賞櫻去台灣！唔去日本可以買樓！
香港人日日都係返工放工狂loop，想攞多幾日假腦細又唔批，放親都係得兩三日，真係想去轉旅行抖吓都難！特別三四月見朋友IG係噉post櫻花相，真係好想問佢哋哪來的時間啊？但其實櫻花又唔一定要去日本睇嘅，近近地飛去台灣，兩三日夠晒啦，淡季機票住宿嘅使費又平過日本咁多，真係星期六日飛轉去打個卡都抵啊！嗱！咪話唔幫你啊，等DailyView網路溫度計用網路大數據排個「台灣十大賞櫻地點」畀你參考下啦！少年！捉住櫻花季嘅尾巴啊！畀自己任性一吓！抖吓啦！
DV小教室：網路大數據透過 KEYPO大數據關鍵引擎 (keypo.tw)，以國際級的語意分析架構、先進的機器學習技術與人工智慧推論引擎，感知台灣網友語意脈絡與情緒，分析時事網路大數據。
10 台中東勢林場
東勢林場係台灣出名嘅「森林花園」，台灣人好鍾意放假就走去露營同bbq。嗰到有一個賞櫻花嘅園區，花期大約係1月尾到3月頭，依家去都有機會捉到個尾，如果唔好彩睇唔到櫻花都唔緊要，嗰到可以睇螢火蟲！又可以親親大自然！
園區地址：台中市東勢區勢林街6-1號
地點特色：親親大自然，多郊野活動
開花時間：1月尾到3月頭
開放時間：6:30-22:00（票價：成人250台幣，3-6歲／65歲以上125台幣）
交通指南：搭台鐵喺豐原火車站轉搭豐原客運209號
9 新北烏來
烏來櫻花之旅好適合兩三日嘅小旅行，可以行下烏來老街掃吓街，浸下溫泉，睇下櫻花。鳥來最有特色嘅地方係，可以行住賞櫻又得，坐別具特色嘅「台車」賞又得！真係大人細路、先生女士都啱去玩！
熱門賞櫻地點：烏來瀑布公園
地點特色：多唔同種類嘅嘢玩！啱晒唔plan行程hea！
開花時間：2月頭到3月中
交通指南：由捷運新店站轉搭新店客運849號（喺捷運台大醫院站、中正紀念堂站、古亭站、台電大樓站、公館站、景美站、大坪林站同埋新店區公所站都有站）
8 台中新社櫻木花道
喂！櫻木花道唔係《男兒當入樽》嘅櫻木花道啊！係講喺台中新社嘅櫻木花道，唔係講笑，成條路開晒櫻花嘅時候真係好靚，唔難想像點解靚到有朵！不過要睇依個靚境就要睇時間，大約係2月中至尾會最好！
熱門賞櫻地點：烏來瀑布公園
地點特色：多唔同種類嘅嘢玩！啱晒唔plan行程hea！
開花時間：2月頭到3月中
交通指南：由捷運新店站轉搭新店客運849號（喺捷運台大醫院站、中正紀念堂站、古亭站、台電大樓站、公館站、景美站、大坪林站同埋新店區公所站都有站）
7 台中武陵農場
武陵農場，聽個名都知係玩咩啦！無錯！就係農場！佢一年四季都有嘢玩，主打生態旅行同農業休閒活動，仲有露營木屋可以住！啱晒喺城市做嘢太攰想回歸大自然嘅人啦！！不過要注意！佢哋係有管制！去之前要上官網睇睇嗰期有咩新消息啊記得！
園區地址：台中市和平區平等里武陵路3-1號
地點特色：可以親近大自然生態！離開城市生活抖吓！
開花時間：2月頭到3月（但入埸時期係有管制規定！一定要上官網睇消息！）
開放時間：6:30-22:00（票價：成人（平日／假日）130／160台幣，3-6歲／65歲以上80台幣）
交通指南：建議去台北轉運站2樓搭國光客運。（上網買定同去櫃台買都得，同佢講武陵農埸就得㗎喇！）
6 新北三芝三生步道
三芝嘅櫻花大約喺二月尾同三月尾開，最靚嘅時間大約係三月中到尾，仲年年都會有一日係搞櫻花季活動！有櫻花！有市集！有嘢食！有嘢買！仲好易去！啱晒小假期，去台北行吓夜市，hea吓玩吓，再喺櫻花季嗰日入三芝賞櫻！放個靚鬆！
活動地址：新北三芝三生步道
地點特色：喺台北附近，啱又想玩市區又想行大自然！
開花時間：2月尾到3月尾（平日都可以去，但會有一日有活動！去 前睇睇最新消息！）
開放時間：全日，但活動有指定時間（2019年係3月16號10：30－16：30）
交通指南：捷運淡水站轉搭公車862、863、865、867同892號喺「新庄子」落車。
5 新北淡水天元宮
