夥計，整番杯黑糖珍珠鮮奶嚟嘆吓！
台式飲品喺香港紅咗幾年都冇退燒，一睇就知香港人有幾熱愛台灣嘅飲品啦！由最初嘅珍珠奶茶，到近年嘅水果茶都不斷會喺IG見到好多人排隊都要買到嘅決心！而近年都越來越多人鍾意拎住黑糖鮮奶或者黑糖珍珠嘅飲品嚟打卡，今次DailyView就調查咗香港至Hit嘅黑糖飲品嘅舖頭，一齊嚟睇睇啦！
DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。
想飲野，但又想Fresh啲，唔好咁Heavy？水果茶就啱曬你需求啦！近年愈嚟愈多主打健康嘅手搖飲品店開幕，意圖喺消費者滿足口腹之慾嘅同時，都可以兼顧健康！而除咗滿足健康同味蕾，水果茶色彩繽紛，更加係影相打卡嘅好工具，好多年輕人一拎到杯嘢飲，第一時間就係以店鋪為背景，打番張卡先！
呢幾年好多主打黑糖系列嘅手搖飲品店開幕，同珍珠奶茶唔一樣，古早味嘅黑糖混合埋鮮奶，或者再加上珍珠，可以講話係別有一番滋味！唔同飲品店嘅黑糖鮮奶仲有好多唔同賣點，黑糖、珍珠嘅烹調手法每一間店都各有特色，融合埋鮮奶嘅奶香，真係引嚟好多人排隊都要買番杯嚟試吓！
奶蓋系列嘅飲品口感同其他嘢飲好唔一樣，茶飲加上一層好厚嘅奶蓋，增加左好多風味。上層奶蓋有鹹有甜，綿密嘅奶泡營造出同下層茶飲唔同嘅味道同口感。下層配埋清新嘅茶類飲品，喺手搖飲品入面係好特別嘅組合。奶蓋系列飲落口，仲會留低一個白色奶蓋鬍鬚，除咗飲嘢以外，仲可以影張相，打個卡！
KiKi茶係台灣一個食品品牌進駐嘢飲市場建立嘅品牌，香港人去到呢到，除咗飲嘢，仲有甜品可以選擇！黑糖系列入面，黑糖珍珠冬瓜鮮奶簡直係好飲到令人大叫「台灣NO.1」，台灣特色嘅冬瓜茶再加上珍珠、黑糖、鮮奶，簡直係一極棒！除此之外，豆腐花黑糖珍珠同仙草黑糖珍珠兩款甜品，都好熱門㗎！
去過台灣玩嘅香港朋友，十個有九個都一定去過淡水，李圓圓就係由淡水走到去台灣嘅古早味嘢飲舖。話說佢地係主打台灣同香港，唯一一間用明火嘅黑糖專賣店，堅持品質同味道。睇佢地嘅LOGO同埋杯裝設計，就感覺到台灣嘅古早味；試一試個味道，飄洋過海後，味道依然堅持純正，真係正！
沐白小農就好似佢個名一樣，牛奶同茶都係小農嘅感覺，捨去香料同埋化學添加成分，嚴選100%天然健康原料。珍珠經過長時間手炒，黑糖味濃郁、牛奶健康！話說黑糖系列最多人推薦嘅就係黑糖波霸鮮奶，「波霸」係台灣嘅常用語，代表大大粒珍珠嘅意思，深獲一眾鍾意品嚐口感嘅人喜愛！
唔知大家有無聽過小黑糖呢個品牌？格調文青嘅小黑糖喺台灣好紅㗎！喺文創園區、商圈都會見到佢嘅蹤影。小黑糖風格簡約、清新，深受台灣OL同埋文青喜愛，嚟到香港，都受到一眾文青追捧！小黑糖好似佢個名，係主打黑糖，用秘方古法營造古早味，除咗簡約嘅文青格調，仲可以品嚐台灣古早滋味！
幸福堂好似個名一樣，品牌故事來自創辦人細細個太百厭，令嬤嬤嘅黑糖炒過咗頭，反而誤打誤撞令黑糖味更加濃郁嘅故事。幸福堂嘅黑糖紋路好好睇，大家稱呢個紋路叫「幸福紋」，呢個味道叫做「幸福味」，所以店名叫做「幸福堂」。上年年尾，台灣香港版權風波告一段落，幸福堂終於正式進駐香港！
大家記唔記得超級巨聲嘅劉威煌？原來呢個品牌係由佢引入㗎！近年劉威煌好少喺銀幕上面出現，原來主力做緊嘢飲品牌。香港嘅珍煮丹特別調配咗奶霜，解決咗黑糖味太搶、奶味太淡嘅問題，完全合乎咗珍煮丹嘅特色黃金比例。話說珍煮丹喺台灣仲有一個軼聞，好多人都會講錯個名做「珍煮母」！
一講「黑糖珍珠」就真係唔可以唔提老虎堂！依家香港地好多人叫啲黑糖鮮奶杯邊嘅黑糖花紋做「老虎紋」，其實係同老虎堂有好大關係！呢個花紋熱潮係由老虎堂一手帶領，黑糖由杯邊落，溝埋鮮奶造成左同老虎紋好相似嘅效果，一時間引起好大迴響，仲令好多人少女心爆發，影相打卡嘅熱潮風頭極盛！
天仁茗茶喺香港真係好多人都好鍾意飲㗎！點解啊？因為佢嘅茶味好濃，奶味又夠香囉！款款嘢飲都好真才實料，陣味一啲都唔化學，奶茶都整到好fresh啊！而佢哋嘅黑糖嘢飲「913黑糖珍珠鮮奶茶」直頭係結合晒佢哋嘢飲嘅優勢，913茶王嘅香味撞上奶香，仲加埋黑糖香甜，真係冇得輸啊！唔怪得咁多人都鍾意飲啦！
分析說明：
本研究資料由《KEYPO大數據關鍵引擎》提供，分析時間範圍為2018年11月23日至2019年11月22日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『黑糖珍珠手搖嘢飲』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。
「加入香港網路溫度計Fan Page睇睇網民嘅花生係乜嘢？」>>>
DailyView曰：
世界有種潮流叫「黑糖珍珠」！
