肺炎入侵全球，專家話情況未見樂觀，疫情傳播唔知幾時先完！香港人喺肺炎開始無耐，已經心知不妙，全城嚴陣以待，無奈物資唔夠，口罩消毒液四圍撲，轉個頭連米呀廁紙呀都無埋。好多人都話，大家都變得愈嚟愈神經質！其實神經質每個人都有，有留意十二星座就知，大家敏感嘅地方都唔同。做人想淡定？一定要對症下藥。今日就等DailyView用網路大數據，話你知十二星座神質排行榜，同埋個敏感位係邊喇！
DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。
「害怕束縛」，正正係最佳解釋，點解射手座有時會神經質嘅理由。射手座天生有一對翼，佢哋好似一句經典台詞，有種雀仔天生係無腳嘅，佢哋落地嗰日，就係佢哋死嗰陣。當射手座戀愛，佢哋一動真情，就會驚自己失去個人自由，行為忽冷忽熱，好鬼矛盾，咪令人話佢哋神經質囉。
溫馨提示：「溝通係最好嘅解決方法。」
「悶騷典範」，如果話巨蟹座係外表熱情，但內在冷漠，咁摩羯座就正正係相反，佢哋係外表好cool無嘢講，但當熟咗之後，就表現出佢哋真性情，隨時多嘢講過你！而佢嘅反差係內在性格，佢哋其實係悲觀主義者，成日對人對事都會左諗右諗，甚至負到爆，即係太過敏感。
溫馨提示：「有人聽你講已經好正面喇！」
「Mean爆身邊人」，有人話白羊座係平時好好地，但當佢哋神經質嗰陣，就唔係人咁品喇！點解咁講？因為白羊座通常對人都好唔差，好Nice，但前提係你同佢未熟之前。當你同佢熟咗，做咗好朋友，情人，就會發現佢哋好Mean，成日會笑你，話你咁做唔得，好多時都過咗火，真係好得人驚。
溫馨提示：「唔好傷害身邊人呀！」
「固執追求」，金牛座出名嘅係佢哋金錢上嘅追求。其實，金牛座唔單止追求金錢咁簡單，小朋友先會選擇，大人就緊係咩都要晒啦！金牛座想要嘅嘢好多，佢哋同時都付出咗好多努力，努力到太著緊，搞到自己好神經質。不過，有時候努力唔係大晒，太過固執搞到身邊人辛苦就唔好啦。
溫馨提示：「放下，都係一種智慧。」
「凡事挑剔」，喺其他星座眼中，呢四個字嘅形容，正正係處女座嘅特質。其實，呢個只係處女座完美主義，要求事事做到最好，咩都要100分嘅負面呈現。處女座會為咗件事好而情緒緊張，緊張到成日都亂諗嘢，仲會對身邊人都要求完美。咁神經質，又難怪其他人會咁大壓力，覺得怕怕嘅！
溫馨提示：「太過追求完美，咪唔完美囉！」
「超級敏感」，完全能夠形容出獅子座談戀愛嘅特質。身為森林中嘅王中之王，獅子座係人生各個方面，都可謂充滿自信，掌握到自己嘅人生方向。但係愛情呢，偏偏係人生最多意外嘅地方。當獅子座一動真情，佢哋就變得好緊張，好怕一切不如計劃，結果好多時因為弄巧成拙，好無安全感。
溫馨提示：「要相信真愛可以戰勝一切！」
「過度壓抑」，或者係天秤座嘅人生課題。天秤座型男美女多，已經係人所共知，加埋佢哋愛好美、和諧，為人仁慈，富有同情心，真係善良溫和、體貼、沈著嘅代表。不過做人要求太完美，都意味佢哋面對生活有好多壓抑，當佢哋壓抑到爆，負面情緒就要影響到身邊嘅人，俾人話佢哋神經質。
溫馨提示：「得閒要放鬆吓自己壓力。」
「雙重性格」，唔係講二十四個比利嗰種人格分裂，而係形容緊水瓶座對人對事，成日都會有兩極表現。佢哋好嘅一面，係聰明、細膩、完美、光芒四射，相當健談。但當佢哋心情唔好，就會收埋自己，唔同人哋講嘢。亦都因為佢哋成日咁有反差，走向極端，就令好多人覺得佢哋神經質喇。
溫馨提示：「唔開心都要同人傾訴呀。」
「天生強迫症」，代表咗天蠍座神經質嘅最佳呈現。天蠍座有好多正面嘅性格，好似專一、可愛、有求必應咁，但佢哋同時間都難頂嘅一面。強迫症係咩？即係不斷重複去做唔太重要嘅事，好似出入會好驚自己無熄火，無鎖好門，無做好其他嘢咁，呢種緊張性格，令到大家都覺得佢哋神經質。
溫馨提示：「其實好多事都係好小事！」
「過於早熟」，呢四個字嘅形容，可謂大多雙子座嘅相同特質。雙子座嘅朋友，通常都好聰明，亦都因為咁，佢哋比其他星座早熟，諗嘅嘢，做嘅嘢都快過同輩。走得咁前，自然要承受好多壓力啦。佢哋嘅神經質，精神脆弱，咪就係因為身上太多責任，搞到成日都無時間搞掂所有嘢，好辛苦。
溫馨提示：「唔好一個承擔所有責任。」
「FF界代表」，十二星座入面，邊個最多內心戲，成日幻想自己悲情嘅遭遇？無錯，正正係雙魚座。雙魚座多情、浪漫，同時亦都幾不切實際，特別係戀愛方面，總係期待自己係偶像劇嘅男女主角。咁正事實唔係咁，又或者戀情遇上挫折，佢哋反應就好神經質，因為同佢哋嘅FF相當有落差囉！
溫馨提示：「愛情都可以細水長流嘅。」
「情緒多變」，喺每一篇巨蟹座星座分析都會提到嘅形容詞。巨蟹座出名係咩？咪係有睇落好堅固、強硬嘅外殼，但喺呢個偽裝入面，其實有一顆好敏感、細膩嘅心囉！巨蟹座平時對外表現好溫暖，其實私底下好多時候都會傷春悲秋，好緊張人哋嘅評價，情緒自然起伏不定，令人難以捉摸喇！
溫馨提示：「唔好咗唔值得嘅人而傷心！」
【香港網路溫度計調查結果之圖文，未經授權請勿轉載、改寫】
分析說明：
本研究資料由《KEYPO大數據關鍵引擎》提供，分析時間範圍為2019年03月08日至2020年03月07日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『十二星座神經質排行』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。
網路溫度計香港版嘅Telegram開咗喇！快D嚟follow我哋啦→https://t.me/dailyviewhk
「加入香港網路溫度計Fan Page睇睇網民嘅花生係乜嘢？」>>>
DailyView曰：
唔好亂諗喇！放鬆啲啦香港人！
