鄭秀文開個唱！仲有邊個係香港殿堂女歌手？一齊重溫阿Mi金曲！

陳慧琳原名係叫陳慧汶！1994年佢參與咗張學友嘅音樂特輯《偷心》就開始紅啦！第二年就有屬於自己嘅專輯《醉迷情人》，仲要同年即刻拎晒頒獎典禮啲女新人獎！講到佢最出名嘅歌一定離唔開《花花世界》啦！唔記得歌詞都識唱兩嘴：「OH咦呦～喔喔喔」！《無間道》佢都有份拍㗎！另外除咗電影配音，佢仲唱過好多電視電影主題曲！

汪阿姐係70-80年代紅到飛起嘅女星！個個都識唱「熱咖啡，為你傾滿寫」！仲有《萬水千山總是情》同《歡樂年年》都係大家實識唱嘅歌！阿姐拍嘅《書劍恩仇錄》同《倚天屠龍記》有邊個長輩係未睇過？阿姐係藝員訓練班第一名同十大傑出青年，仲曾經係全國政協委員。除咗係博士，亦係香港電視專業人員協會榮譽主席同八和會館主席𠻹！

楊千嬅（原名楊澤嬅）原來讀完書之後做過護士㗎！不過有佢夢想嘅佢參加咗新秀歌唱大賽，拎咗銅獎之後就晉身樂壇啦！好多歌都好出名，例如《飛女正傳》，《可惜我是水瓶座》、《野孩子》、《勇》等。基本上咩嘢女歌手獎佢都拎過晒！另外千嬅拍嘅《五個小孩的校長》同《志明與春嬌》，係香港最高票房華語嘅電影嚟㗎！

16歲嘅鄭秀文參加咗第七屆新秀歌唱大賽拎咗季軍，18歲第一隻個人專輯已經超過咗25,000張嘅銷量！現今所有唱片銷量已經超過2500萬張！仲開咗超過200場世界巡迴show！佢亦創下超過3億5,000萬嘅電影票房，同時係97到07年十年間嘅香港電影首席票房紀錄女星𠻹！諗起佢一定唱兩句《終身美麗》同《信者得愛》，翻睇佢嘅電影小編第一套一定係揀《瘦身男女》呀！阿Mi雖然曾經患過抑鬱，但好彩最後都好返咋！

Joey喺1999年出道之後已經拎咗四個新人獎，第二年仲拎埋叱吒女歌手銅獎。 基本上佢出道到而家拎過嘅獎同埋佢開過嘅演唱會次數係數都數唔晒～個個都一定識唱《痛愛》、《16號愛人》、《一拍兩散》呢幾首！唔好以為佢淨係識唱歌，佢同時都有拍電影同電視劇架！Joey一口氣接咗三套電影嚟拍。另外，因為佢形象正面健康，有唔少慈善團體邀請佢做大使，好似「饑饉之星」、立法會選舉選民登記大使～

又係一首非常經典嘅歌曲呀～顧名思義，呢首歌係講緊對方永遠都係唔可以取代嘅人，即使要失去所有嘢都唔可以失去對方。仲記得以前，Sammi同佢老公許志安一齊合唱呢首歌㗎。不過發生咗「安心事件」之後，大家都有發現第三者黃心穎都有公開場合唱過呢首歌…真係有些少尷尬呢…不過大愛嘅Sammi最後都原諒認咗錯嘅安仔，過去嘅嘢就由佢過去啦～

唔理邊個都好，都一定識唱「莫非可終身美麗，才值得勾勾手指發誓」呢兩句～有人可能係因為睇過Sammi套電影《瘦身男女》所以識唱，但未睇呢套戲嘅人，喺去人地婚禮嘅時候都實聽過呢首歌呀！其實呢首歌真係好浪漫，係咪一定要視乎外表，而判斷一個人值唔值得擁有愛情呢？其實只要遇見真愛，無論呢個人靚唔靚都好，都值得一次「終身美麗」。

嗚嗚嗚，相信好多人同小編一樣，每次聽呢首歌都覺得好感動㗎！「情太過洶湧像深海，而我卻會忍耐～」呢首歌就好似同大家講：「慢慢嚟，唔洗急，去愛人之前記得要識得愛自己先呀～」上帝早已預備咗最好嘅愛情俾每個人，但係遇見前要學識按捺，咁樣愛情先會變成「無止境那份愛」㗎！話說呢首歌除咗Sammi唱過之外，高皓正都唱過㗎，仲幾好聽𠻹！

「我好high！high！high！我信咗耶穌！」呢首歌當時一推出就已經唱到街知巷聞，旋律又洗腦歌詞又洗腦，當年仲要有好多人cover𠻹！其實Sammi一直都好想透過自身嘅力量，同聽眾們宣揚基督嘅愛～而上帝就好似真係彰顯咗力量，令到Sammi呢幾首福音歌都變成熱門歌曲𠻹！不過Sammi咁開朗嘅性格同呢首歌真係好夾呀！

「上帝早已預備，我不相信運氣。」呢一首歌，應該大家至少都識唱呢兩句。其首呢首歌係喺Sammi抑鬱康復之後，所推出嘅一隻福音專輯。呢首歌主要係寫人類為左名利付出咗好多嘢，又或者有好多人都埋怨自己唔好嘅命運。Sammi想俾大家知呢啲都係歷練，我地最需要嘅嘢唔係金錢名利，其實所有嘢上帝一早都準備好晒。