香港葉問，詠春無敵
世界上最打得嘅人係邊個？喺好多網民心目中，唔係李小龍，唔係泰臣，而係葉問！葉問有幾勁？Iron MAN都係拍得三集，但係IP MAN已經要推出第四集，真係極受炎黃子孫歡迎，隨時將來再推出五、六、七集，由地球打到出宇宙，到時咪話勁唔過復仇者。用《KEYPO大數據關鍵引擎》分析網民討論「葉問」嘅大數據，睇今年《葉問4》上映消息一出，喺9月19就掀起一波討論熱度，12月15日仲迎嚟全年最高峰啊！
Images Source:《KEYPO大數據關鍵引擎》（分析期間：2018/12/17 - 2019/12/16)
電影咁紅，都係源於詠春功夫的確把炮，葉問1949年代喺中國大陸嚟到香港，正式成立詠春派，所以全世界最出名嘅詠春拳館，全部都集中喺香港！今時今日，香港人學返兩招強身健體，已經係生活必要。就等DailyView用網路大數據話俾你知，香港十大詠春拳館到底係邊幾間喇！
DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。
——小班教學
館長陸志靈系出名門，跟隨葉問門生鄭相學習詠春，拳藝精妙。陸志靈師傅為人友善，處事低調，凡事主張貴精不貴多，所以一向都係開設小班教學，因材施教，高質嘅教授水平深得學生歡愛。而佢傳授實戰式嘅鄭北詠春，更係名揚香江。2008年6月，陸志靈嘅弟子參加新武俠武術雜誌所舉辦嘅「香港國際功夫節世界英雄大會」，連奪三面金牌，力證佢哋詠春水平之高，值得學習。
——歐洲特警都要學
梁挺詠春有幾把炮？連歐洲都有超過70％嘅特警要學！點解要學梁挺嘅詠春？皆因佢係葉問封門弟子，師從葉門大弟子梁相學習多年，可謂深得詠春精 要。除此之外，梁挺仲要第一位將詠春引入大專院校，首次令詠春教學及管理系統化嘅宗師！梁挺詠春多次參賽，都極快咁將對手打敗，因此有武術界成吉思汗、百萬教頭之稱。國際知名嘅國際詠春總會，有咁多人都學，實至名歸。
——葉問親傳弟子
詠春功夫，最知名嘅代表人物，當然係南下香港開班授徒嘅葉問喇！葉問到底有幾傳奇？相信大家睇返電影一至四集，都會知道佢點樣要打十個，點樣打遍天下無敵手。而呢位一代宗師，葉問嘅親傳弟子劉功成，喺香港開館教人，真係聽個名都知屈機。劉功成雖然已經有一定年紀，但都放棄親身指點學生，周不時都會同學生推手練習，令好多學生都收益不少。名師有場，必有所成。
——實戰中出高手
自從中國出咗狂人徐曉冬之後，周圍打敗所謂嘅中國武術高手，令到好多人都質疑，到底中國功夫係咪真係打得？正有言，功夫係死嘅，人係活嘅。詠春功夫咁出名，曾經打敗天下高手，又點會無料到喎。袁炎強詠春國術館，開館袁炎強之子袁偉明師傅，學完詠春再學古泰拳、西洋拳，曾經多次代表本會袁炎強詠春國術會，參加多場自由搏擊比賽，取得佳績，絕對有實力保證！
——源出少林
詠春就詠春，蛇鶴就蛇鶴，咁到底咩叫做蛇鶴詠春呢？原來，蛇鶴詠春喺詠春拳當中嘅知名度唔高，好少人知道呢一支流。蛇鶴詠春喺以前嘅少林寺研究出嚟，分別係將蛇形、鶴形同詠春相合，真係可謂集百家之所長。清朝少林寺大火之後，呢種武術亦都嚟咗香港，為咗令蛇鶴詠春可以一代又一代都傳人，佢哋決定開館教授。呢種武林之秘嘅功夫，要成為高手，真係唔可以放過。
——專教後生仔
如果有睇武俠小說，都會知道學功夫，年紀係相當重要。如果唔喺後生，兒童至青少年期間學武，呢段黃金打好功夫根基嘅階段付出血汗，將來都好難有所成就。正因為咁，陳文龍詠春拳館主要針對兒童、青少年教授詠春，唔單止要後生仔打得睇得，仲著重內在修為，即係「武德」。館長陳文龍話：「武，即係止戈。」哇，強身又強心，小朋友一定會因為咁有所成長。
——鄒子傳支流
中國功夫有言：北腿南拳。香港地，要學功夫，緊係首選以拳為主嘅詠春喇！詠春攻房嘅師承相當出名，當時北腿高手「腿王」鄒子傳，向葉問拜師學藝，親授詠春之秘，真係腿上腿下功夫都識晒。詠春攻房，致力傳揚詠春嘅智慧畀大眾，希望將詠春科學化，令大家都可以人人有功練。佢哋仲話，希望有朝一日，詠春可以重回中國武術主流地位！香港人：我要打十個！
——堅守詠春拳學
好多人都話，學嘢緊係要「集百家之大成」，呢句話聽落好理想，但實際上又幾痴人夢話。純。詠春 PVT Group嘅學武忠旨，正正係為咗要打破呢種迷信，與其樣樣都試，周身刀無把利，咩都只係得半桶水，不如專精詠春喇！今時今日，香港人返工咁忙，邊有咁多時間喎，學好詠春一樣，已經好夠用。「將相本無種，男兒當自強」，香港人要自強？純。詠春幫到你。
——歐陽劍文師傅
中國武術，最講究嘅係家門之學，正所謂強將手下無弱兵，師父有冇料到，係相當重要嘅。華夏詠春拳術學院，喺呢一方面絕對係全港首屈一指，創院嘅歐陽劍文師傅，喺1981年拜入「講手王」黃淳樑師父門下，跟從一代宗師學嘢。哇，即係入華夏詠春拳術學院，可以話係等如同呢位大師學習。學乎上，得其中。全港全多網民講嘅詠春拳館，第一名，佢真係當之無愧！
【以上圖文為香港網路溫度計調查結果，未經授權請勿轉載、改寫】
分析說明：
本研究資料由《KEYPO大數據關鍵引擎》提供，分析時間範圍為2018年12月17日至2019年12月16日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『香港詠春拳館』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。
「加入香港網路溫度計Fan Page睇睇網民嘅花生係乜嘢？」>>>
DailyView曰：
武德，仁也。
