「逃犯條例」大數據!社群最具影響力嘅KOL領袖竟然係佢?

「逃犯條例」大數據!社群最具影響力嘅KOL領袖竟然係佢?

今時今日,大家都係睇網媒嘅

2019/06/17

Images Source: 網友授權提供

新聞媒體,人民眼睛

媒體向來係我哋接收消息最重要嘅渠道,You are what you read,就算你份人幾有獨立思考、判斷力都好,如果只係單一咁接受相同嘅資訊,一定會喺不知不覺間俾人Brainwashed,因為你根本睇唔到事情嘅另一面。媒體咁重要,唔怪得所有媒體嘅101入門講法,都係要求做新聞工作嘅,最緊要有良心,有道德,千其唔好為咗一己私慾而操縱、更改以至隱瞞消息。因為媒體就係市民嘅眼睛,上至政府大事,下至私人糾紛,都大公無私咁明亮監督,施行媒體嘅第四權。我哋DailyView用網路大數據說話,今日就客觀咁話俾香港人知,到底呢個香港嘅媒體邊幾個喺近日《逃犯及刑事事宜相互法律協助條例》事件當中最有話語權,最具影響力喇!

DV小教室:網路溫度計透過《KEYPO大數據關鍵引擎》大調查觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。

69百萬遊行,紙媒單一同聲

6月9日,香港一百零三萬人遊行示威,「反送中」條例。網路流傳一張香港各大紙媒頭版嘅對比圖,發現除咗《蘋果日報》,其他報章包括《星島日報》、《明報》、《文匯報》、《商報》、《大公報》等,全部頭版都非常雷同,「支持條例、彰顯公義」、「逃犯若甩身,港人難安心」、「支持條例、不做逃犯天堂」,統一支持修訂「引渡條例」。網民見到呢張圖,就有好多討論,主要係擔心媒體被外力操弄,令好多人都接受單一資訊,失去思考、判斷嘅能力。單就呢張圖,「反送中」嘅陣營,認真勢孤力弱。

image source:翻攝自網路

新聞
圖表
香港網媒時代,消息傳播千里

眾所周知,紙媒已經漸漸俾網媒取代,喺人人都有一部至N部手機嘅時代,已經愈嚟愈少人買報紙,轉而睇網路新聞,即時方便。上文紙媒就6月9日「反送中」嘅單一同聲,似乎「反送中」相當弱勢。但睇返最近一周6月8日至6月14日有關「引渡條例」嘅網路大數據,會見到「蘋果日報」、「Now News」、「立場新聞」嘅粉專排係頭三位,「蘋果日報」粉專主文數有350篇,回文數69045篇;「Now News」粉專主文數有71篇,回文數40491篇;「立場新聞」粉專主文數有251篇,回文數36036篇,可見佢哋粉絲嘅回應相當熱烈。「幫港出聲」粉專第八位,粉專主文數有116篇,回文數7883篇,都唔可以輕視。縱觀嚟講,我哋會發現各種立場嘅媒體都有,而其中「蘋果日報」嘅粉專,大大拋離咗其他媒體。我哋可以咁講,「蘋果日報」相對紙媒睇落弱勢,其實佢佔據咗網路嘅話語權,喺香港網媒時代,相當有影響力。

image source:KEYPO大數據關鍵引擎

「反送中」:網媒之外,KOL 最有影響力

5. 何韻詩

——HOCC力撐香港

講到最本土最支持社會運動嘅藝人,一定係何韻詩同黃耀明!不論係以前嘅反對國民教育、雨傘運動、6月9號103萬人遊行示威,同埋之後嘅留守金鐘,都可以見佢嘅身影。好多網民都話,而家唔少香港藝人都唔敢為香港嘅社會運動發聲,係得少數好似HOCC咁嘅明星,願意發聲。何韻詩堅定咁同大家講:「中國可以封殺我的歌,卻阻止不了人民團結」。

image source:Facebook/HOCC
4. 毛孟靜

——國際級英語水平

議員、民主派會議召集人毛孟靜,一向深得民心,香港人都叫開佢做「毛姨姨」。佢向來支持本土主義,反對香港大陸化,咁當然都有去金鐘現場,支持各位香港市民。毛姨姨精通英文、法文,所以今次好多外國訪者來港,都會搵佢訪問。多得佢向記者介紹,先至令國際更加了解「引渡條例」事件嘅始末。佢不斷要求要見林鄭月娥,可惜至今都未有機會。

3. 楊岳橋

——唔好搞我背脊!

議員兼執業大律師楊岳橋,年輕一代極受歡迎嘅網路紅人,前排先上過港台《哲學有偈傾》大談六四議題。係今次「引渡條例」事件,佢都係企在「反送中」立場,同後生仔女同一陣營。金鐘搜身事件,佢出嚟喺地鐵站質問警察用咩客觀標準咁對付市民,楊岳橋律師口才咁勁,問到警方口啞啞,仲以為有市民搞佢背脊大叫咗一聲,原來咩都無,俾網民笑佢太緊張。

2. 朱凱廸

——為「反送中」默默努力

議員朱凱廸為市民出力,堅持「反送中」立場,喺6月7日已經發起單車遊行「反送中」,叫市民要喺6月9號齊上街遊行。其實6月9號會有咁多人企出嚟,背後議員都有默默付出,朱凱廸絕對係其中之一。6月11號金鐘搜身事件,佢都好似鄺俊宇咁,一樣好迅速咁出嚟幫班市民解圍。朱凱廸係6月12日當天都在場支持示威者,叫佢哋要頂住,留到政府願意撤回為止。

1. 鄺俊宇

——「反送中」MVP

議員鄺俊宇喺「引渡條例」事件中掘起,佢喺6月11號開始,好多網民都封咗佢做「英雄」,咁大轉變皆因佢為抗議《逃犯條例》嘅市民做咗好多嘢!11號晚開始,金鐘站有大批警員截查年輕人,企喺市民、年輕人前面,維護市民權利。佢辛苦到喺12號暈低咗,呢位為人民而昏倒在地嘅英雄,佢張相即時俾網民激讚分享。鄺俊宇,絕對係「反送中」嘅MVP!

image source:Facebook/鄺俊宇

image source:《KEYPO大數據關鍵引擎

分析說明:

本研究資料由《KEYPO大數據關鍵引擎》提供,分析時間範圍為2019年06月08日至2019年06月14日。

網路大數據系統觀測港澳地區上萬個網站頻道,包括新聞頻道、Facebook、Instagram及各大討論區、BLOG等,針對討論『引渡條例/反送中最具影響力人物』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論聲量大小,不代表網友正負評價。

「加入香港網路溫度計Fan Page睇睇網民嘅花生係乜嘢?」>>>

-------------------------------------------------------------------------------

DailyView曰:

等我都即刻Share返張長輩圖先!


接續看下一篇

x

訂閱DailyView網路溫度計(香港版)電子報