港人最喜用十大熱門信用卡 出邊張最抵？

唯一銀聯卡上榜！安信EarnMORE銀聯信用卡申請門檻極低，學生冇任何入息要求，而打工仔年薪要求只需要HK$15萬，上網申請可獲現金回贈。最荀係喺深圳或珠海山姆超市消費仲有折扣，海外簽賬無須支付手續費之餘，更享用2％現金回贈簽賬優惠。論折扣優惠嚟講，最啱Weekend 北上嘅你！不過得頭 2 年免年費，相比起其他信用卡就輸咗啦。

網民：「銀聯唔係邊到都碌得，但返大陸呢張卡都抵玩嘅」

Sim Credit Card 優點就係冇任何年薪要求同時批核非常快手，雖然簽帳夠HK$10,000 先有最高HK$200 現金回贈，去外地簽卡又要收 1.95% 手續費，迎新禮唔算吸引，計落條數都蝕，但勝在顏色夠曬跳，設計簡單又靚，仲可享WORLD MASTERCARD® 全球通行精彩優禮遇及服務，係幾啱學生、或想儲TU （信貸評級）嘅人士！

網民：「對學生哥嚟講，開嚟上網買下嘢都夠做嘅！」

呢張卡申請門檻比較高，年薪達HK$90,000以上或銀行存款最少HK$50,000。優惠期間，只要喺合資格食肆及/或網上簽賬即 6% 現金回贈，非常適合經常聚餐、網上購物嘅人。只不過網友曾經喺香港信用卡討論區大呻「中曬伏！」，因為信用卡條款有寫合資格食肆唔包括快餐店，只因為商戶登記咗做「快餐店」，大家食飯前可能真係要問清楚先啦！

網民：「當網購卡玩都OK！最多食飯用第二張。」

香港人一放假就Plan 定去日本玩，AEON 同Mastercard 就睇準商機，針對愛遊日港人推出呢張信用卡，除咗不設最低年薪要求、免年費之外，雖然基本現金回贈只有 0.5 %，但網購竟然有 6 %，幾乎係全港最抵Cash back 優惠！喺日本簽賬仲有 3 %現金回贈，而且憑卡更可享AEON會員同生日優惠！去買嘢慳錢仲可以做孝順仔女！正啦！

網民：「わくわく，卡名好得意～」

恒生enJoy 卡算叫歷史悠久嘅一張信用卡，不過自從轉咗新版同香港獎賞計劃yuu 合作之後，好似得返一個作用就係碌卡儲積分換薯格（依家連雞都冇得換），2%現金回贈嘅比例對比其他信用卡已經落後到唔太吸引，外幣交易仲要收1.95% 手續費，如果旅行碌都幾心痛！係特約商戶固定會有92折至95折優惠都仲稍微有啲用。唔知大家仲有冇用呢？

網民：「日日畀人問得最多就係有冇yuu儲分。」

滙豐Red信用卡唔洗年費同額外登記，申請易批但簽帳額唔多，每月網上簽賬碌HK$12,500，就有 4% 現金回贈同時以「獎賞錢」換領獎品、Asia Miles回贈又或者抵扣簽賬交易，你想換咩就換咩，夠曬彈性！不過「一代網購神卡」開始失足跌落神壇，有網友就講數學差唔好用，計回贈計到頭都暈埋，要唔要用真係要諗下啦！

網民：「推新卡，舊卡就開始出事⋯⋯」

點解叫MMPOWER？因為港人常用速成輸入法，而「正」嘅速成碼就係「MM7」，十分貼地同本土！而為咗擴大客群推出全港首張採用「Touch Card」，邊緣加設獨特凹位，失明和視障人士可以透過觸覺即可輕鬆分辨，打造共融環境。同時可揀 3 個自選消費種類享高達 5% 現金回贈，又免年費，學生都可以申請！最啱鍾意Online Shopping嘅人啦！

網民：「恒生誠意之作！」

香港人鍾意去旅行，尤其係疫情之後個個都報復式出去玩，呢張卡就非常適合成日外遊嘅人士啦！因為免年費仲豁免海外及外幣零售簽賬手續費的Visa，並可享 0.56% 現金回贈，所以呢張只係用作外地簽帳都好方便。而如果你平時會喺HKTVmall 或 用開影音串流平台，憑此卡簽帳同樣可獲 5% 現金回贈，日常生活慳吓慳吓，轉頭又可以飛去旅行玩啦！

網民：「海外簽帳唔洗手續費好正呀！

請注意！只要憑呢張卡簽賬（八達通自動增值都計！）即可以獲得 HK$2 - $6 /里嘅里數回贈，隨時快快手換張台北來回機票都簡單！不過申請人要年薪超過HK$96,000，第二年開始就要畀HK$2,000 年費，就比較適合社會人士啦。而最開心嘅係，渣打國泰Mastercard 每年可以憑券免費使用特定貴賓室，鍾意去旅行嘅你可以參考下。

網民：「唔經唔覺又係時候換機票！

呢張卡集齊香港人想要嘅！免費保險、每年 6 次免費入貴賓室、特選商戶包括本地交通出行等尊享低至 HK$2 /里，即係點？即係搭巴士都有著數呀，呢張卡名副其實為咗去旅行而設啦！不過申請門檻稍高，申請人年薪要有HK$240,000或以上；首年免年費，其後需繳HK$2,000年費，但若該年度簽賬滿HK$120,000，就唔洗畀啦～

網民：「唔怪得Lounge長期人多⋯⋯」