佢哋都會識幫自己鋪後路啊！
所以話發達唔一定靠本行，藝人有名自然有利，始終花無百日紅，藝人都會年老色衰，淨係靠拍戲拍劇唱歌登台搵食，似乎冇乜保障，其次就是一人有多個夢想，副業成功跑出的藝人，今日DailyView網路溫度計透過網路大數據嘅調查，一齊嚟數數十大，睇下你有冇幫襯過啦！
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
10 陳柏宇,趙勁皓 雲長小龍坎老火鍋
一年四季都愛打邊爐嘅香港人，造就咗第十名嘅小龍坎老火鍋，其實就係陳柏宇同埋趙勁皓嘅舖頭。小龍坎早於2014年於成都開業，短短數年已擴充至200幾間分店，林俊傑、林保怡都係fans嚟，隨着明星同品牌效應，可謂雙劍合璧，穩打穩紥，店中最受歡迎是招牌成都麻辣火鍋，由湯底到材料都係新鮮直送香港㗎！
9 鄭欣宜 Homie Cookies
成功跑出嘅留學生藝人，唔少得欣宜嘅Homie Cookies，她當年嘅自家加拿大曲奇食譜，經過多年試驗同選材，成功登陸香港，最耍家嘅朱古力麥芽糖麥芽曲奇、海鹽無糖黑朱古力曲奇、糖煮橙皮朱古力碎波本威士忌曲奇等等，全是有噱頭又有趣的配搭，加上她的知名度與愛吃的形象，成功打入第九位。
8 陳冠希 CLOT
要數明星在早期成名時已第一時間出來做生意的，潮流教主陳冠希可謂其中的佼佼者。陳冠希的CLOT，由香港進駐至美國分公司是三年的事，你說他衰了桃色糾紛嗎？他又回去繼續做好品牌俾你睇，而且cross over產品成為炒賣對象，juicy坐落百德新街，成為潮人必到之處；小型展覽館則坐落上環潮區。
7 撻沙哥 華星冰室
曾經是著名跳舞組合EO2其中一位成員彭懷安，大家叫他Eddie，基於經理人嘅緣故，親自投資華星冰室成為大股東之一，他親力親為，參與管理及管數，現在邊學邊做，合伙人有生意頭腦，去年的大型音樂節中，就會找到華星冰室提供餐飲與食材，主店仍然座落灣仔英皇娛樂公司對面，生意好到排晒長龍啊！
6 黃宗澤 Oystermine Restaurant 蠔吧
黃宗澤一直被TVB力捧，過去10年從不間斷，演而優則從商，與前經理人及高層Hugo開蠔吧，一腳踏入餐飲業，成為自己公司藝人必到嘅派對打躉地方，位處九龍城，而且作為街舖，租金比較親民，他還想出奇特好噱頭的佐酒小吃，例如黑松露醬薯條就是他親自調配的招牌小吃，因為明星效應，反應不錯，也是追星族必到之處。
5 謝寧 曲奇四重奏
謝寧作為前港姐冠軍及藝人，雖然一早踏下舞台階梯，但也是非常有生意頭腦的事業女性，曲奇四重奏，除咗自己，拉了食物造型師關琬潼、文藝界著名推廣人黃志煒及五星級酒店糕餅總廚黃耀文一同主理曲奇專賣店，一早開到成行成市的店，依家連機場都有分店喇。蝴蝶酥和牛油曲奇是鎮店之寶，去年仲申請埋上市㖭！
4 謝霆鋒 鋒味
鋒味品牌做到街知巷聞，廚神節目點擊率極高，當然上次有型揮舞朱古力醬，已經成為招牌經典甫士，曲奇餅月餅瓣瓣掂！每次經過中環Soho區都見到人龍，英皇娛樂公司有見及此，旋即推出其他藝人打造的煮食片段乘勝追擊，組合Boyz都起革命，chef Kenny又會否能夠成為下一位跑出的英皇藝人大廚呢？
3 袁彌明 袁彌明生活百貨
袁彌明嘅袁彌明生活百貨，由網店、樓上鋪開到尖沙咀地下，睇得出越做越好，而且成功上市，又好識留住d客，已經成為女士潮流品牌恩物，內自世界各地，由護膚到靈性層面嘅生活清潔家具產品應有盡有，除了網絡宣傳及影片做得出色之外，她的美貌和建立的獨立知性女人形象，當然成為招徠客戶的致勝關鍵。
2 張敬軒 仙后餐廳
張敬軒和合和實業有限公司合作的項目仙后餐廳，是城中熱話，品味生活的認同。軒仔曾兩度出征巴黎，找大㕑搵餐具，由裝潢到餐單，他都落力參與，更親自落場照顧貴賓，仙后已成為灣仔區地標，連知名爵士天后小野麗莎也曾到場表演，三千元大餐大把人畀得起，仲要好難book㖭，你要俾人知你有身份和地位，你點可以冇食過！
1 余文樂 MADNESS
余文樂被視為潮流教主，當年同佢爭女闖禍嘅陳冠希率先搞時裝公司，現今仲更勝一籌，電影成績彪炳，成功打入內地市場，仲成為好多廣告商嘅搶手貨，MADNESS貨品貴一貴也一出貨被一掃而空，近年與美國潮牌Vans合作推出布鞋，也成為網購熱潮，而且他甚少宣傳，也有這個效果，難怪MADNESS成為第一位啦！
本研究資料分析時間範圍為2018年02月19日至2019年02月18日，共一年。
系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『經營副業的藝人』相關文本進行分析，並根據網友就該議題之討論，作為本分析依據。
本文所調查之結果，非參考投票、民調、網路問卷等資料，名次僅代表網路討論聲量大小，不代表網友正負評價。
分享本篇文章
你可能也會喜歡這些文章 :