睇到都希望自己可以凍齡啊！
大家都想長生不老，青春常駐，佢哋就係香港凍齡女神嘅代表。今日DailyView網路溫度計根據香港凍齡女星，透過網路大數據做咗個調查，一齊嚟睇吓啦～
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
10. 康華
如果平時有睇開電視唔知佢叫咩名都一定見過佢嘅康華，不過由細睇到大佢都好似一樣樣咁。望落好似30頭，點知原來佢今年已經47歲。94年選港姐雖然20強止步，但就獲得一份藝員合約，一直努力到依家拍左唔少經典劇集。
9. 蔡少芬
迷倒唔少觀眾嘅蔡少芬唔經唔覺已經45歲喇！之間佢上內地綜藝節目仲同佢幾個年輕女明星一齊被懲罰要卸妝，結果卸咗妝一樣咁靚，佢皮膚依然好似剝殼雞蛋咁好啊！佢之前受訪就話佢皮膚咁好嘅秘訣係蜂蜜，每朝飲蜂蜜水再將蜂蜜加入mask度敷上臉。
8. 朱茵
朱茵喺《大話西遊》扮演紫霞仙子完全好似真正仙女下凡咁。而佢之前分享過佢凍齡秘訣係卸妝徹底、注重護膚。而最後一樣都好重要就係—保持心境開朗。想同佢一樣keep住咁靚就跟住做喇！
7. 邱淑貞
出道三十幾年嘅邱淑貞拍左無數套膾炙人口嘅作品，唔止個樣保養得好身材都好好！而佢個女都出左名係靚女星二代，佢兩個拍埋一齊仲好似兩姊妹咁，完全睇唔出佢已經年過半百啊！佢就透露過自己保養方法係橄欖油加砂糖去角質、食多啲蠕動腸胃嘅食物同行多啲樓梯。
6. 黎姿
47歲嘅黎姿一向都保養得宜，公認為凍齡女神。佢前排就喺IG出post話自己已經要戴老花眼鏡，歲月不饒人啊！但張相入面佢個樣同啱啱出道嘅時候根本無分別，完全睇唔出已經生咗三個女啊！
5. 周慧敏
「玉女掌門人」Vivian周慧敏，喺90年代已經被封為純天然嘅氣質女神。佢就表示自己keep到咁好係因為以下幾點：避免曬太陽、著重保濕當然除左皮膚要保養之外，要維持苗條所以每餐只可以食到八成飽咋！女神真唔易做啊！
4. 陳煒
96年亞姐冠軍，今年45歲嘅陳煒過咗檔之後拍咗唔少精采劇集。加上之前佢素顏直播嘅時候一樣容光煥發。佢之前護膚品廣告嘅時候入面有一句台詞「年齡，Who Cares？」加上佢嘅凍齡外表，絕對有資格講呢句說話啊！
3. 劉嘉玲
年過50嘅劉嘉玲依然有住凍齡嘅臉蛋，與其話佢天生麗質，不如話佢懂得保養自己。最近就喺內地app入面做左美妝博主成日分享美容心得，公開自己嘅保養程序同平時用開嘅化妝品。不過其實除咗要識護膚，仲要養成運動嘅好習慣！
2. 鄭秀文
已經四十幾歲嘅鄭秀文喺舞台上唱得又跳得，開完一場演唱會都依然有活力。喺佢之前post出嘅健身爆汗相可見，佢好似少女咁嘅好膚質，更加有網友話天后唔止係凍齡咁簡單，根本就係逆生長！佢之前仲話「女士們多數都希望逆生長，所以好好保養自己好重要，飲食和運動都必須均衡。」
1. 王菲
王菲唔止唱歌好聽，四十幾歲都依然咁靚女！謝霆鋒曾經話過最欣賞王菲身上面稚氣童真的特質和思維，不過王菲唔止有稚氣嘅思想仲有一個帶啲稚氣嘅童顏啊！而佢嘅秘訣係食車厘子補血、保持樂觀同要有充足嘅睡眠。
分析說明：
本研究資料分析時間範圍為2018年6月22日至2019年1月21日，約半年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『香港凍齡女藝人 』相關文本進行分析，並根據網友就該議題之討論，作為本分析依據。
分享本篇文章
你可能也會喜歡這些文章 :