戀上地球另一端的他/她！
明星結婚嘅故事幾時都吸引觀眾眼球，再加上跨越國籍、國度距離，就更加為呢啲愛情故事添上浪漫色彩。DailyView今次就用大數據帶你哋睇下以下呢啲明星都有來自異國嘅另一半，我哋一齊嚟睇吓啦！
DV小教室：網路溫度計透過《KEYPO大數據關鍵引擎》大調查觀測咗近萬個網站頻道（而且不斷增加ing），包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
image source:Facebook/周汶錡 Kathy Chow
10 李玟 Coco & Bruce Rockowitz (加)
華語樂壇天后Coco同加拿大籍男友Bruce愛情長跑8年，宣佈婚訊嘅時候相信大家都跌曬眼鏡！事因Coco多年來都擔住不婚大旗，相信Bruce都用咗好大誠意去感動Coco say yes。呢一點就由婚禮就睇得出，唔單止有齊中西特色，再融合Bruce嘅猶太人背景文化，成件事隆重得來夠曬浪漫，見證佢地呢段跨國戀情開花結果。
9 周迅 & 高聖遠 Archie David Kao (美)
周迅老公嘅中文名大家可能唔熟悉，但係有留意美國影集CSI嘅觀眾可能會認得Archie。一副華人面孔嘅Archie喺美國出世，之後亦喺美國出道。當年周迅同Archie嘅閃婚婚訊一出，據ELLE報導唔少親朋好友都擔心兩個人之間會有文化差異，不過周董都唱過「愛情來得太快就像龍捲風」，兩個人識咗兩個幾月就決定結婚，話唔定人地一見如故呢！
8 周汶錡 & Julien Lepeu (法)
Kathy喺遇到Julien之前，比較為人所知應該喺佢同杜德偉拍過七年拖，最後無疾而終。個性傳統嘅Kathy接受明周訪問嘅時候就講過，其實原本無打算同外國人喺埋一齊，不過當做個朋友認識下。不過今次呢段七年嘅愛情就修成正果啦，結埋婚生埋兩個B，周汶錡講起育兒之道，都融合咗佢同Julien嘅中西文化背景，家庭關係十分和諧啊！
7 鞏俐 & Jean-Michel Jarre (法)
講起鞏俐兩段婚姻，兩任丈夫都喺外國人。第一任丈夫喺新加坡籍嘅黃和祥，現任老公係法國音樂家Jean-Michel，有人話鞏俐嘅擇偶越來越國際化，但其實鞏俐早係2014年出席活動時就表示過，感情呢啲嘢同佢係咪女明星或者對方喺咩國籍都無關係，最緊要喺兩個人真心相守。女神呢番話真係總結曬成件事啊。
6 吳彥祖 & Lisa S. (美)
成個混血兒咁款嘅男神吳彥祖，2010年娶香港名模Lisa S.，金童玉女嘅組合真係令到唔少人又心碎又含淚祝福。不過兩個都喺美國出細同成長，唔怪之得一拍即合，愛情觀念又互補，吳彥祖之前喺節目訪問嘅時候仲話過「結婚就沒想過要離婚」，呢段婚姻可以話係呢個花邊新聞滿天飛嘅娛樂圈嘅一股清流！
5 陳嘉樺 Ella & 賴斯翔 (馬)
以前成個男仔頭嘅Ella，喺遇到Mr. Right之後越來越有女人味。喺social media上非常活躍嘅Ella，成個IG可見同老公曬恩愛嘅日常，馬來西亞籍嘅老公賴斯翔對Ella十分體貼，唔單止可以陪Ella一齊癲一齊玩，喺每個重要日子一定會有所表示氹老婆開心。喺愛情滋潤下，唔怪之得連網民話Ella好似一夜之間變成S.H.E裡面最靚嘅女神。
4 劉德華 & 朱麗倩 (馬)
華仔呢一段婚姻令人印象深刻，恐怕都唔係老婆朱麗倩嘅國籍。而係早係2008年佢地正式公佈婚訊嘅十年間，媒體多次報導兩個人拍拖，甚至傳出早已秘婚嘅消息，但從來都無被承認或否認。喺向媒體承認夫妻關係之後，大家每次討論到華仔嘅婚姻，一定會提起朱麗倩簡直就係「一個成功嘅男人背後，都有個偉大嘅女人」嘅模範。
3 梁詠琪 & Sergio Crespo Gutes (西)
一見鍾情嘅故事唔稀有，係世界另一邊搵到自己真愛先叫緣份啱啱好。Gigi去西班牙旅行嘅時候經朋友介紹識咗Sergio，識咗一個月就決定拍拖，Gigi接受訪問嘅時候仲話，其實Sergio喺第二次飛來香港嘅時候，已經買咗戒指準備求婚。為咗唔要分隔兩地，Sergio仲主動提出由馬德里調往香港分公司，全面配合Gigi嘅演藝事業。
2 莫文蔚 & Johannes Natterer (德)
嫁給初戀應該都可以算係每個女人曾經嘅夢想，據報導就話Karen當年同Johannes喺17歲嘅時候相識，但係因為怕遠距離嘅考驗，由Karen主動提出分手咁話。不過緣份真係天註定，結果2003年Karen重遊柏林嘅時候重遇Johannes，兩個人一見如故再次墜入愛河仲結埋婚，Karen直接榮登三個細路嘅後母。
1 陳法拉 & Emmanuel Straschnov (法)
平時喺IG唔多曬男友合照嘅法拉，上個禮拜post咗結婚相直接公布埋婚訊，同拍咗拖三年嘅法籍男友Emmanuel拉埋天窗。法拉上一段婚姻同Neway太子爺薛世恒結得相當低調，平時喺IG上嘅生活照都唔多見老公仔嘅身影，不過今次一放閃就閃出宇宙，直接show老公為佢親手設計嘅粉紅鑽石婚戒，真係恨死隔離啊！
分析說明：
本研究資料由《KEYPO大數據關鍵引擎》提供，分析時間範圍為2019年05月28日至2019年05月27日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『兩岸三地同外國人結婚嘅藝人』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
分享本篇文章
你可能也會喜歡這些文章 :