「新冠肺炎」肆虐，疫情擴散情度仲未有被減弱嘅跡象，世界各地嘅市民人人自危，個個都匿埋喺屋企唔敢出街，驚一個唔小心就中招染病。但係日日都喺屋企真係好悶，日日都食痾瞓，唔知有咩可以打發吓時間。嗱，唔使煩嘅！今次就等DailyView用網路大數據帶你睇睇香港人最近留喺香港都做啲乜，畀大家參考吓啦！
DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。
香港人向來忙住返工返學，瞓都無時間，何況要做運動呢？而家咪就係時候囉！千其唔好因為日日留喺屋企，搞到身體差晒，將來無病都變有病。其實，留喺屋企都可以做好多運動，只要買少少工具，隨時可以有人魚線。加上，做運動可以令心情變好，喺而家日日屈喺屋企無晒精神嘅時候，我哋更要強身加強心，面對香港而家嘅挑戰。
日日留係屋企，維持一個良好嘅居家環境係好重要嘅一件事。屋企整齊啲，個人嘅心情都好啲。平時返工返學無時間又無精神執屋？咁留喺屋企嘅呢段時間就可以好好整理屋企啦。由廁所到廚房、客廳、房間，屋企每一個角落都可以有足夠嘅時間慢慢清理，有網民話因為依家大家都留喺屋企，所以間屋仲乾淨過年廿八洗完邋遢果時！
留喺屋企最好嘅活動之一，就係瞓覺。正所謂龍床不如狗竇，可以留喺自己嘅被窩入面，係最幸福不過嘅事情。喺屋企可以做嘅事情始終有限，當所有工作、娛樂都做齊晒，但一日都未過完嘅時候，瞓覺就係一個好好嘅活動。除咗可以趁呢個非常時期養好精神，儲夠能量之後喺工作、學業上面衝刺，仲有一點好重要：訓覺係可以消脂㗎。
日日留喺屋企悶到傻嘅時候，好多人都會選擇睇戲、睇劇集嚟打發時間。坐喺屋企煲劇，就好似參與緊另一個截然不同嘅人生咁，隨住主角嘅故事發展，你都好似身歷其境，唔再係被強制留喺家中嘅香港人。你或者都會希望，睇完呢幾十集劇集之後，新冠肺炎已經離開香港，而你可以繼續經營返自己嘅健康人生。
正所謂，腹有詩書氣自華。喺疫情咁可怕嘅當下，無嘢好做？不妨用返上一輩嘅人嘅娛樂方法，一書在手，世界我有。睇書，唔單止可以令我哋消磨時間，仲能夠學到好多嘢。係咪疫情之前，你有樣嘢好想學，又或者有朋友推薦咗本書畀你，但你一直都無時間？而家正正係最啱嘅時期，不妨讀返本《愛在瘟疫蔓延時》，Fit晒。
依家留喺屋企，只要有一部電腦就可以完成到好多嘢，要買嘢但唔想出街同人逼、驚被傳染？線上購物幫到你。無論係日常用品，定係衫褲鞋襪，都可以透過Online shopping買到。所以話，買嘢？唔使出街嘅，上網啦！舒舒服服坐喺屋企就可以行街睇衫，仲要無營業時間限制，24小時都可以購物，咁就唔使行街都仲要驚新冠肺炎啦！
香港人，成日都話忙返工，生咗兩個細蚊仔，但係無時間陪佢哋成長，真係人生一大傷心事。而家香港疫情嚴重，雖然真係好不幸，但樂觀少少諗，唔出街無得返工，或者Homeoffice，咁咪多咗好多時間留喺屋企，陪屋企人一齊開心吓。傾吓閒計，打吓機，睇吓劇同電影，可以借呢個機會創造美好回憶。親子活動，一家大細享受天倫之樂。
香港嘅學校因為肺炎已經延遲開學，但學生留喺屋企，都係要上堂㗎！各間學校紛紛推出咗線上課程，等學生唔洗因為延遲開學而耽誤學業。由中小學生去到大學生，都有線上課程可以上堂，或者有線上Homework需要完成。雖然現時肺炎傳播得好嚴重，但係喺屋企都可以做到好多嘢，學到好多嘢！講時講，你哋又Dowload咗Zoom未？
新冠肺炎期間應該盡量避免外出，減少人群互相感染嘅機會。依家時勢咁緊張，留喺屋企就好啱進行一啲放鬆身心嘅活動，有網友就話約埋一班Friend打下機真係好Relax，可以暫時忘記無口罩買嘅煩惱，唔使出門又可以慳返個口罩、減少染病風險。齊齊約埋朋友一齊Online打「鋪」機，真係一個好好嘅消遣！
雖然新冠肺癌肆虐，但係生活依然要過，香港人都係要繼續搵錢，如果無錢分分鐘連口罩都買唔起！而好多公司紛紛喺呢個時候宣布員工必須Homeoffice，在家工作。好多人都講，Homeoffice真係好明智嘅決定，唔使喺街外承受被傳染嘅風險，又可以日日訓到返工前一分鐘，真係節省咗好多精神，個人精神好咗，抵抗力都好好多啊！
【香港網路溫度計調查結果之圖文，未經授權請勿轉載、改寫】
分析說明：
本研究資料由《KEYPO大數據關鍵引擎》提供，分析時間範圍為2019年02月11日至2020年02月10日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『香港十大熱門居定活動』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。
「加入香港網路溫度計Fan Page睇睇網民嘅花生係乜嘢？」>>>
DailyView曰：
喺屋企都可以開心嘅！
