雖然話長江後浪推前浪，喺呢個講求青春同新鮮感嘅娛樂事業，每一年都有新面孔出現喺觀眾面前。不過近年來大台TVB最收得嘅電視劇，都係由一眾回巢老將擔正嘅作品。今日DailyView網路溫度計透過網路大數據嘅調查咗前十嘅TVB回巢藝人，我哋就來睇下近年佢哋究竟有幾經典啦！
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
image source：Facebook/Bosco Wong
《溏心風暴之家好月圓》裡面嘅大小姐路嘉美，令人印象深刻。徐子珊甚至同鍾嘉欣、楊怡等人曾被力捧為新「五大花旦」之一。雖然出演以來觀眾緣一向非常極端，甚至被網友點評「唔知喊緊定笑緊嘅演技」。2015年同TVB約滿後開始往大陸發展演藝事業，一直到2018年先由邵氏兄弟出品嘅電視劇《守護神之保險調查》，再次出現係公仔箱。
講起全名你可能無乜印象，不過講到「肥貓」再加上夠曬份量嘅身形，撈電視汁大嘅資深電視兒童對鄭則仕一定唔會陌生。由於身形關係，雖然大未必係擔正主角，不過絕對可以稱得上係重量級綠葉，配角角色演得恰如其分又討喜。肥貓決定回巢參演《火線下的江湖大佬》嘅時候表示，希望可以維持兩年一部作品穩定嘅產量。
原來小紅姐喺《巾幗梟雄》裡面出演三奶奶，已經係2009年嘅事啦！小紅姐早年出道就成為金像獎影后，近年又憑藉電影《心魔》再次封為實力派影后。係電影角色大有發揮及肯定嘅時候，係TVB接演嘅大多數都係配角，近期熱播嘅《鐵探》就係小紅姐闊別10年的回巢作品，連小紅姐自己就話，「希望俾觀眾見到同10年前嘅惠英紅，已經唔一樣曬。」
新一代觀眾對陳松伶嘅認識可能真係《福爾摩師奶》，但其實早係1989年陳松伶就以《天涯歌女》成為香港觀眾嘅寵兒，喺2006年暫別香港嘅演出，及後定居北京。同樣係10年後回歸TVB拍攝《全職沒女》，再次喺香港觀眾眼前亮相，反應理想。而一眾網民對於陳松伶復出，以47歲高齡可以擔任女主角叫做「算keep得好」。
千fa都真係香港少數集「歌后」同埋「影后」於一身嘅巨星，講到演戲大家可能對方麗娟或者余春嬌等角色印象深刻，但原來千fa之前都拍過兩套TVB嘅電視劇。而今年參演嘅《多功能老婆》已經係17年後嘅回巢作，再次俾驚喜電視機面前嘅觀眾。有網民睇好千fa，點評為收視保證，之前參與過嘅劇集都有唔錯嘅口碑，真係未播先興奮！
要講林文龍嘅代表作可能真係難，畢竟每部作品都超經典，由《皆大歡喜》嘅大少，到《法證先鋒》嘅Dr. Koo，都好深入民心。尤其林文龍本身輪廓夠深、濃眉大眼嘅外貌非常得觀眾緣。2008年拍完《法證先鋒II》後離開咗TVB，一直到8年後同宣萱一齊回巢出演《不懂撒嬌的女人》，係宣傳期就成為呼聲最高、最期待嘅劇集。
自從係《衝上雲霄》出演火爆衝動嘅Issac，之後接拍嘅角色大多走同一條路線，之後更有「御用警察」嘅花名。係2015年同TVB合約到期後離巢，逐漸淡出香港螢幕而轉往內地發展。再出現係香港觀眾面前，就係三年後TVB同內地網路平台合作推出嘅《飛虎之潛行極戰》。網友就建議佢真係要轉下型，唔好再做警察咁話。
Bosco演過嘅角色豐富，除咗係重頭戲《衝上雲霄》演過S4成員之一，之後都演過古裝、現代唔同嘅角色，嗰種串得來又幾好笑嘅演技頗受好評。Bosco除咗演得，都好唱得，唔少網民都覺得香港欠佢一個交代。而Bosco係演藝工作之餘，有經營投資餐飲事業，曾經一度淡出螢幕。不過於2016年回巢拍攝《幕後玩家》出演反派，繼續為觀眾帶來新鮮感。
「天氣不似預期，但要走總要飛～」相信《歲月如歌》前奏一響起，大家腦海中浮現嘅都係阿Bel、Sam哥，當然唔少得深情到霖死人嘅Vincent。馬神喺其中一個離巢後呼聲頗高嘅男演員，無喺電視面前嘅日子都無俾人遺忘，仲得到萬能key王嘅稱號。喺2017年出演《跳躍生命線》回歸觀眾眼前，並以大熱姿態最終獲得「最佳男主角」。
就算你呢兩年無點追開TVB，唔知點解大家都突然霸氣盡露，講咩都將「誰大誰惡誰正確」掛喺嘴邊；但係你一定記得細細個就見過，有個好鬼靈活嘅馬騮精，跳來跳去話自己係「齊天大聖孫悟空」，佢就係張衛健。闊別無綫22年，張衛健出演50週年台慶劇《大帥哥》作回巢代表作，一眾網友都表示簡直係童年回憶啊！
與其話大台請老將回巢要重振收視，不如話佢地要請返啲重量級演員來坐鎮。有時見返啲好耐無見嘅演員出山，不但有另一種新鮮感，亦都喚起細個睇電視嘅情懷。睇來不論係講演技定還是一班觀眾由細睇到大嘅童年回憶，真係「舊愛依然最美」啊！
分析說明：
本研究資料分析時間範圍為2018年04月01日至2019年04月02日，共一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『回巢TVB藝人 』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
DailyView曰：
噼啪你個隆的咚！
