煉老油製作，令到湯底非常特別。就咁聽到都覺得食辣嘅人一定要去食返一次先得！
火鍋賣點：九葉青花椒湯底
中山總店：台北市中山北路一段137號
營業時間：11:30-01:00
其他分店資訊：https://reurl.cc/M6LNK
馬辣火鍋對於香港人都唔算陌生，甚至乎有啲人話自己喺香港都食過。但係始於台灣嘅馬辣你又真正食過未呢？馬辣最大嘅特點就喺開到好夜，其中2間分店（忠孝店及西門店）仲開到凌晨四點！實啱晒咁鍾意食宵夜嘅你哋啦！有五月天fans嘅網民就話每次睇完show去食馬辣，基本上全間店都俾fans包晒場！呢種氣氛喺香港真係好難感受到呢～
火鍋賣點：五選二湯底，凌晨營業
餐廳地址：台北市萬華區西寧南路157號2樓
營業時間：11:30-04:00
其他分店資訊：https://reurl.cc/M6LNK
呢間火鍋店真係好勁，以前就長時間見到排隊人龍，依家見唔到啦，因為佢哋宣布敦南店開放網上訂位。台灣網民話以前「打電話打99次先打得通」，而家就係「上網訂位永遠error 502」，簡直可以話想打個邊爐仲難過登天！咁出名都有原因嘅，雜誌「飲食男女」仲畀咗「台北最好吃鴨血」美譽畀詹記，就連宋智孝都去食過！
火鍋賣點：鴨血
新莊總店：新北市新莊區新泰路187號
營業時間：17:00-01:00
敦南店資訊：https://reurl.cc/Y4RKX
大部份麻辣火鍋店嘅湯底都係四川麻辣風味，但係小蒙牛嘅火鍋湯底係蒙古藥膳火鍋湯底，好味又養生。啱晒驚打邊爐唔健康嘅人！最多網民嗌蒙古養生鍋加蒙古麻辣鍋，有素食者同大肚婆就話呢度仲有提供素食養生鍋同埋孕婦鍋，非常貼心！平時喺香港食放題火鍋都係一碟碟送上嚟，但係小蒙牛係用層架送過嚟，好似英式下午茶咁，港女們實最鍾意啦！
火鍋賣點：放題火鍋，藥膳湯底
餐廳地址：台北市萬華區中華路1段152號3樓
營業時間：11:30-00:00
其他分店資訊：https://reurl.cc/G5LAx
討論度排名第二嘅老四川，確實係唔少台灣人眼中出色嘅麻辣火鍋店。呢間店嘅湯底源自於哈爾濱，而台灣網民就話最鍾意食開胃菜川味涼粉（第一碟係店家免費招待），覺得「涼粉非常Q彈，麻辣微酸好開胃」。另外仲有獨家風味沾醬同風味芝麻醬，風味沾醬配合麻辣鍋，芝麻醬就配合養生鍋。未食過嘅香港人一定要去試吓先得！
火鍋賣點：特製沾醬，麻辣鴨血
總店地址：高雄市前金區中華三路23-6號
營業時間：11:00-01:30
其他分店資訊：https://reurl.cc/O5Ljv
海底撈係食服務㗎嘛，服務好嘅餐廳，討論度排名梗係第一啦！有網友就話「等位嗰陣已經可以任食Häagen-Dazs真係好驚喜」。海底撈喺台灣開到凌晨4點，香港銅鑼灣店開到12點咋！開完個OT都冇得食啦！其實唔同地方嘅海底撈提供嘅食材都會有少少分別，例如香港就冇提供台灣有嘅白衣山藥同銀絲卷，所以海底撈粉絲可以去唔同嘅分店試晒咁多款特色小菜！
火鍋賣點：服務質素，有表演睇
台灣一號店：台北市信義區松壽路12號6F
營業時間：11:00-04:00
其他分店資訊：https://reurl.cc/gepaL
又唔係話香港嘅火鍋唔好食，不過香港人咁忙，服務態度始終差咁少少都正常。台灣人待客之道咁好，去食個火鍋分分鐘識到新朋友𠻹～小編溫馨提示，記得去訂位先呀！等陣去到門口入唔到去食小編會笑你㗎！其實去邊度打邊爐都乜所謂，最緊要係開開心心同朋友一齊食個飯見過面姐～正所謂友誼萬歲呀嘛！No hotpots no friends!一於搵你身邊嘅朋友一齊訓練食辣level啦！
分析說明：
本研究資料由《KEYPO大數據關鍵引擎》提供，分析時間範圍為2018年03月29日至2019年03月28日，共1年。
系統觀測上萬個網站頻道，包括新聞頻道、Facebook、PTT及各大討論區、部落格等，針對討論「台灣麻辣鍋」相關文本進行分析，並根據網友就該議題之討論，作為本分析依據。
本文所調查之結果，非參考投票、民調、網路問卷等資料，名次僅代表網路討論聲量大小，不代表網友正負評價。
「加入香港網路溫度計Fan Page睇睇網民嘅花生係乜嘢？」>>>
DailyView曰：
收工仲唔去邊一邊？
