活在四台聯頒嘅時代
唔同嘅歌唔同嘅男歌手都可以代表住唔同嘅年代，而專屬80-90後嘅男歌手你仲記得邊個呢？以下都係80-90後曾經經歷過同埋曾經有出過碟嘅男歌手，今日DailyView網路溫度計透過網路大數據調查咗過去一年網友討論度最高嘅男歌手。
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
10. 林峯
林峯係潮語CHOK嘅創始人，愛不疚同埋愛在記憶中找你都係佢嘅代表作，而佢當年嘅專輯仲衝破白金銷量。喺TVB演嘅劇都受到廣大師奶嘅青睞，成為師奶殺手！離開英皇之後，自己成立咗工作室，而近年重心已移到大陸發展。
9. 陳偉霆
由Sun boy‘z出道嘅的士陳，可以用黃曉明嘅一句金句「而我不知道陳偉霆是誰」嚟勾起大家嘅回憶，當時呢句幾乎大家都拎尼恥笑的士陳，後來佢仲索性出一首《我是誰》嚟diss自己。不過，近年喺大陸拍劇再次翻紅，總算係為呢句說話報咗仇啊！
8. 陳柏宇
陳柏宇憑唱為道地廣告唱 I Miss You 而紅遍街頭小巷，之後又同台灣歌手楊丞琳合唱理智與感情成功獲得網民嘅關注，而2016年林奕匡送咗霸氣情歌俾陳柏宇做結婚禮物更一炮而紅，亦成為陳柏宇嘅代表作之一。
7. 吳業坤
坤哥2010年喺《巨星2》出道，2017年同JW合唱嘅《原來只因深愛著》，喺Youtube推出僅僅兩星期就獲得超過100萬點擊率，仲喺年底憑住呢首歌橫掃各大頒獎典禮獎項。除咗音樂成績彪炳之外，亦都演出多部電視劇，擄獲唔少師奶嘅心。
6. 陳奕迅
陳奕迅真係唔洗講，無論係國語歌定廣東話歌都令人聽出耳油，演唱會幾乎每次秒殺，上年Eason為咗俾年輕人更多嘅正能量同心靈嘅治癒，仲同慈善機構合作咗《 LOVE IS LIVE 》，慈善機構再免費派發，而少量門票就留俾電台聽眾，仲實行實名制杜絕黃牛，果然喺E神啊！
5. 謝霆鋒
雖然講到謝霆鋒，大家都總會諗起佢身邊嘅人，無論喺佢嘅家人定係另一半都係。不過其實佢嘅代表歌都唔少，例如有活著Viva、玉蝴蝶，不過近年佢嘅代表作就非鋒味莫屬喇！連麥當勞都同鋒味Cosover，果然係一個轉型非常成功嘅例子！
4. 周柏豪
周柏豪最街知巷聞嘅歌莫過於同鄭融合唱嘅「一事無成」，佢由出道至今幾乎都keep住每年有出碟，近年都開始多方面發展，2017年同阿Sa拍嘅《原諒他77次》亦都成為佢電影代表作，仲出埋續集《感動我77次》～
3. 張敬軒
講到張敬軒一定會諗起代表作《櫻花樹下》，上年除咗開咗6場紅館演唱會之外，仲出咗《Senses Inherited》專輯，喺商台仲橫掃三獎：叱咤樂壇男歌手金獎、憑《天才兒童1985》奪叱咤十大歌曲，仲憑《百年樹木》奪得叱咤樂壇我最喜愛的歌曲大獎。
2. 古天樂
古仔上到第二名全靠今年喺商台拎咗《叱咤樂壇我最喜愛的男歌手》，成為香港第一個影歌視都獲獎嘅藝人。喺上年佢亦被選為香港藝人協會主席，幫演藝界爭取好多福利，佢喺網上仲被大家用「前有邵逸夫，後有古天樂！」嚟形容㖭，第二名真係實至名歸！
1. 余文樂
歌手出身嘅樂仔其實已經冇唱歌好耐，但憑住《頭文字D》同埋《志明與春嬌》等經典電影一直紅遍兩岸三地，不得不提嘅係當年佢喺《志明與春嬌》著咗對new balance之後，港台都捲起NB熱潮，余文樂同款鞋成為熱門關鍵字。雖然樂仔已經結咗婚，但至今佢嘅討論度都冇降低過。
分析說明：
本研究資料分析時間範圍為2018年1月1日至2019年1月1日，約一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『80-90後 我最喜愛男歌手 』相關文本進行分析，並根據網友就該議題之討論，作為本分析依據。
本文所調查之結果，非參考投票、民調、網路問卷等資料，名次僅代表網路討論聲量大小，不代表網友正負評價。
分享本篇文章
你可能也會喜歡這些文章 :