冬天冇咗佢哋點得呢！
冬天梗係要食暖笠笠嘅嘢啦！今日DailyView網路溫度計根據冬天必食暖肚食品，透過網路大數據做咗個調查，煨蕃薯竟然冇上榜！？一齊嚟睇吓仲有咩係必食美食啦～
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
5. BBQ
中秋開始陸陸逐逐已經有好多人開始埋位燒烤（BBQ）。BBQ好玩之處係只要call齊三五知己圍坐爐邊，就可以一邊傾愒，一邊品嘗佳餚美食。時間夠嘅話，可以去郊外或燒烤場，趁住天口涼盡情享受天然綠化的林蔭，又或者沙灘漫步，陶醉日落黃昏美景。
4. 蛇羹
喺冬天要抗寒保暖，蛇羹係至佳之選，既能保暖又能補身，具有活血補氣、舒筋活絡等功效，特別適合體質虛寒、四肢冰冷、異常怕凍等人士。蛇羹嘅基本材料有薑、陳皮、蛇、火腿和老雞。蛇肉因有通經絡及促進血液循環作用，所以深受中老年人士歡迎。
3. 打邊爐
天寒地凍，唔少人喜歡打邊爐食火鍋。朋友圍坐邊暖暖的邊爐煲特別感到溫馨。打邊爐特別容易上火，所以淥熟夾上黎食之前，都會先沾下豉油醬和生雞蛋，避免「熱氣」。
2. 羊腩煲
寒冬之時，北風颯颯，無論係大牌檔、茶餐廳，抑或中菜館都大賣羊腩煲。羊腩煲令人食指大動，羊腩先要炆得軟腍入味，先會令人垂涎欲滴。羊腩亦要大大件，加埋爽脆馬蹄，真係點忍得住口。羊腩煲除了可以暖中補虛，最吸引的當然是羊脂散發的濃鬱羶香，聞到之後真係連阿媽都唔認得！
1. 老火湯
港人家庭飲食講究，會將老火湯作為餐前序幕。所謂老火湯，相對十餘分鐘的滾湯來說，老火湯至少需要淆3個鐘。好多主婦會淆湯畀小朋友，作為補益湯水嚟強身健體和作為補腦的食療之用。煲湯時間適度加長確實能起到增加營養的作用，原來飲湯除了可補充體內水分，亦有助身體所需營養。
冬天暖肚糖水點少得佢哋！
冬天著咁多衫遮住d肥肉，增肥都冇人知！咁好嘅理由點可以放過！今日DailyView網路溫度計根據香港經典糖水，透過網路大數據做咗個調查，一齊嚟睇吓啦～
DV小教室：網路大數據觀測咗近萬個網站頻道(而且不斷增加ing)，包括新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章訊息，都會save喺「網路大資料庫」入面，而呢d資料嘅數量同埋內容其實係可以被統計分析嘅！
5. 雙皮燉奶
雙皮燉奶係奶中極品。故名思義，佢就係有兩層皮的雙皮燉奶！而家喺香港有好多各式各樣，華麗裝飾的精緻甜點，但一講到傳統甜品，又點少得佢。唔好見雙皮燉奶外貌簡單平實，呢款就好巧手，所以唔建議自己整，出街食好過。
4. 杏仁露
杏仁露，又叫杏仁茶、杏仁奶和杏仁霜。同樣可以自己整，平日喺屋企自製一杯杏仁露，不僅美味解渴，仲可以達到清肺潤肺的目的。好多人將杏仁稱為抗癌之果，平日食可以潤腸通便，同埋止咳。
3. 綠豆沙
綠豆沙可以話係紅豆沙的妹妹，同紅豆沙一樣綠豆沙可以放入電飯煲度煮，超級簡單，平時飲可以消暑解渴，有利尿下氣嘅功效，健康得嚟口感更細膩又美味，就成為香港人飯後甜品之選！綠豆沙以熱食為主，傳統又經典～
2. 紅豆沙
最適合愛美的OL，冬天窩喺屋企，好容易就想到健脾養胃、補血養顏的紅豆沙。紅豆沙可以好簡單咁搵電飯煲煮，加埋蓮子和陳皮，更加滋味無窮。其實紅豆沙係百搭餡料，細膩香甜又綿潤，仲可以變身做紅豆沙艾糍，紅豆沙餅，紅豆冰，紅豆沙蛋糕~
1. 芝麻糊
這道適合冬天熱呼呼享用的甜品，可以滋補強身，暖胃又美味。黑壓壓的芝麻糊唔單止美好可口，鍾意食甜又注重養生的你更加唔可以錯過，無論黑芝麻、白芝麻都含有豐富鈣質，係補充鈣質的絕佳食材。黑芝麻糊不僅有豐富營養，仲有烏髮和解毒等療效。
分析說明：
本研究資料分析時間範圍為2018年1月26日至2019年1月25日，共一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『香港經典糖水 』相關文本進行分析，並根據網友就該議題之討論，作為本分析依據。
分享本篇文章
你可能也會喜歡這些文章 :