西門町響起《願榮光歸香港》,毓民寄語年輕人「最緊要保住自己」

尋日(9月15日),喺台北西門町有一場聲援香港「反送中」運動嘅快閃活動,在台香港人同台灣人以大合唱同叫口號,表達對香港示威者嘅支持。著名政壇人物黃毓民當日亦有現身支持,佢有啲嘢想同香港嘅年輕人講。

Image Source: 香港網絡溫度計

文/偉文
香港「反送中」運動持續逾三個月,除咗香港示威行動不斷,喺世界各地嘅香港人都有一直進行唔同形式嘅聲援活動。而喺尋日(9月15日),台北西門町就有一場聲援「反送中」嘅大合唱快閃活動。
活動參加者著住「gear」大合唱、嗌口號,呼應返香港「反送中」嘅示威活動,又以《試問誰還未發聲》同《願榮光歸香港》等歌曲,向台灣民眾表達香港人嘅決心同訴求。

▲▼香港人快閃台北西門町,期間唱語《試問誰還未發聲》同《願榮光歸香港》。

活動主辦人就表示因為西門町人多,所以先揀係依到舉行活動,可以畀多啲台灣人睇到。佢表示:「我哋喺台灣企出嚟好易,喺香港企出嚟要好大勇氣。」希望咁樣可以畀到一份助力、支持畀香港示威人士,更提到:「我哋會一路同你哋一齊。」

前立法會議員,資深傳媒人同時事評論員黃毓民亦都有到場支持依個快閃大合唱,佢話主辦人係佢以前嘅學生,咁啱喺台北依邊咪過嚟支持吓,被問到佢點睇「反送中」運動同有咩示威者講,佢就話:

黃毓民就問題提出咗兩點睇法:

第一,佢指出依個「反送中」喺香港成個政治抗爭運動歷史脈絡下,係「最大規模」、「最波瀾壯闊」,而且係由一班年輕人做主導。毓民話佢參考咁多政治抗爭運動,都未曾見過一個場抗爭運動嘅「正當性」、「道德立場」係咁清晰,冇大台冇領袖,大家基於同一信念走埋一齊。

第二,有人覺得運動到尾聲,但毓民覺就得唔係,佢認為依家「反送中」運動影響係非常深遠。因為年輕為咗香港未來,將個人利害拋諸腦後,係突顯咗政權嘅「邪惡」。而佢哋依班「50後」係香港嘅既得利益者,係欠咗依班年輕人,所以佢會盡力撐年輕人,例如係利用自己網台去聲援,做多啲後勤嘅工作。

最後,毓民就想同香港示威嘅年輕人講:「最緊要保住自己,唔好受到傷害」,又話到:「我哋可以同佢鬥長命㗎。


《願榮光歸香港》遍地開花。
香港人,加油。


延伸閱讀►►►


香港十大政論節目名嘴!反送中大熱嘅吳志森竟然只得第七名?

西門町街頭高唱「 願榮光歸香港」,台灣人用粵拼唱埋一份!

片/《願榮光歸香港》響遍全城,合唱之聲聽喊唔少香港人

x

訂閱DailyView網路溫度計(香港版)電子報