「武漢肺炎」疫情未見緩和，唔少戀人為咗大家健康著想，就算一年一度嘅情人節都選擇唔過。但唔可以同心愛嘅人一齊歡度佳節，個人就梗係唔多開心㗎啦，如果唔想難得一日要嬲爆爆咁過，點算好呢？唔使驚！100毛嘅東方昇拍咗條片，教大家講幾句應景嘅甜言蜜語，快啲手學嚟氹返另一半啦！
片／武漢肺炎無得過情人節點算？東方昇教你應節語錄氹掂另一半！
image source：Facebook／100毛 影片截圖
文／偉文
受到「武漢肺炎」嘅疫情影響，好多人嘅日常社交生活都改變好多，可以唔接觸其他人嘅話就盡量唔接觸。但今日係一年一度嘅情人節，要一對相愛嘅戀人唔可以好好慶祝依一日，係會令人好失落。但係為咗大家健康著想，今年忍一忍真係在所難免，只好諗盡辦法氹返對方啦。
100毛嘅東方昇出咗新一集《六點半左右肺炎報道》，教大家一啲應景又應節嘅「武漢肺炎撩妹金句」，畀廣大男士氹返女朋友用。
睇條片見到東方昇氹到班女仔開心到咁嘅樣，就知嗰幾句「武漢肺炎撩妹金句」真係幾有用，大家快手學吓啦！一齊嚟睇吓有邊幾句：
「即使明天我的肺可能會花，但我對你的心也不會花」
image source：Facebook／100毛 影片截圖
「如果這次武漢肺炎你需要隔離，但你也不用怕，因為我會在你隔籬」
image source：Facebook／100毛 影片截圖
「如果你問我這個情人節最想和你做甚麼，我會回答：兩啖thx」
image source：Facebook／100毛 影片截圖
「最近大家都在搶口罩，我根本不需要這樣做，
因為家裡有你和我在一起，我根本捨不得出街」
▲面對東方昇撩自己女朋友，男生忍無可忍地說：「唔可以咁樣㗎！」
image source：Facebook／100毛 影片截圖
「其實我第一次看見你，我已經對你初步呈陽性反應；
如果你不信，你可以帶我回你家，進行一個臨埸檢疫」
image source：Facebook／100毛 影片截圖
「大家最近都在藥房搶酒精搓手液，我這瓶是與別不同的，我這瓶叫酒精拖手液」
image source：Facebook／100毛 影片截圖
大家覺得咁多句入面邊句最掂檔先？快啲同身邊人講吓，睇吓佢哋咩反應啦！
延伸閱讀►►►