香港特色嘢飲你知幾多？
個個喺香港都做一個排隊動物，其實香港唔只得要排隊先買到嘅過江龍台茶。香港最local嘅嘢飲可能好多你都未飲過！好似滾水蛋、奶水蛋、兒童鴛鴦同埋西洋菜蜜都已經慢慢消失喺茶餐廳嘅menu入面。今日DailyView網路溫度計根據香港最道地嘅飲品，透過網路大數據做咗個調查，一齊嚟睇吓啦～
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
10. 朱古力
朱古力可以話歷史悠久。最早由墨西哥人整，十六世紀傳過歐洲。主要成份係唂咕豆，朱古力味香濃，面頭有厚Cream，個Cream溶喺朱古力入面，唔單只令朱古力更幼滑，仲平衡咗朱古力嘅甜味，帶出輕輕嘅奶味，口感就唔會太澀，容易入口。介紹你一客下午茶︰凍朱古力+惹味嘅豬扒包，包你喺天使與惡魔之間不能自拔。
9. 檸水
「老闆，嚟一杯凍檸水！」咁寡都有人叫？！唔講唔知，西元1000年左右埃及已有檸檬水。喺香港，檸檬水通常簡稱為檸水，係一種用檸檬吊味嘅水，通常會落糖，凍熱都得；凍嘅一般必定配有2塊至4塊切片檸檬在杯中，熱嘅叫熱檸水。專家話每天喝檸檬水的好處有抗衰老和清新口氣，仲可以幫助減慢皺紋出現㖭～
8. 檸蜜
檸蜜見於港式茶餐廳，係快餐嘅配套嘢飲。做法簡單，將蜂蜜同水溝埋後，再加幾片片檸檬而成。因為成本問題，香港嘅茶餐廳一般會以西洋菜蜜取代蜂蜜，亦有高級餐廳使用冬蜜。檸檬蜜可以排毒兼減肥，效果比檸檬水強100倍！係人都知，檸檬有豐富嘅營養，可以防止同消除皮膚色素沉著作用。姐妹們，你今日飲咗未？
7. 黑牛
覺得太悶，想轉轉口味、搞下新意思？黑牛係香港或澳門茶餐廳嘅特色嘢飲，即係可樂加朱古力雪糕嘅特色飲品。當雪糕沉低同可樂混合，就會產生大量氣泡，感覺非常刺激，柔軟嘅雪糕配搭有汽嘅可樂，味蕾感覺超冰爽，係十足十嘅完美邪惡配搭。夏天飲一杯簡直超爽過癮！
6. 茶走
茶走係香港地道嘅叫法。即係話奶茶唔要砂糖，改為用煉奶代替。點解要咁？因為有d食客，怕奶茶加入砂糖會惹痰，所以幫襯冰室或茶餐廳時講明「走」砂糖，改用煉奶代替，因為比起砂糖，煉奶更更易溶化喺奶茶之中，鍾意飲甜嘢，茶走可能更加會係你杯茶。如果鍾意奶味濃郁d嘅仲可以添加全脂淡奶！
5. 紅豆冰
夏天飲返杯紅豆冰做下午茶，係一等一消暑首選。概念源於中式甜品紅豆沙，早期冷氣仲未流行嘅時候係香港冰室出售。做法︰紅豆，要又腍又化；加入淡奶同細細碎碎嘅刨冰，放入上寬下窄嘅透明冰杯中，簡直係透心涼！紅豆冰有時會喺杯中放入一球雪糕蓋面，叫做糕紅豆冰，別有一番滋味同口感。
4. 齋啡
又叫黑咖啡，黑咖啡即唔添加任何調味，所以係香港又叫飛沙走奶。主要係用咖啡豆研磨成粉狀後伴以熱水調製的飲品。因為齋啡無糖無奶，一杯喺手，用鼻覺品嚐，唊上一口咖啡豆原有嘅濃鬱醇香味道都係一種人生享受。除此之外，齋啡可以促進脂肪分解，有營養師指都算係健康嘅飲法。
3. 阿華田
係嚟自德國嘅乳品。亦係好多人童年嘅回憶，係大眾心目中少年人的補品。因為入面含有少許維生素同麥芽嘅膳食纖維，所以一般廣告強調係以去除疲勞嘅補助營養品，朝早一杯使人心情愉快，工作更加起勁。臨瞓前一杯，更覺身心舒暢，美夢更甜。阿華田主要係用熱牛奶沖泡黎飲，凍飲另有一番味道。
2. 檸檬茶
係普羅大眾嘅日常飲品，喺香港一般簡稱為檸茶，伙計落單會寫「OT」，或大喊「爆檸」通知水吧。點為知一杯好飲嘅凍檸茶？首先茶底唔可以濃到苦，又唔可以太澀，避免蓋過檸檬嘅香味，咁先稱得上最正嘅檸檬茶。夏天，一支飲管加上一支長湯匙，啜飲一啖，精神爽利……
1. 港式奶茶
屬於香港平民百姓的廉價飲品，又叫「絲襪奶茶」。唔好以為真係絲襪，其實係棉紗網至真，佢係用黎過濾泡好嘅紅茶，香醇幼滑嘅港式奶茶就係咁做出嚟。單係香港人每年都飲上過億杯奶茶。唔好睇少一杯奶茶，講究的會選用錫蘭紅茶、淡奶同糖，比例恰當之餘，仲要睇師傅認真考究嘅「撞茶」功力。
分析說明：
本研究資料分析時間範圍為2018年1月11日至2019年1月10日，共一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『香港古早味飲品 』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
分享本篇文章
你可能也會喜歡這些文章 :