《淪落人》真的「淪落」了！今年奧斯卡拍板提名《掃毒2》！

Image Source: Youtube:GoldenSceneHK截圖

文／牙菜

一年一度嘅奧斯卡頒像獎，不嬲都係國際注目嘅大獎。而第42屆奧斯卡就將會係出年2020年嘅9月2日舉行。而最佳外語片提名就開始接受各地報名。香港電影製片家協會今日就公佈佢地決定，香港區將會由《淪落人》出戰…之奇啦。香港區將會由邱禮濤執導，古天樂、劉德華主演的《掃毒2天地對決》出戰！

對於《淪落人》無提名，好多網民都好諤然。主要原因係因為《淪落人》喺年初嘅金像獎攞到新晉導演、最佳新演員及最佳男主角三個大獎。咁其實咁多人吹捧嘅《淪落人》同《掃毒2》個分別同故事內容係咩呢？

首先講咗《淪落人》先，佢個故事比較簡單，主要圍繞住一個膊頭以下嘅老人（黃秋生）同一個菲傭嘅故事。故事背景以夢想為題，取材取景都係觀眾日常生活，比較貼地。

Image Source: Youtube: GoldenSceneHK截圖

而《掃毒2》就係好典型嘅警匪片。故事主線就相對複雜，有財團（劉德華）﹑毒販（古天樂）同警察（三哥，苗僑偉啊！）所組成。相比起《淪落人》得黃秋生，《掃毒2》就大卡士好多。故事背景就延續《掃毒》嘅故事線，相對上都係比較係「做戲啫，唔洗咁認真！」嘅感覺。

兩套邊個好睇啲？邊個值得提名？其實都好見人見志啫。既然《掃毒2》已經獲得提名，希望佢可以喺奧斯卡為港爭光啦！

熱門文章