十二生肖，各有命數
2019已告完結，2020重新開始，代表咗一個新階段嘅希望。無論2019年過得順利，或者遇到好多唔如意嘅事情，人總係要向前走，Keep going先可以成就更好嘅末來。但末來永遠都係充滿各種可能，到底2020年要點樣做，我哋先可以過得更加好呢？香港就有堪輿學家，夜觀星象，推算命格，以古老深奧嘅學問，話畀我哋知，點樣可以令人生路途更加如意。今日，就等DailyView用網路大數據話你知，香港八大堪輿學家係邊個，佢哋又點講鼠年生肖運程，等大家可以趨吉避凶喇！
DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。
NO.8 張芯熏
——屬豬，喜遇貴人
張芯熏識專精奇門遁甲，將古學說溶於現代生活中，非常把炮！佢唔止係御用風水師，仲成日上電視主持節目，深受歡迎。《奇門遁甲張芯熏2020鼠年運程》話畀我哋知，今年屬豬嘅，喜遇貴人，財運水漲船高，捉緊機會事業更上一層樓。屬羊嘅，2020運勢起伏跌宕，要學識面對挫折，唔好逃避現實，諗出應對方法，先可以順利面對困境。
NO.7 雲文子
——屬虎：可能會有小人
浩瀚大師奇門遁甲嫡傳人，雲文子嘅實力相當高強，多間香港知名企業都請佢幫手趨吉避凶，又成日寫專欄指點迷津。根據《雲文子奇門遁甲2020鼠年生肖運程》，今年龍、虎、豬呢三個生肖，運程都係為2020入面好轉。屬龍嘅，要記得真誠處事。屬虎嘅，可能會有小人，要學識認真便輸了嘅人生態度。屬豬嘅一切平穩，會有好桃花出現，記得留意！
NO.6 司徒法正
——屬蛇：小心理財，唔好犯法
1988年開館算命，踏足玄學界至今已經有32年，係香港相當知名嘅堪輿學家，但同時又因此受官司纏身。《司徒法正鼠年運程寶典2020》講，佢就提醒今年屬虎、屬蛇嘅朋友，好易遇到小人，要小心理財，唔好犯法，因為今年好可能有出事！至於屬馬嘅朋友，就可以好好咁過2020年，各方面都有唔錯嘅發展，但要提防小人，唔好比人昆。
NO.5 李居明
——屬鼠：或會不幸
李居明去過台灣學習密宗佛理，又創辦「修明學會」，擅長以八字神數批算未來事件，至今著作已經有五十幾本。佢嘅《李居明鼠年運程2020》話，今年屬鼠嘅朋友相當不幸，事業將會有低潮，又會面對好多新挑戰。至於生肖屬龍嘅，就可以放心喇，因為今年喜事連連，不過雖然事件、愛情都有發展，但要小心身體，唔好失去健康，再有成就都無謂。
NO.4 李丞責
——屬猴：財運、愛情都唔差
李丞責十幾歲已經同老豆登山涉水，尋龍點穴，又有源於祖孫三代真傳風水，命理，改名經驗，真係好屈機，絕非常人可比。從佢所寫《蝠星高照2020生肖運程書》，2020年，屬虎嘅朋友就要多加留意，事業走入寒冬，健康都唔太好，愛情亦都少咗份感覺。相對嚟講，屬猴嘅，就比較平順，財運、愛情都唔差，但要記得唔好俾工作壓力，影響身體。
NO.3 麥玲玲
——屬牛：桃花運勁好
人稱香港「玄學天后」，少數女性堪輿學家嘅麥玲玲，佢嘅成就絕對係巾幗不讓鬚眉，一直都受到好多香港人嘅關注。由佢嘅《麥玲玲2020鼠年運程》，我哋會見到今年屬牛、虎、蛇、龍都特別吉祥！牛嘅桃花運勁好。虎嘅有驛馬星，要多走動，會有好機遇。蛇嘅事業有貴人相助，做事順利，而且身體仲變好。龍嘅事業運數一數二，可專心發展。
NO.2 楊天命
——屬兔：迎太歲，小心壓力
一頭飄逸嘅長髮，已經成為知名堪輿學家楊天命嘅特色，佢喺2000年初回流香港，喺電台節目講風水，又關心香港時事，至今已經廣為人知。新書《楊天命2020年鼠年八字批命運程》，佢就指出屬鼠值太歲，人生會有大轉變。屬牛就合太歲，各事都超級好運！屬虎則有食神，容易係各方面獲得認同。屬兔迎太歲，小心有無形壓力，影響身體健康。
NO.1 蘇民峰
——屬馬：沖太歲
香港知名堪輿學家蘇民峰，1990年已經係行內個個都識嘅算命名家，風水、八字、掌相同面相都精通。《蘇民峰2020鼠年運程》話，生肖屬馬嘅，沖太歲，運氣第十二，桃花第十一。感情易生變化，容易手腳損傷，可以洗牙捐血化解。破財，可以買心頭好化解。生肖兔嘅，紅鸞桃花年，桃花係十二生肖第一名，男女感情佳。運氣排第三，有咩想做都可以嘗試。
【以上圖文為香港網路溫度計調查結果，未經授權請勿轉載、改寫】
分析說明：
本研究資料由《KEYPO大數據關鍵引擎》提供，分析時間範圍為2019年01月08日至2020年01月07日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『香港八大堪輿學家』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。
分享本篇文章
你可能也會喜歡這些文章 :