睇下有咩你估佢唔到嘅手信！
我地旅行成日都買手信買到爆喼，翻香港同家人朋友分享。咁當然其他遊客嚟香港都會咁做啦！一齊睇下佢地會買咩翻去同朋友開心share啦！今日DailyView網路溫度計透過網路大數據調查咗外國人嚟香港必買嘅手信。
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
10.檸檬王
依家香港最出名又多人買嘅係「老香港檸檬大王」同「永吉街檸檬王」。而佢地招牌就係甘草檸檬，成日都會賣到斷哂貨，唔少人會為咗佢一早去排隊㖭啊！甘草檸檬嘅主要成分有青檸、砂糖、鹽、甘草等，食落酸甜苦鹹都感受到，相信就係因為咁令唔少遊客愛不釋手啊！
9.奶茶／鴛鴦
講到外國人嚟香港旅行一定會飲絲襪奶茶同鴛鴦。而有啲品牌就出左啲即沖奶茶比消費者喺屋企都品嚐到奶茶嘅美味。有唔少人都選擇買返去做手信。雖然Lipton唔係得香港先有，但香港版嘅奶茶味會比較濃郁，所以都成為唔少人嘅選擇。仲有其他常見品牌有大排檔、捷榮等都好多人買㗎！
8.撈麵禮盒
撈麵禮盒喺新年就見得多，但原來好多外國人都會買呢做手信。因為覺得啲蝦子麵瑤柱麵好方便又特別。而當中最多人買嘅係曾志偉代言嘅壽桃牌，香港60年老字號有香港特色。
7.龜苓膏
相信一聽到龜苓膏就會諗到清熱解毒下火潤睛止咳等等，但呢樣咁有益處嘅野製作過程頗為複習用嘅材料又多，唔係周圍都買到。不過有公司就睇中呢一點，出咗出獨立包裝可以保存一段時間嘅龜苓膏吸引客人。最後亦因為咁有唔少人都會買呢做手信帶翻自己國家。
6.出前一丁
雖然日清係日本品牌，但可以話喺香港發揚光大啊。而當中最出名嘅一定係出前一丁，有成十幾款口味包裝仲要色彩繽紛當然味道都唔差，好容易一個唔覺意就會比佢吸引到買到停唔到。雖然唔只香港有得賣出前一丁，但香港版食落同其他版本係有少少唔同嘅，加上出前一丁包裝上面會大大隻字寫住香港製造，做手信夠哂香港特色。
5.曲奇餅
講到外國人最愛嘅曲奇餅做手信，相信第一個你一定諗到Jenny Bakery嘅小熊餅乾，成日經過都見到店外大排長龍。佢之所以會咁多人買除左包裝有可愛嘅熊仔真係好吸引之外，仲因為佢入口𠴱陣陣嘅牛油香同入口即融嘅口感。不過除左Jenny Bakery之外仲有Cookies Quartet、Seasons Patisserie都係唔錯嘅選擇。
4.XO醬
相信唔少人新年嘅時候都有會食過XO醬炒蘿蔔糕，或者總有一樽喺屋企看門口。而XO醬其實都有好多選擇，有辣有唔辣；平平地超市幾十蚊就有一枝，如果想食用料高級啲嘅半島都有得賣，自然成為唔少人嘅選擇，買返去送禮自用兩相宜。
3.牙膏
雖然聽落好九唔搭八但其實依家個個都話要保護牙齒健康，早晚都要刷牙。以韓國人為例飯前飯後都習慣刷牙，一日刷幾次。而香港嘅牙膏價位都唔算高，好似黑人牙膏咁平平地十幾廿蚊都有枝，真係唔怪得啲外國人會買咁多翻去做手信。
2.萬用藥
根據非正式統計各大品牌嘅活絡油、白花油都長期喺遊客心中香港必買佔有一席之地。除左活脈油之外，仲有好多人嚟香港會買你只要屙嘔肚痛、消化不良就會諗起嘅保濟丸同正露丸。之前更傳出過念慈菴川貝枇杷膏喺美國炒到70蚊美金，可見外國有幾鍾意香港嘅萬用藥啦。
1.維他奶
相信應該無乜香港人會未飲過維他奶，未飲過都一定聽過同見過。以維他奶除左係香港嘅經典品牌仲係遊客心中嘅「傳說」，唔少人嚟香港都一定會買翻枝飲。維他奶口味多、價錢又唔貴、又有營養，唔少人都會買翻去同親戚朋友分享。家傳戶曉嘅維他奶絕對係當之無愧嘅top1啊！
分析說明：
本研究資料分析時間範圍為2018年1月8日至2019年1月7日，約一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『香港必買手信 』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
分享本篇文章
你可能也會喜歡這些文章 :