一則報導吸近百萬點閱 反送中受關注十大外國媒體

一則報導吸近百萬點閱 反送中受關注十大外國媒體

連月來反送中運動持續,亦受到外國媒體嘅關注採訪,你又有冇睇開佢哋嘅報導呢?

2019/09/04

Images Source: YouTube/BBCfacebook/CNNwiki
外媒
外國媒體看示威者:暴徒定勇士?

隨住資訊流通越嚟越快,消息互通越嚟越方便,媒體力量亦都變得更大。反送中運動入面無論係示威者、警察定政府處理方式都引起國際關注,唔少外國媒體都有親自黎到香港,係示威現場採訪,除咗可以令國際都關注香港目前情況,都可以從中觀察到外國媒體點睇呢次事件。正所謂「當局者迷,旁觀者清」,香港政府不斷譴責示威者係暴徒,反觀外國媒體其實好多都好欣賞、讚香港示威者。今日DailyView就用網路大數據同大家一齊望下以下十件反送中運動到目前為止有關於外國媒體嘅事件,有幾多件係你知道嘅呢?

DV小教室:網路溫度計透過《KEYPO大數據關鍵引擎》大調查觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。

10 泰晤士報(465筆)

英國泰晤士報早前刊登一篇文章,讚揚香港示威者勇敢令西方國家蒙羞。話香港示威者即使面對一黨專政嘅極權,都一樣勇往直前爭取本身應該屬於香港嘅一國兩制,最後仲叫大家都要好好跟香港人上呢一課。呢篇文章令一班網民話睇到眼濕濕,好感動外國有人關心,同睇到佢地嘅付出。

image source:TheTimes
9 華盛頓郵報(593筆)

美國《華盛頓郵報》之前刊登一片名為《香港領袖林鄭月娥正面對民怨;北京可能更加憤怒》,分析特首依家面對緊嘅局面,唔單止香港示威者強烈要求佢落台,連北京政府都會對於佢引起呢個大型示威活動而不滿,仲話中央唔會原諒香港特首。

8 衛報(640筆)

根據英國《衛報》報道,香港國際機場作為國際重要樞紐,每日都有非常多航班由香港出發或者經過香港,而因為機場示威活動,好多班飛往英國、美國、澳洲航班都取消咗,全球各地好多人都感受到影響,令香港示威受到全球關注。

image source:Youtube/Guardian News
7 華爾街日報(1314筆)

美國《華爾街日報》早前訪問深圳大學港澳基本法研究中心教授宋小莊,宋教授話如果香港政府無辦法處理目前持續不斷嘅示威行動中央政府會採取行動。好多網民見到呢個消息之後,都話要出解放軍就快D,唔好得個講字,攬炒咁話。

image source:華爾街日報
6 FOX(1507筆)

FOX記者上新聞節目講香港示威之前,喺自己Twitter開咗個投票,問大家美國應唔應該支持香港,最後投票有五萬人參加,大比數希望美國可以作出具體行動去支持香港示威者。其實FOX都好關心呢次反送中事件,喺Twitter,Instagram都有發表關於香港嘅報導,甚至將香港示威者比喻為當年美國嘅開國先賢。

image source:IG/FOX NEWS
5 金融時報(1586筆)

為咗吸引國際關注,有網民以Freedom Hongkonger名義喺眾籌網站發起籌款,希望G20峰會期間加上登報紙,達到峰會上為香港發聲嘅目的。最後呢個籌款超額完成,短短半日就已經有超過兩萬人捐款,籌得五百幾萬,亦都成功喺世界各大報章曝光,包括《金融時報》、《紐約時報》等等。噚日金融時報仲刊登咗一篇反送中運動嘅專欄文章,將香港人今次嘅抗爭命名為「Water Revolution」。

image source:gogetfunding
4 法新社(1726筆)

自從發現警方有喬裝成示威者之後,有人都開始懷疑警方一直譴責嘅「暴徒」,到底係咪都係自己人做媒,引起衝突比警察做嘢,同令警察有素材拎出譴責。而喺上禮拜六831遊行,法新社記者就影到金鐘近灣仔天橋有示威者投擲汽油彈,而呢位示威者身上有疑似佩槍嘅物體。

image source:wiki
3 紐約時報(3023筆)

示威運動持續到依家已經去到第三個月,長期示威活動難免會影響到原先生活,於是有唔少人就話示威者行為已經嚴重影響香港經濟、社會。不過英國《紐約時報》就引述網上短片,可以見到一班市民上烘焙堂,而黑衣示威者就係外面經過,兩派人和平共存。即使出面都係催淚彈,但市民仍然正常生活。

2 CNN(3023筆)

721元朗事件引伸出728光復元朗遊行,即使警方並唔許可呢次遊行,但大家一條心都唔甘心「被噤聲」,照樣企出嚟。到夜晚示威者同警察對峙,最後警察施放催淚彈,防暴警察衝入西鐵站,更有示威者被警棍打到頭破血流。CNN記者一直喺現場報導,佢話現場一片混亂,警察衝向一D只係企係到嘅示威者,更加用地獄嚟形容當時情況

1 BBC(32496筆)

反送中運動咁多次不合作運動,除咗鐵路、巴士等等公共交通工具之外,試圖「癱瘓」機場都係示威者希望政府出嚟正面回應五大訴求嘅行動之一。呢一段有成90幾萬觀看次數嘅片引起好多人討論,有網民就唔認同呢D行為,認為爭取自己自由同時,係剝奪緊其他人自由。不過都有人堅持「核爆都唔割」,不完美可接受,要改善,但就點都唔割席。


分析說明:

本研究資料由《KEYPO大數據關鍵引擎》提供,分析時間範圍為2019年06月08日至2019年09月02日。

網路大數據系統觀測港澳地區上萬個網站頻道,包括新聞頻道、Facebook、Instagram及各大討論區、BLOG等,針對討論『香港人在反送中關注的十大外媒』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論聲量大小,不代表網友正負評價。

「加入香港網路溫度計Fan Page睇睇網民嘅花生係乜嘢?」>>>

---------------------------------------------------------------------------------------------------------

DailyView曰:

好彩有呢D外國媒體關注咋!




接續看下一篇

x

訂閱DailyView網路溫度計(香港版)電子報