考到大學甚艱難啊！
以前成日覺得d人讀唔成書先會走去做藝人，但今時今日就已經係高學歷當道。而香港嘅大學亦都係可以話10隻手指數得晒。今日DailyView網路溫度計根據只要喺香港讀到副學士以上或者海外留學，透過網路大數據調查咗過高學歷嘅女藝人。
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
10. 單文柔
單文柔喺香港出世同成長，德蘭中學畢業，之後到英國升讀大學，2016年參選香港小姐，可惜競選落敗。同年，佢入讀演藝進修班，畢業後主要做細路節目主持。而家係無綫電視經理人合約女藝員。2017年單文柔與陳展鵬戀情公開，喺上年（2018年10月13號）正式註冊結婚。
9. 劉佩玥
劉佩玥成長於小康之家，2011年畢業於香港浸會大學電影學院傳理學社會科學學士（榮譽）課程，主修電影電視，係榜上唯一修相關科系嘅藝人。2013年度香港小姐競選季軍；值得一提嘅係佢媽咪林嬌亦曾經參加過1985年度香港小姐競選。而家係無線電視經理人合約藝員，劉佩玥入行後工作以主持為主。
8. 黃翠如
黃翠如可以話係香港優才生，97年會考成績優異，獲25分（1A5B）。2003年畢業於香港浸會大學傳理學院，同年加入有線電視擔任娛樂新聞台主播。2007年轉而擔任娛樂台嘅節目主持。2012年加入無線後因人緣甚佳而結識咗唔少朋友。
7. 朱晨麗
出生于江蘇蘇州，自小熱愛舞蹈，尤擅於拉丁舞和中國舞，曾加入香港芭蕾舞團。16歲嚟香港，入讀香港演藝學院，喺2011年度香港小姐競選冠軍，之後成為無線電視經理人合約女藝員兼當家花旦之一。
6. 黃心穎
1989年生於美國紐約州紐約市，英屬哥倫比亞大學金融與國際商業碩士畢業，係2012年度香港小姐競選亞軍。當選港姐亞軍後，很快就獲得無線安排工作。黃心穎同埋喺now任職藝人嘅家姐黃心美都係美人胚子。
5. 馮盈盈
2012入讀香港大學食物及營養學系，2016年以二級榮譽乙等成績畢業。同年，贏得《2016年度香港小姐競選》冠軍，2017年度國際中華小姐競選季軍。2018年榮獲《萬千星輝頒獎典禮》飛躍進步女藝員獎。
4. 麥明詩
麥明詩喺香港中學會考獲10優成績，2014年喺英國劍橋大學法律系畢業，參選香港小姐期間，由於樣貌同藝人楊采妮相似，故一度被冠以「高挑Charlie」嘅稱呼，最後更以大熱勝出。麥明詩而家係無線電視旗下嘅女藝員。
3. 陳凱琳
香港出生，加拿大溫哥華長大。佢同郭羨妮一樣曾就讀於西門菲莎大學。以17萬票獲選為首位90後香港小姐冠軍，同時獲得最上鏡小姐嘅美譽，2014年仲榮獲國際中華小姐競選冠軍。陳凱琳當選時一度被認為係十年來最靚嘅港姐。
2. 黃智雯
黃智雯出身香港演藝學院，出道前做過職空姐，仲入選2007年香港小姐五強。2008年喺無綫電視藝員訓練班畢業，而家係無綫電視合約女藝員，2012憑住破格飾演性格巴辣同勢利嘅關二嫂而名噪一時，並且喺同年奪得《萬千星輝頒獎典禮》飛躍進步女藝員獎。
1. 李佳芯
李佳芯曾任節目主持及模特兒。2002年預科畢業後修讀香港城市大學視覺藝術副學士。演藝與日俱進，2015年憑住《倩女喜相逢》獲最佳女配角，同時亦入圍「飛躍進步女藝員」。2018年仲喺《萬千星輝頒獎典禮》中奪得最佳女主角。
分析說明：
本研究資料分析時間範圍為2018年6月6日至2019年1月7日，約半年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『香港高學歷女藝人 』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
分享本篇文章
你可能也會喜歡這些文章 :