反送中警察記者會十大金句!鐳射槍都只係得第二?

反送中警察記者會十大金句!鐳射槍都只係得第二?

反送中警察記者招待會入面,你知唔知各位啊sir有幾多金句?

2019/09/02

Images Source: facebook/香港警察
警察金句
紀律部隊金句王──警察

「反送中」運動到依家,警察們已經製造左好多金句,例如「唔好搞我後面」呢一句,已經比網民不斷咁引用。而警隊依家每日下午四點召開嘅記者招待會當中,仲持續增加緊更多金句㗎!你知唔知目前為止,記招入面嘅警察金句有邊幾句?邊一句又最多網民引用?等DailyView逐個話你知啦!

DV小教室:網路溫度計透過《KEYPO大數據關鍵引擎》大調查觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。

「警方別無他法」(322筆)

喺記者招待會入面,記者經常會問到警方每個執法行為嘅依據邊?例如8月25日有警員用腳踢示威者等鎮壓行為,警方記招入面就以「警方別無他法」作為回應。其實警察回應港鐵葵芳站施放催淚彈嘅時候,都係用呢個理由嚟回應記者提問㗎。有網民就指出,大家企出嚟上街遊行,其實都係別無他法嘅選擇嚟!

「我唔係專家」(377筆)

記者經常就催淚彈過期等事件提問警方,警方發言人就會以「我唔係專家」作為回覆,有網民就將呢句套落去日常生活,學生比歷史老師問問題問到口啞啞,唔識回答之際,講一句「我唔係專家」就搞惦;啊媽問你點解屋企WiFi上唔到網?唔好問我啦!我都唔係專家!問我都無用㗎!

「使用最低武力」(1048筆)

反送中抗爭運動期間,警隊前前後後出動左好多鎮壓武器,例如水砲車、催淚彈、胡椒噴霧、布袋彈,而警方記者招待會當中,警方發言人就指出,警隊係「使用最低武力」嚟嘗試鎮壓騷動,並無過度使用武力。網民杜先生就instagram問到,嗰位爆眼少女唔通係見到你班警察眼冤,所以自己插盲自己?

「不完美,可接受,要改善」(1211筆)

警方發言人回應警方行為嘅時候,曾經講過警方做法係「不完美,可接受,要改善」,呢個金句簡直係一絕!網路上流傳一張圖,如果日後女朋友問點解同女仔出街?你就可以回答:「做法不完美,但可接受,要改善」,而當老闆問你點解番工遲到,你都係可以用呢句金句嚟回答老細㗎!

「39分鐘」(1479筆)

警方回應7月21日元朗事件記者招待會上面,警方發言人反駁記者「八個字先去到現場」嘅提問,指出其實警方係用左「39分鐘」去到現場。眾多網民就提出疑問,「39分鐘」同「八個字」好似都只係相差左一分鐘咋喎!另外就有網民講到,應該警方都係一分鐘幾千萬上落嘅人嚟,佢哋嘅一分鐘係好寶貴㗎!

「用腳推開」(1525筆)

有新聞片段拍攝到一名警方用腳踢開一名示威者落地,警方發言人反映呢名警務人員只係「用腳推開」示威者。眾多具有良好中文水平嘅網民就指出呢套說詞嘅奇怪之處:「踢」係足部,而「推」係手部,點解會用「腳」嚟到「推」示威者?網民戲稱警方應該係中文唔係太好,中文嘅博大精深係蘊藏好多意義㗎!

「喬裝成不同人物」(5347筆)

面對記者發問警務人員是否曾經喬裝成示威者,警方發言人則承認示威現場係有警員喬裝成不同人物,眾多市民都質疑呢種「喬裝」,如何確保唔會違法?而另一邊,有想像力嘅網民就引用左子華神嘅一句名言「如果你落左妝我唔認得你就叫喬裝」,以後一有動漫展cosplay活動,大家齊齊喬裝上陣啦!

「我手頭上無資料」(5707筆)

面對眾多記者提問,警方發言人都係盡量回答社會上嘅疑問,但係好多時候唔知道係因為問題太過專業,定係事發時間太過緊急,好多時警方發言人會以「我手頭上無資料」為理由回答記者提問,網民就話,連警方發言人都無資料手,咁應該係事件太難交代,連公關稿都寫唔出嚟,警方自然無資料手啦。

「鐳射槍」(12344筆)

香港浸會大學學生會會長因為身上帶有鐳射筆被警方拘捕,警方指出呢個屬「鐳射槍」,拘捕理由係「藏有攻擊性武器」,警方仲係記者招待會親身演示雷射槍嘅傷害能力。網民見到之後紛紛表態,近距離連續攻擊的確係有一定嘅殺傷力,如果對方企定定接受連番攻擊,唔洗鐳射筆,竹籤都係可以致命㗎!



▲網民以多支鐳射筆照射報紙,諷刺警方「鐳射槍」嘅講法。

「er」(22487筆)

記者招待會當中,上至一哥盧偉聰,眾多警方發言人係思考點樣回應嘅時候,「er」就變成左佢哋嘅口頭禪,講起警方記招嘅金句,大家就會第一時間諗到「er」呢個詞,而更加有警方被網民冠上「er er sir」嘅稱號,網上面連「er er sir」嘅歌仔都有埋添!呢個金句真係深入民心,無疑係警方金句第一名!



▲網民剪輯警方記者會片段,二次創作歌曲《學sir叫》。

分析說明:

本研究資料由《KEYPO大數據關鍵引擎》提供,分析時間範圍為2019年06月08日至2019年08月30日。

網路大數據系統觀測港澳地區上萬個網站頻道,包括新聞頻道、Facebook、Instagram及各大討論區、BLOG等,針對討論『警察記者會』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論聲量大小,不代表網友正負評價。

「加入香港網路溫度計Fan Page睇睇網民嘅花生係乜嘢?」>>>

---------------------------------------------------------------------------------------------------------

DailyView曰:

等睇警察金句對白圖!



接續看下一篇

x

訂閱DailyView網路溫度計(香港版)電子報