生活苦悶？一齊𥄫女
香港近嚟真係好高危，留返喺屋企又無嘢做，咁悶點算好？一齊嚟睇睇香港網路溫度計嘅大數據文章，就一定最安全，足不出戶又可知天下事！咁苦悶嘅日子，真係要開心吓，如果唔係個人都屈到癲。要開心，睇睇靚嘅嘢係最好嘅方法。香港地咁多靚女，90後新一代女星，個個都勁有仙氣，真係仙女下凡。唔識？唔緊要。今日就等香港網路溫度計DailyView用大數據話你知，香港二十大90後女星係邊幾個喇！
DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。
林欣彤，全香港無咩人未聽過佢個名，皆因佢早年喺《超級巨聲2》歌聲出眾，力壓群雄，取得冠軍。林欣彤唔單止唱得，佢開朗嘅性格，動人嘅外表，都相當吸引Fans。佢2012年出道至今，努力經營音樂事業，推出咗唔少好歌，2018年情人節發表嘅《忍》仲受網民力讚。2019年，佢喺MOOV直播唱歌，同觀眾傾計互動，靚女咁貼地，難怪咁受歡迎嘅！
2016年香港小姐競選亞軍，香港90後靚女主持加演員，劉穎鏇以佢出眾嘅外表，好快就喺香港人心中留下深刻印象。佢細細個就喺美國生活，好鍾意打籃球，鍛造咗佢一副充滿陽光氣色、健康高挑嘅身材。佢咁正面陽光，令好多觀眾都耳目一新，近日網民仲熱議佢《娛樂大家》玩狼人殺嘅片段，場面緊張搞笑。要睇靚女玩Game？咁就唔好錯過。
你可能唔記得鄺潔楹呢個名，但有睇開電視嘅，一定會知《愛·回家之開心速遞》嘅高人氣角色，性感吸睛仙氣女神Venus！鄺潔楹早喺2017年參加《3日2夜》，以佢豐滿身材，仙女氣質廣受網民熱烈討論。《愛·回家之開心速遞》之中，亦都因為咁好受歡迎，但可惜呢個角色消失咗好耐。近日佢公布，話即將回歸，香港人又有靚女可以睇。
黃嘉雯，或者佢另一個廣為人知嘅「湯洛晴」藝名，都一直以佢嘅美貌聞名香港。佢大學主科係創意及專業寫作，真係睇唔少文學書，相當有文學仙氣。黃嘉雯嘅靚，已經得到香港以至國際認同，佢曾經擔任2018年度國際小姐香港代表，2019年攞埋香港小姐競選冠軍，仲話日後要實現自己嘅演員夢，各位觀眾，睇嚟我哋日後都好有眼福。
或者你對許靖韻呢個名唔太熟，但係電影《超級經理人》你就一定聽過！許靖韻2013年參演呢部電影初出道，但其實睇返佢嘅經歷，喺2010年參加英皇新秀歌唱大賽進入三強，仲簽入咗英皇。不過，佢一直唔太紅，直到2017年以網絡歌手「小背心」走紅，2019年發行第4張專輯《My 25》，好多Fans都力讚佢歌喉，人靚聲甜，真係名至實歸！
何雁詩有幾勁？佢係香港90後嘅全方位藝人，識做戲，識唱歌，仲係運動員！佢最初出道，參加TVB《超級巨聲》先得16歲，之後一直以唱歌做專業，仲參演埋劇集，好似《食為奴》、《四個女仔三個BAR》等。2018年「香港業餘高爾夫球女子賽」攞咗冠軍，真係陽光型仙氣美女！最近網路熱議佢同未婚夫鄭俊弘同居試婚，真係好鬼Sweet呀。
蔡思貝，入行以嚟有個花名，叫做女版達哥，網民咁玩佢真係認真唔好彩！皆因蔡思貝2013年攞咗香港小姐競選亞軍，仙氣、美貌同智慧都得到大台認可，入咗TVB咁耐，一直默默磨練演技、口才，佢嘅努力都漸漸得到廣大香港人嘅支持。好似2019年TVB港劇《鐵探》，佢飾演女臥底招喜悅，演技迫真，有睇過嘅人都話，呢個女星真係有料到！
靚女，只係外表，要真正靚得比其他人更吸引，內在美就相當重要。麥明詩正係香港90後高學歷靚女嘅代表，喺香港中學會考獲10優成績，2014年喺英國劍橋大學法律系畢業，真係精英中嘅精英！佢喺2015年攞咗香港小姐競選冠軍，令好多香港人都耳目一新。入行無耐，佢決定再次做返律師，從事返自己嘅本行，好多Fans都話可惜，但都會支持佢。
香港TVB清泉之稱，性感女神林泳淘，有住天使嘅臉孔，仙子嘅氣質，加上魔鬼嘅身材，一向以嚟都深受香港後生仔歡迎。不過，香港地咁多靚女，點解會特別鍾意佢？皆因佢係近日香港社會變化之中，力撐後生仔女，相由心生，心善人美，呢種咪叫完美囉！林泳淘無做TVB，都無所謂，咪做YouTuber，真係有人氣有仙氣去到邊到都得！
馮盈盈，90後仙氣女神代表，2016年香港小姐競選冠軍，2017年國際中華小姐競選季軍，美名可謂傳播成個中華地區，兩岸三地都唔少Fans。自從佢2017年做埋TVB藝員，佢做清談節目主持，言論貼地破格，搞到好多後生仔都勁鍾意佢。佢一直名花有主，同醫生男友恩愛同居，但近日竟然宣布分手，令到一眾Fans都好擔心佢，希望佢過得開心。
【香港網路溫度計調查結果之圖文，未經授權請勿轉載、改寫】
分析說明：
本研究資料由《KEYPO大數據關鍵引擎》提供，分析時間範圍為2019年01月28日至2020年01月27日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『90後最受關注女星』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。
DailyView曰：
天生麗質難自棄！
