世界夢號被拒入境高雄後折返香港,網民高呼:隔離!

2020-02-05

1690Views

曾接載中國「武漢肺炎」確診者的「世界夢號」郵輪,於2月4日拒於台灣高雄入境後折返,並於今早(2月5日)早上抵港。消息引起網民討論,話擔心船上船員同乘客或者已經受到感染,係潛在嘅「武漢肺炎」病患,最好就隔離14日咁話。

image source:Facebook/Dream Cruises

文/偉文

根據星夢郵政官網公佈嘅消息指出,佢哋喺2020年2月3日收到中國有關部門嘅通知,話「世界夢號」喺2020年1月19至24日越南航次嘅乘客當中,有3個中國藉旅客返到證實確診「武漢肺炎」。因為咁,「世界夢號」原來喺2月4日去高雄嘅行程,被當地拒絕入境,「世界夢號」所有旅客都唔可以喺高雄港落船,要折返香港。

image source:星夢郵輪官網公告截圖

依個消息一出,即時引起網民熱議,根據《KEYPO大數據關鍵引擎》分析嘅圖表可以見到,網路上有關於「世界夢號」嘅討論熱度急升:

image source:《KEYPO大數據關鍵引擎》(分析區間:2020/01/30-2020/02/05)

「世界夢號」喺今日(2月5日)朝早抵達香港啟德郵輪碼頭,全船乘客同船員都唔可以落船,要經由衛生防護中心港口衛生科登船做檢疫,期間有乘客向外大叫「救吓我哋」。

image source:Facebook/Stand News 立場新聞直播截圖

船上嘅人好想落船,但睇返香港網民討論「世界夢號」嘅熱門關鍵字,講得最多嘅係「隔離」。

image source:《KEYPO大數據關鍵引擎》(分析區間:2020/01/30-2020/02/05)


好多網民話雖然依批乘客唔係「武漢肺炎」確診患者同船嗰班,但船上面嘅船員很大可能已經因為接觸過嗰幾個確診病患,屬於高危嘅潛在病患,非常容易藉人傳人令到依家船上乘客都不幸「中招」,所以最好就全部人都隔離14日。

同時有連登巴打開post話自己喺「世界夢號」上邊,同大家簡單講解咗發生咩事之外,仲表示自己好贊成隔離,佢話:雖然我係船上面,但我絕對贊成隔離14日。因為確實係有機會有肺炎。


延伸閱讀:

武漢肺炎肆虐,大數據揭示港人最擔心的5件事

為什麼歐洲人都不戴口罩出門?網曝驚人真相:觀念超正確!

這幾款口罩沒有效!預防武漢肺炎「口罩別亂買」




x

訂閱DailyView網路溫度計(香港版)電子報