香港人去台灣玩都成日入淡水，食吓「阿給」，行吓情人情橋，遊吓《不能說的秘密》嘅拍攝地方。不過唔講你又知唔知，原來淡水天元宮係有櫻花睇㗎，1月至2月就係開後山的三色櫻，3月中開始就開天元宮附近嘅，個時間範圍咁大，咁咪可以幾時有假就幾時去囉！
熱門賞櫻地點：新北市淡水區北新路三段36號
地點特色：其他櫻花開晒佢都仲有得睇啊！
開花時間：1月至2月、3月中到3月尾
開放時間：（建議打去問問02-26212759）
交通指南：喺捷運淡水站搭866、875、876、877或者893去到「天元宮站」落車。不過記得有交通管制㗎！
4 南投九族文化村
號稱全台最大賞櫻景點嘅九族文化村，一個充滿原著民風情嘅主題園區。每逢2－4月都會有一連串嘅櫻花祭活動，可以感受吓唔同風味嘅櫻花之旅！一定台灣味十足啦！不過櫻花祭活動每年唔同！記得去前做吓功課上啦！
活動地址：南投縣魚池鄉大林村金天巷45號
地點特色：滿滿台灣原著民風情嘅賞櫻地方！
開花時間：2月頭至3月頭
開放時間：09:30-17:00（平日）09:30-17:30（假日）
票價：成人850台幣，3-6歲／65歲以上420台幣
交通指南：喺台中火車站（台鐵）或者台中烏日站（高鐵）轉搭南投客運6670號去「九族文化村」。
3 台中后里泰安派出所
有「全台最美麗派出所」稱號嘅后里泰安派出所，外形風格好日本，每年2月中到3月頭，櫻花會開得好靚！仲會有賞櫻活動「泰安櫻花季」搞喺間警局隔離！警局隔離又花，又小食街，又活動咁！真係可能係全台灣最安全嘅賞櫻活動啊！邊個敢喺警局門口搞事啊？貪方便咩？
賞櫻地址：台中市后里區安眉路1號
地點特色：有犯法就建議唔好去睇櫻花喇！
開花時間：2月頭至3月頭（會搞賞櫻活動！）
開放時間：全日，但有交通管制！
交通指南：搭台鐵去到泰安火車站再行上去。（活動期間伯有接駁巴士，但行都係十幾分鐘嘅事咋！）
2 嘉義阿里山國家森林公園
去阿里山國家森林公園睇櫻花感覺可以好好，係望到成座山都係櫻花，睇到大自然好偉大嘅感覺都出晒嚟！仲有樣嘢好正！就係可以喺森林到邊坐住舊鐵路火車邊睇櫻花，真係要試試佢！
園區地址：嘉義縣番路鄉觸口村車埕51號
地點特色：成個山都係櫻花！未試過森林鐵路嘅真係要試吓！
開花時間：3月中至4月中
開放時間：全日（票價：成人300台幣，留低車飛150台幣）
交通指南：可以喺台北車站搭國光客運1835號去阿里山，不過建議喺嘉義火車站（台鐵）坐「阿里山森林鐵路」去到「奮起湖」站轉搭台灣好行阿里山線過去園區。
1 台北陽明山
喺台灣最hit嘅睇櫻花地方，就係台北嘅陽明山喇！成座陽明山佔地好大，可以喺好多唔同方向，用好多唔同方法上去，上邊又有好多唔同路徑可以慢慢行慢慢睇！有D位可以望到櫻花之餘，又可以居高臨下睇到台北市。去到台灣問親人邊到睇櫻花好！十之八九會講陽明山！
賞花地點：陽明公園、花卉試驗中心、仰德大道、格致路
地點特色：喺台北入邊！易去又大！可以邊行山邊睇櫻花！
開花時間：2月頭至4月中都有（唔同區嘅花期都唔同）
開放時間：全日（唔同日子有唔同活動！可以上佢官網睇睇先！）
交通指南：台北車站轉搭260號或者捷運士林站同劍潭站轉搭260、303、紅5同111。
抖吓啦！今晚即買即飛台灣啦！
成日本都有人講話台灣係香港人嘅後花園，嗱！依家就真係有得睇櫻花喇，又近又平，就即買即飛啦！捉住櫻花季嘅尾巴，去台灣打卡呃like！
分析說明：
本研究資料由《KEYPO大數據關鍵引擎》提供，分析時間範圍為2018年02月22日至2019年02月21日，共1年。
系統觀測上萬個網站頻道，包括新聞頻道、Facebook、PTT及各大討論區、部落格等，針對討論「台灣賞櫻」相關文本進行分析，並根據網友就該議題之討論，作為本分析依據。
本文所調查之結果，非參考投票、民調、網路問卷等資料，名次僅代表網路討論聲量大小，不代表網友正負評價。
分享本篇文章
你可能也會喜歡這些文章 :