我單身故我在！
聽日就情人節喇！單身狗嘅你係咪覺得好煩呢？畢竟前排新年先俾人問完「有對象未啊？」、「有冇人追？」、「有冇心儀嘅人？」。今日DailyView網路溫度計根據單身嘅好處，透過網路大數據做咗個調查，一齊嚟睇下啦！
DV小教室：網路大數據觀測咗近萬個網站頻道(而且不斷增加ing)，包括新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章訊息，都會save喺「網路大資料庫」入面，而呢d資料嘅數量同埋內容其實係可以被統計分析嘅
10. 慳錢
慳錢呢個真係公認啦！相信大家都體會過有拖拍過陣，時不時又要送禮物俾另一半，有時去對方屋企都冇可能兩手空空㗎嘛，禮數呢d嘢邊少得！有時睇吓戲、行街、食飯、去旅行乜都係錢。但係單身呢，自己嘅錢就自己使，完全唔怕要上繳。慳吓慳吓，錢剩到咁上下仲可以環遊世界都話唔定㗎！
9. 專心工作
拍緊拖嗰陣，鬧交都少不免啦！成日都會因為另一半而煩惱！或者平時都有人版你睇，同事或者老細心情唔好，好多時都因為同另一半有不愉快。所以呢，少咗一d情緒嘅影響，工作都會更加事半功倍啦，老闆見你咁幫得手，升職加薪唔在講！仲話唔定搵你去開荒打拼，咁就快人一步，理想達到！
8. 擴闊社交圈子
身邊好多朋友有咗男女朋友之後，都重色輕友，少咗同原本班Friend聯絡，更加莫講話可以識新朋友啦！雖然好老土，但其實擴闊社交圈子，無論係對工作定生活都好重要，其實可以好好珍惜單身嘅機會，同多d唔同種類嘅人交流，先可以幫自己擴闊自己，好似週遊列國咁，慢慢見多識廣㖭！
7. 自由
唔好以為「自由」呢兩個字好抽象，其實拍拖嗰陣，成日都要俾人奪命連環call、有時同Friend gathering 都要跟出跟入、夠鐘又要交人乜乜乜咁。連著衫都唔使care咁多啊，女仔鍾意著背心短裙唔洗再驚俾男朋友話，男仔中可以繼續頹著波衫短褲㖭！Freestyle先係王道吖嘛！
6. 不用打扮
每次出街之前，都要花一兩個鐘化個靚妝先肯出門？眼妝衰咗成個妝要重新嚟過？呢d情境係咪都好似曾相識呢！雖然有句話叫「士為知己者死，女為悅己者容。」但其實有時化妝唔使為人嘅，可以係為自己嘅姐！為自己化個靚妝氹自己開心，又或者有時頹頹地都係放鬆自己嘅一個方法嚟吖！
5. 增值自己
單身嘅時候其實仲多咗時間去了解自己，多咗時間同自己相處，好似睇書、默想，都可以培養自己嘅氣質。又或者運動、閱讀定係興趣班，都係可以充實自己嘅方式！而家公司興多元化，個人又何嘗唔係，如果淨係獨沽一味，朋友唔悶，自己都悶啦！趁單身唔係仲有優勢去發展自己咩！
4. 對自己負責
最經典嘅係平日面對咁多親戚朋友，要左右逢源，又要面面俱圓。但係單身嚟講，始終單獨嘅時間多咗，唔使受咁多人與人之間嘅約束，鍾意想點就點，因為平日生活只需要向自己負責，唔怕影響人，畀人話要做個榜樣畀人睇，做人唔係先向自己交待嘅咩，唔通好似胡適咁講，「我係我父親的兒子」！
3. 獨立
單身的確可以培養獨立人格，呢個機會真係要好好珍惜。除咗經濟獨立，自己養自己，自己買咩嘢，只要向自己負責，唔使受人影響，係好係醜都係自己嘅。得閒睇身邊嘅擺設，甚至一花一草，衣服鞋襪，唔通佢唔係自己咩。唔通要人云亦云，咁做人有咩樂趣呢！同條鹼魚無乜分別喎！
2. 任性咁去旅行
而家已經係地球村嘅年代，唔去旅行見識吓，真係畀人笑都面都黃！唔係要你博學多才，亦唔係好有機心咁去見多識廣。好多嘢係唔覺意咁發展咗，又或者刺激咗自己好有insigh，而係自自然然咁，隨緣隨意接觸同日常唔同嘅嘢。唔係有人話過「讀萬卷書不如行萬里路」咩。
1. 時間多咗
其實所謂時間多咗，意思係話放喺自己一個人身上嘅時間多咗。唔係咩？好多時我哋都係為人而活，受人主使、牽引和擺佈。當自己單身嘅時候，某程度上同姨媽姑姐聯終少咗，是非少咗，唔使再畀無謂嘅嘢纒擾。相對嚟講，個人寧靜咗，心境自己舒服啲，人都開心啲，心情都靚啲！
分析說明：
本研究資料分析時間範圍為2018年2月11日至2019年2月10日，共一年。
系統觀測上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『單身好處 』相關文本進行分析，並根據網友就該議題之討論，作為本分析依據。
分享本篇文章
你可能也會喜歡這些文章 :