「反送中」運動係「雨傘」運動2.0?當中十大進步你又知唔知?

「反送中」運動係「雨傘」運動2.0?當中十大進步你又知唔知?

香港史上最大型嘅兩大抗爭運動,係啲咩令到市民堅持發聲?

2019/09/06

Images Source: 左:Wiki右:Wiki
We'll be back

有人話:「反送中」運動係「雨傘」運動2.0。比較吓兩者,「反送中」運動的確有好多位同「雨傘」好似,而且係較「雨傘」嗰時成熟嘅。爭取真普選嘅2014年「雨傘革命」歷時81日,訴求最終都冇被正視、處理,喺被清場之前,好多示威者都有一個講法:「We'll be back」。而喺2019年,香港人真係返咗嚟,「反送中」運動由6月9日開始到依家,持續咗近三個月,已經超過咗「雨傘」嘅日數,示威嘅市民依然堅持政府要回應「五大訴求」。回顧返「反送中」運動嘅種種,獲得咗比「雨傘」出色嘅成效,係因為有好多地方都做得比「雨傘」嗰時成熟,你知唔知係邊啲位呢?今日就等DailyView用大數據逐個話你聽啦!

DV小教室:網路溫度計透過《KEYPO大數據關鍵引擎》大調查觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。

反雨表
10 民間記者會(116260筆)

「雨傘運動」當中嘅記者會都係由官方機構、議員、警察召開嚟向公眾交代訊息,喺呢種一言堂入面市民係並無話語權。「反送中」運動嘅示威者為左提供發聲途徑,舉行左「民間記者會」,記招現場播放事件片段、邀請事件當事人,以中、英文甚至手語發佈資訊,呢種成熟得體嘅手法得到非常多人讚賞。

▲「爆眼少女」藉民間記者會發聲。

9 心態(122995筆)

「雨傘運動」甚至其他社運現場當中,都會有一啲群體互相指責、控訴對方嘅行為。而「反送中」運動一改呢個慣例,示威者係有意識地抱有「不割蓆,不分化,不篤灰」嘅心態,務求一致向「五大訴求」努力爭取發聲。呢場運動入面無論和理非或者勇武派用咩方式嚟表達訴求,彼此都係唔會割捨、指責對方。

▲網民以二次創作歌曲表達「不割蓆,不分化,不篤灰」。(注意!內有粗口。)

8 形式 (123112筆)

「雨傘運動」以佔中三子、學聯、學民思潮為主要領導者,而「反送中」運動則係屬於「無大台」嘅狀況,示威者之間係自動參加且自發結盟。唔同單位自動發起嘅行動之多,例如銀髮族遊行、由民間人權陣線發起嘅多個大型和理非遊行等,都唔存在中心領導,全部係由市民一手組織、推廣及參與嘅大眾集體行為。

▲BBC講解反送中「冇大台」情況。

7 戰術(134473筆)

「雨傘運動」基本上無一個特定戰術,即使係後期「移動式佔中」,成效都係比「反送中」嚟得差啲。「反送中」運動嘅核心戰術「Be water」出自李小龍,意指示威者應該要好似水咁隨容器改變自己型態,唔好應碰,而係要見機行事。呢個戰術係貫穿整個示威運動,成為左示威者之間互相提點嘅口號。

image source:Pxhere
6 通訊傳播方式(155450筆)

2014年「雨傘運動」當中,大家普遍都無特別注意通訊及傳播方式,今次「反送中」運動因為無大台嘅關係,資訊傳播方式就變得特別重要。「反送中」當中主要訊息傳播以Telegram、Firechat同連登討論區為主。Telegram主要用作示威者之間傳播及交流嘅媒介,而連登討論區則作為平台,提供大眾一個訊息集中地。

image source:網路溫度計
5 示威者「裝備」(1145872筆)

「雨傘運動」當中最出名嘅示威裝備非雨傘莫屬;「反送中」運動當中,示威者除咗著黑衫作為抗爭符號以外,仲使用咗好多gear,包括口罩、眼罩、安全帽、「鐳射槍」(事實上係鐳射筆)等等。工欲善其事,必先利其器,示威者亦因應前線可能面對嘅防暴武器,延伸出家用鐵兜作為滅煙工具嘅防衛手法!

image source:flickr:Studio Incendo
4 文宣手法(1146621筆)

2014年「雨傘革命」主要使用普通文宣手法;五年後「反送中」運動嘅文宣手法則顯得更加多元同具有力量。街站放映會、18區連儂牆勾連本地支持者嘅心聲,產生巨大凝聚力;「我要攬炒」團隊更加集齊精通各國語言嘅示威者,製作文宣登上無數國際報紙頭版,意圖爭取國際支持。

image source:flickr:Studio Incendo
3 訴求明確性(1211259筆)

「雨傘運動」嘅訴求包括實施真普選、梁振英辭職、特首選舉須確立公民提名方式;而「反送中」運動嘅訴求已經明確定調為「五大訴求,缺一不可」。雖然林鄭月娥喺9月4日已經公告將撤回《逃犯條例》草案,但係並無回應其他四個訴求。清晰嘅訴求得唔到回應,所以香港大多數市民都係唔收貨。

image source:flickr:Studio Incendo
2 參與界別(1352793筆)

「反送中」抗爭運動開始以來,引起社會各界高度關注,各個界別都紛紛舉行罷工靜坐等活動,教育、醫護、會計、大專學界等人士都積極參與發聲。而「雨傘運動」期間,都係有眾多界別嘅團體齊齊發聲㗎!教協、各個政黨都係參與其中,香港係我哋屋企,當需要企出嚟嘅時候,係無分你我㗎!

▲銀髮族遊行支持年輕人「反送中」。

1 示威手法(13535720筆)

「雨傘革命」嘅示威手法包括佔領地方、圍政總,罷工罷課以及其他不合作運動。「反送中」示威者主要分為兩類:和理非同勇武,所謂「兄弟爬山,各自努力」,示威者用好多唔同嘅方法,試圖引起社會同國際嘅最多關注。好似有「Hong Kong Way」嘅人鏈、「和理飛」嘅機場示威、尖沙咀「觀星」活動等等。

▲「Hong Kong Way」,香港人組成人鏈表達訴求。

分析說明:

本研究資料由《KEYPO大數據關鍵引擎》提供,分析時間範圍為2019年06月08日至2019年09月04日。

網路大數據系統觀測港澳地區上萬個網站頻道,包括新聞頻道、Facebook、Instagram及各大討論區、BLOG等,針對討論『反送中運動較雨傘運動進步的地方』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論聲量大小,不代表網友正負評價。

「加入香港網路溫度計Fan Page睇睇網民嘅花生係乜嘢?」>>>

---------------------------------------------------------------------------------------------------------

DailyView曰:

香港,加油!




接續看下一篇

x

訂閱DailyView網路溫度計(香港版)電子報