藝人果然唔易做！
以前嘅偶像唔少都已經結咗婚仲生埋仔，但佢地都依然咁靚，今日DailyView網路溫度計根據生咗bb嘅靚媽藝人，透過網路大數據做咗個調查，一齊睇下網絡討論度最高嘅十位靚媽啦！
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
10. 陳茵媺
陳茵媺同今次大部分例子唔同但又同大部分現代女性一樣，喺家庭同職場上擔任唔同嘅角色，媽媽、太太同女藝人。雖然佢已經係三個小朋友嘅媽媽，平時schedule又排到密密麻麻，但佢嘅皮膚狀態仲同當年選美一樣。佢出席活動嘅時候就話佢平時自己喺屋企都會用精華油按摩塊面，將皮膚留喺最佳狀態啊！要個靚媽媽原來真係要下唔少功夫㗎！
9. 林嘉欣
林嘉欣雖然出道廿幾年仲已經係兩個女嘅媽媽，但個樣都無乜點變，仲同廿幾年前差不多。喺大多分享同囡囡嘅生活照大多都係素顏影嘅，但都依然係滿面膠原蛋白。佢嘅秘訣係戒鹽戒薯片去水腫；飲多啲檸檬水都係可以去水腫；淋巴按摩排毒瘦面同最後一個就係用橄欖油加上適量砂糖，搽喺臉上面或身體去角質。原來可以keep住咁靚都唔簡單架！
8. 蔡少芬
之前介紹過嘅凍齡美魔女嘅蔡少芬，曾經係港姐嘅佢雖然已經四十幾歲仲已為人母。但喺內地拍戲飾演媽媽嘅時候竟然比網民話望落太年輕喇，做家姐適合啲。佢自己都曾經喺Facebook post過佢1993年拍天倫嘅劇照，除咗望落無咗以前嗰份稚氣之外，完全無分別啊！睇嚟佢嘅蜂蜜護膚法十分有用啊！
7. 張柏芝
身為單身媽媽嘅柏芝平時除左要照顧小朋友之外，仲要打理自己品牌同忙住拍劇、出席活動，分身不暇但佢依然可以時刻保持最佳狀態示人。維持到良好嘅體態，面上都睇唔出有咩皺紋，依然咁白望落仲好有彈性好似充滿膠原蛋白咁𠻹啊。喺佢開左ig之後曾經post過三張初出道嘅相同依家相比，由女孩到母親，只係多左一份成熟嘅感覺，但依然係咁靚。
6. 袁詠儀
人稱「靚靚」嘅袁詠儀同chilam結婚多年仲已為人母，但個樣就無乜點變，同佢1990年選港姐嘅時候無乜分別，真不愧為港姐冠軍同最上鏡小姐啊。之前佢喺節目上面卸妝素顏示人，睇得出佢皮膚依然好好，老公chilam仲話佢素顏靚過化妝𠻹啊。而靚靚就話佢嘅秘訣係徹底卸妝同防曬都好重要，保濕工作都要做足，配合運動就perfect喇！
5. 陳慧琳
喺陳慧琳post出呢嘅靚相入面都真係睇唔出原來已經生左兩個啊！一樣咁靚身材都一樣咁好。最近10year challenge喺ig掀起左一陣熱潮，唔止名人們，連身邊嘅朋友都紛紛post自己10年前後嘅對比照，原來Kelly之前都分享過一張17年前後嘅相不過就有好多人表示分唔到邊張先係最近影啊，根本就無分別。聽講Kelly私下成日做善事，心美自然人都靚啲啦！
4. 李嘉欣
喺李嘉欣嘅instagram入面成日都見到佢post好多靚相，出左名係大美人嘅佢，面上一啲歲月痕跡都無。前排出席慈善活動，以一身黑白配色無袖禮服出席，仔細睇佢塊面皮膚好到好似零細紋咁，露出呢嘅手臂都係零贅肉啊。喺有左囝囝Jayden之後，李嘉欣已經甚少喺鏡頭前出現，估唔到仲可以keep得咁好啊。
3. 楊思琦
人稱思琦妹嘅楊思琦，已經生左個女，唔再係「妹」喇！但佢依然保持住「妹」嘅外型，佢仲係美容院代言人𠻹啊咁就知佢keep得幾好啦。真係不愧為香港小姐冠軍啊！而佢都曾經公開過自己keep得咁好全靠不停食水果同埋充足嘅睡眠好重要。聽落好似好簡單，一齊試下啦！
2. 王菲
之前凍齡美女都介紹過嘅童顏美女王菲，生左個女，今天準備五十歲嘅佢都依然咁靚女身材亦依然咁好！而佢就話係信仰令佢嘅生活更加健康、割達。一旦心境平靜，人都自然會變得靚。佢仲話自己私底下唔係好化妝，護膚品或者純天然或中草藥成分，等佢可以安心地保養皮膚。原來咁注重養生保養，唔怪得仲keep住咁靚啦！
1. 楊千嬅
楊千嬅喺2012年誕下囝囝丁進諾(Torres)，當年已經38歲的佢，屬於高齡產婦。懷孕初期仲因為操榮過度一度入院，不過最後bb都順利出世，佢都身體健康仲keep住佢靚樣同身材𠻹啊！之後都帶住好狀態陸續推左好幾部電影作品其中《五個小孩的校長》同《那一天我們會飛》仲獲得唔錯嘅評價𠻹啊！
分析說明：
本研究資料分析時間範圍為2018年1月31日至2019年1月30日，共一年。
系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『香港靚媽女明星』相關文本進行分析，並根據網友就該議題之討論，作為本分析依據。
分享本篇文章
你可能也會喜歡這些文章 :