學生組人鏈拖筆又拖遮?等東方昇拍片話你知點樣拖先最好喇!

2019-09-06

2699Views

香港6月起嘅「反送中」逃犯條訂條例社會運動,至今未息,步入九月開學時期,政治更加進入校園,唔止警民衝突,連師生都面對矛盾對立。到底學校要點樣處理校園政治問題,似乎係相當嚴肅嘅問題,但喺最近有張學生人鏈拖手圖引起咗網民嘅歡笑⋯⋯

Image source:YouTube/毛記電視截圖

文/積遜猿

香港學生聲言無畏政治打壓,要為自由同公義發聲,除咗9月2號起罷課不罷學活動,亦都喺唔同嘅埸合盡力表達意見,有學生喺禮堂集會果陣唱歌,又有學生自發組人鏈,真係充分咁運用公民權利同義務,要做香港人嘅本份。

Image source:FB/Kero Ming

多次唔同學校自發組成嘅人鏈活動,係用和平、理性、非暴力嘅方式,表達對政府、警察嘅不滿。其中有幾張學生得意可愛嘅拖手圖,就被網民特別留意,見到男學生同女學生之間拖住筆又拖住遮,大話佢哋好青春好單純,「阿媽話政治可以搞但關係唔可亂搞」。


面對兩性關係溝埋政治咁複雜嘅問題,到底可以點樣解決呢?網紅東方昇喺9月5號拍咗條片,題目係「我要初鏈」,就同各位學生哥講,各種唔同嘅兩性關係用咩拖手手係最好嘅。例如係讀書關係嘅同學,就可以拖住隻猩猩,因為咁代表大家dse可以攞多幾粒星。

Image source:YouTube/毛記電視截圖

當中最搞笑嘅,緊係要數東方昇話,如果你同嗰位同學成日放學一齊食好嘢,就可以拖住「拖羅」,仲即埸食埋嚿日本壽司,唔知好唔好味呢?唔單止男女關係,連男男關係都講埋,話如果對同性男同學有意思,可以拖「腸仔」,嗰位同學就會知你咩意思,東方昇認真多元。

Image source:YouTube/毛記電視截圖

東方昇搞笑完,片尾都同各位香港學生講返句:「香港人,加油。」我哋一齊睇睇網民點講喇!
「點解佢會食得落舊拖羅,隔住個mon都有陣腥臭味。」

「根據e個東方昇定律,我相信嗰女同學係表達:拖手?筆了(不了)。」

「等你好耐 發生太多事,終於等到可以笑吓!」


延伸閱讀►►►


片/100毛東方昇扮警察!神似造型演技點樣引起網民熱議?

中國網民支持警察子女返祖國讀書!何君堯使全面connect!

港交所server出事?網民嚇餐死!

x

訂閱DailyView網路溫度計(香港版)電子報