你係羨慕唔嚟㗎喇！
五光十色嘅娛樂圈可以帶來名成利就，係好多人追求富裕生活嘅目標。但其實入得娛樂圈，有一部分人本身就來自非同凡響嘅家庭，你又知唔知邊D明星係富二代呢？今日DailyView網路溫度計根據香港富二代，透過網路大數據做咗個調查，一齊嚟睇下啦！
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
10. 郭可盈
千禧寶寶們可能對呢個名無乜印象，郭可盈係當年「千禧年代無綫五大當家花旦」之一。郭可盈出身富商家庭，爸爸郭達昌做塑膠廠起家，同太太共同擁有玩具廠以及投資公司。係2011年因病逝世，留下過億資產和億萬塑膠生意俾四名子女。有傳郭可盈一直深受爸爸痛惜，係爸爸臨終前，應承會接手打理家族生意。
9. 莫文蔚
莫文蔚生於書香世家，佢爺爺莫理士 (Alfred Morris)來自威爾斯，曾經獲英國政府委任，從事教育工作，係香港英皇書院創校校長及聖約翰婦孺醫院創辦人暨總監。祖母羅惠德亦生於香港富裕家庭，算上名門望族，係復旦大學修讀中國文學，是名副其實嘅教育世家，唔難解釋莫文蔚一身優雅嘅氣質。
8. 張寶兒
張寶兒喺2016年參選港姐奪得「友誼小姐」之後，好快畀網民起底發現張寶兒生係大富之家，爸爸喺禮頓山擁有多個物業，夾夾埋埋最低限有三億身家。張寶兒之前接受訪問的時候都有講過屋企人好錫自己，亦唔需要為屋企放棄想做嘅嘢，你話贏喺起步線幾咁重要。有青春又有本錢可以自由自在，邊個會話金錢唔係萬能。
7. 陳偉霆
話陳偉霆係富二代都唔完全正確，據稱陳偉霆爸爸係做房地產，出世嘅時候家庭尚算富裕，但隨住爸爸離世，家境就大不如前。到依家屋企住跑馬地禮頓山豪宅，都係阿哥家姐係海外歸來先帶來好轉。哥哥係香港做船務生意，家姐獨立經營服裝廠牌，可謂生財有道。講到陳偉霆家境強大唔靠爸唔靠媽，都係全靠哥哥家姐啊。
6. 陳慧琳
陳慧琳係香港演藝圈鮮有完全無緋聞纏身嘅女明星，據傳係因為屋企背景豐厚，所以無人能潛規則陳慧琳。爸爸陳崇偉係香港眾多隱形富豪之一，經營嘅「聚寶行」專做珠寶高端私人定製服務，喺香港擁有數十間連鎖店。早喺2003年陳崇偉就拒絕咗富比士財富排行榜嘅上榜邀請，行事相當低調。
5. 鄭中基
鄭中基係娛樂圈有個花名叫「太子基」，原因係佢爸爸鄭東漢堪稱係亞洲娛樂界嘅娛樂大亨，係第一個國際唱片集團嘅華人總裁，一手捧紅過唔少天王級巨星包括鄧麗君、張國榮、張學友等人。不過鄭中基亦唔係靠屋企上位，而係憑住自己嘅歌唱才藝同喜劇細胞係娛樂圈闖出一片天，完全無富二代嘅架子。
4. 王菲
王菲嘅「富有」身家唔係有錢咁簡單。王菲爺爺王兆民係上個世紀40年代嘅中國政壇要員，相當於依家嘅全國人大常委會委員。而王菲嘅媽媽夏桂影係煤礦文工團嘅女高音，可以話王菲嘅家庭背景又文藝又顯赫，所以王菲那份骨子裡帶來的驕傲，一半源於她嘅才華，另一半應該就係源於高人一等的家世。
3. 林峯
自林峯入行開始，就頂住豪門貴公子嘅美名。爸爸林華國有「廈門李嘉誠」嘅別稱，係廈門最大嘅地產商之一，名下擁有多個屋苑同商場嘅發展項目，總值保守估計約20億港元。不過林峯每次接受訪問都會對於自己身上有「富二代」嘅評論非常無奈，反而希望大家見到佢係演藝事業嘅努力。
2. 謝霆鋒
話謝霆鋒係富二代，其實星二代反而比較貼切。父母係當年紅透半邊天嘅謝賢同狄波拉，謝霆鋒未出世已經注定成為鏡頭下的焦點。而謝家嘅家族淵源亦大有來頭，祖籍係廣東嘅謝家以前係開銀號（即係依家嘅銀行），都算得上大富之家。不過謝霆鋒都唔係無經歷過疾苦，當年佢出道就係為父親謝賢嘅財務失敗還債。
1. 陳凱琳
當選2013年香港小姐冠軍、2014年國際小姐冠軍嘅陳凱琳，爸爸陳桂祥係商人，有傳炒舖、石油代理生意等都有涉獵，加上繼承家族財產，持有市值超過十五億元的家族物業包括油尖旺多個舖位。係參選港姐嘅時候就被媒體報導過，陳凱琳住係九龍塘市值過億元、面積五千平方呎嘅獨立洋房，陳凱琳被稱為有史以來最有家底港姐。
分析說明：
本研究資料分析時間範圍為2018年1月31日至2019年1月30日，共一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『富二代藝人』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
分享本篇文章
你可能也會喜歡這些文章 :