新年冇糕點得呢！
華人過新年最講求攞個好意頭，幾乎食乜都有個寓意。每家每戶屋企一定唔少得各種糕類，取其諧音祝大家「步步高昇」，今日DailyView網路溫度計根據過年糕點，透過網路大數據做咗個調查，一齊嚟睇下啦！
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
5. 椰汁年糕
年糕是中國春節嘅主要食品，因「糕」與「高」係諧音，意頭十足！「椰汁年糕」，呢款甜糕係由麵粉和糖製成，又或以椰汁和白糖取代片糖，呈現潔白討好的外觀，因此打破咗傳統年糕嘅沉悶印象。過年買一底年糕返屋企，可以食成個禮拜，新年起身唔知食乜好，沾些蛋漿煎幾片年糕，食落甘香得嚟一肚滿足感！
4. 白糖糕
白糖糕係年糕嘅其中一種，有「年年高」、「步步高昇」的含義。順德好嘢食好多，呢款又係佢哋嘅傑作。材料包括粘米粉、砂糖和清水。因此簡單容易整，但要好食當然就要考功夫了。坊間帶酸的白糖糕其實並不到位。因為酸係發醏得太耐做成的。好食嘅白糖糕應該色澤白亮、香氣撲鼻。
3. 馬蹄糕
馬蹄糕，寄意帶來「馬到功成」嘅祝福，非常有意思，亦係過年必食嘅點之一。呢種小吃本來嚟自南寧，外形晶瑩通透，入口清甜爽滑彈牙，且帶有馬蹄的清香，廣受人們嘅喜愛。材料包括馬蒂粉、白糖、水等。口味各適其適，除咗古法馬蹄糕、仲有桂花馬蹄糕、黃金馬蹄糕、蔗汁馬蹄糕等。
2. 芋頭糕
除咗運勢要旺，仲要祈求保平安。芋同諧音「護」，意指護子護孫護全家。如果有屋企人會下廚，過年一定唔少得芋頭糕。芋頭糕相對難整，時間和份量都好講究，材料基本上係用芋頭加糯米，一落鑊煎就滿屋香氣。做得好食的芋頭糕鬆化軟綿，加上臘味，鹹香十足的滿足感，真係講起都流哂口水！
1. 發糕
發糕有「發財」的意思。新年新希望，不論係財運又好，整體運勢都好，大家當然希望大紅大紫咁「發」起來。出去買定還是自家製，每家每戶過年都一定會見到發糕。尤其發糕嘅頂端會裂開，好似朵花咁樣，傳統嚟講，個開口裂得越開，新嘅一年就會越發。今年拜年請人食發糕，記得祝佢哋「發過豬頭」啦！
分析說明：
本研究資料分析時間範圍為2018年1月26日至2019年1月25日，共一年。
系統觀測上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『過年必食糕點』相關文本進行分析，並根據網友就該議題之討論，作為本分析依據。
你屋企仲會唔會擺攢盒？
細細個屋企人都會帶我哋去買糖同朱古力放喺屋企個攢盒入面（雖然最後都係自己KO晒XD），但最大嘅樂趣就梗係揀嘅moment啦！今日DailyView網路溫度計根據新年會食嘅小食，透過網路大數據做咗個調查，一齊嚟睇下啦！
DV小教室：網路大數據觀測咗近萬個網站頻道(而且不斷增加ing)，包括新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章訊息，都會save喺「網路大資料庫」入面，而呢d資料嘅數量同埋內容其實係可以被統計分析嘅！
5. 蝴蝶酥
蝴蝶酥係老北京歷史悠久的傳統烘烤嘅風味小食，融入了中國文化後非常適合過年嚟款客，呢款小食唔單止口感松脆香酥，香甜可口，仲有浓郁的桂花香味。蝴蝶酥係麵包店經常會見到，正正因為外型漂亮可愛，擺一碟係客廳招呼客人非常大方得體。酥脆的口感加上砂糖的甜味，非常受小朋友嘅歡迎。
4. 果仁
現代人講究健康飲食，果仁就係年輕人的選擇。 因為連營養師及中醫都認同含豐富蛋白質的果仁好處多，包括含有葉黃素可以抗氧化。就好似花生咁，屋企全盒一定會有D果仁類。主要係俾客人圖個吉利「抓」一手好運。有聽個名就覺得開心嘅「開心果」啦，亦都有外表似水滴嘅「瓜子」寓意帶來財運。
3. 湯圓
大家總認為一定要來碗湯圓，寓意團團圓圓、平安長一歲。除夕一家人圍着吃飯，共聚天倫，，既然要團圓就少不了有湯圓來做糖水，在寒冷的天氣下感受食物的溫暖。湯圓可以玩出好多花樣架，除咗圓口味大有選擇之外，仲有薑汁湯底、紅棗湯底，每個屋企都有唔同嘅傳統配搭，相當可愛和有趣。
2. 花生
過年嘅傳統零食亦同諧音尤關，都含有特別意思。好似花生咁，佢又叫長生果，有長壽嘅意思，所以過年期間總會有許多花生製的各式糖果，例如︰花生糖，,花生麻糬、芝麻花生酥貢糖等，吃起來卡滋卡滋，越吃越受人歡迎。拜年相信大家其中一個關注嘅重點係人地嘅攢盒，而攢盒又點會少得花生。
1. 朱古力
過年食朱古力，開開心心，甜甜蜜蜜。呢啲食品包裝呢個時候都以紅色和金色為主題，充滿節日氣氛。傳統朱古力錢幣係新年攢盒的經典，而家仲有水果作餡的朱古力。過年就係領正牌食零食是朱古力的日子，拜年除咗可以逗利是，就係親戚朋友會送禮盒，見到朱古力真係好似中bingo咁開心！
分析說明：
本研究資料分析時間範圍為2018年1月26日至2019年1月25日，約一年。
系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『過年小食』相關文本進行分析，並根據網友就該議題之討論，作為本分析依據。
分享本篇文章
你可能也會喜歡這些文章 :