Image source：FB／蘇民峰
文／積遜猿
香港知名堪輿學家蘇民峰，1990年已經係行內個個都識嘅算命名家，中國傳統學問無樣唔識，風水、八字、掌相同面相都精通。難怪蘇民峰紅到上埋電視螢幕，主持過好多風水節目，極受香港人歡迎。蘇民峰出咗好多書講風水命理，近日最紅緊係《蘇民峰2020鼠年運程》，等下年可以過得更好。睇書太長太悶？蘇民峰仲出咗條片講十二生肖鼠年運程，即刻睇睇佢點講喇！
生肖鼠：
今年犯太歲，農曆5月、11月易有手腳損傷，宜洗牙、捐血化解血光之災。整體財運唔錯，權力地位都有上升可能。不過要留意，揸車可能會有意外，尤其11月要少揸車喎。
Image source：FB／施怡如
生肖牛：
今年係太歲相合年，十二生肖入面運氣第六。2020年又係你嘅桃花年，有三粒貴人星，男性會係貴人，女性則會係你嘅小人。整體經濟唔錯，但事業易生波折，宜慎重行事。你諗嘅計劃未必順利發展，見步行步，宜先解決眼前問題。
生肖虎：
今年係驛馬年，運氣排十一名，桃花第十名。人生可能有大變動，轉工、搬屋都要小心留意。
生肖兔：
今年係你嘅紅鸞桃花年，有正桃花，桃花係十二生肖第一名，男女感情佳。無論單身、拍拖、結婚，都會有好發展。運氣排第三，有助社交。若目前有任何有機會，都可嘗試。
生肖龍：
今年係太歲三合年，一切穩定，運氣第七，桃花第六。人緣、地位皆有提升，但要留意官非、是非、人事不和。你可能容易悲觀，又會發生小意外，如抄車牌，但忘記畀錢等。今年做事要循規蹈矩，整體Okay，但比唔上2019年運程咁好。
Image source：FB／鄭修羅
生肖蛇：
太歲暗合年，暗中有貴人扶助，好似上司唔睇你，但係上司嘅上司會睇你咁。運氣只係第九，桃花第八。今年比較平穩，無咩特別。可能因朋友而破財，唔好借錢或擔保，可主動花錢買心頭好破解。整體宜守不宜攻。
生肖馬：
沖太歲年，運氣第十二，桃花第十一。運程兩極化，寒命差；熱命好，可放手嘗試各種事情。感情易生變化，拍開拖有分手機會。農曆5月、11月容易手腳損傷，可以洗牙捐血化解。破財，可以買心頭好化解。
生肖羊：
太歲相穿太歲相害年，運氣第四，桃花第五。今年有兩粒最有名嘅貴人星，紫微、龍德，一切逢凶化吉，只有吉星而無凶星，但未有大嘅升遷機會。
生肖猴：
太歲相合年，運氣第八。今年無吉星，故無貴人相助，但整體運程穩定。要留意，今年易被人背後講是非。
Image source：FB／Peter Kong
生肖雞：
桃花年，單身易有長久戀情機會，拍拖則有結婚可能。正桃花，利人緣。但要留意人事吵架、金屬撞傷、身體健康。另有霧水桃花，易與相識者相戀，易來易去。運氣第四，桃花第二。
生肖狗：
今年並無任何刑沖。運氣第十，桃花第九。整體無突破，除咗打工有升遷機會較好，做生意唔會有進展。
Image source：FB／Pompoko Totoro
生肖豬：
運氣第一，桃花第三。要小心容易唔見小物品，如銀包。因為之前2019年犯太歲，流年要到2020年4月5號先散，呢段期間易有負面情緒。
延伸閱讀►►►
分享本篇文章
你可能也會喜歡這些文章 :