網路爆紅十大社會定理你識幾個?曼德拉效應都係得第八名咋!

網路爆紅十大社會定理你識幾個?曼德拉效應都係得第八名咋!

睇多幾個吹水實有用

2019/09/25

Images Source: pxhere52112
定理
香港而家咁,裝備好自己

香港呢排社會咁鬼動蕩不安,每個星期都有警民衝突、流血事件,真係令人對社會現況相關關注。如果我哋有留意唔同時事評論人嘅文章、講法,都會成日聽到佢哋提起咩咩效應,用嚟解釋返而家香港嘅情況。其實咁多種效應,都係一堆唔同專長嘅學者,提出嘅各種有生動有趣嘅理論,對我哋了解社會變化,相當有用。而家香港搞成咁,又點可以唔留意吓網路成日講嘅十大社會定理呢?今日DailyView就同你講吓呢堆理論嘅內容喇!

DV小教室:網路溫度計透過《KEYPO大數據關鍵引擎》大調查觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。

10 馬太效應(164筆)

——點解佢咁有成就?

馬太效應(Matthew Effect),指嘅係一種強者愈強、弱者越弱嘅現象,廣泛咁套用咗係人類社會各個唔同嘅方面,好似科學、經濟咁。呢個效應針對講嘅係人物,即係當我哋係某個領域愈出名,本身就累積咗愈多資本,會相對其他有相同能力嘅人,更加容易取得更大成就。相信大家睇完呢個解釋,再諗返起自己嘅人生經驗,真係一命二運三風水。

9 彼得效應(206筆)

——Errrrrrrrrrrrrr

彼得原理(Peter Principle),係加拿大管理學家勞倫斯·彼得提出嘅,亦都係佢出版本書嘅名。佢根據咗數千個組織入面嘅情況,歸納咗一種辦公室嘅困局,就係員工會因為佢嘅工作表現,最後升遷到一個佢能力無法勝任嘅位置,因為佢本身嘅能力並未提升,結果成為公司嘅負荷。老細要看清手下嘅能力,先決定點樣運用佢,唔係就影響咗成間公司運作嘞!

8 曼德拉效應(549筆)

——中國人唔係東亞病夫?

曼德拉效應(Mandela Effect),可能係香港近年最出名嘅社會效應!呢個理論最初講嘅係,外國好多人都記得南非總統曼德拉「應該在20世紀80年代應該係監獄入面死咗」,但其實佢無喺呢段時間死咗,2013先逝世。之後只要發生一件同人類集體記憶唔同嘅事,就係曼德拉效應喇。本地例子係李子龍電影講中國人唔係東亞病夫,但事實佢係講中國人唔係病夫⋯⋯

7 羊群效應(792筆)

——三五成群無個好人

羊群效應(Herd Behavior),呢個相當知名嘅社會效應,嚟自科學家做嘅實驗,即係當一隻羊跳出嘅羊欄之後,第二、第三隻都會跳出去。用落社會現實到,話緊大家都好似羊咩咩咁,都有一種從眾心理,當有人做咗某件事,個個都會跟風去做,代表自己都係主流嘅其中一分子。香港有部知名電影《三五成群》,童黨就係呢種效應做咗好可怕嘅事,咪話唔得人驚!

6 破窗效應(1105筆)

——721嘅窗破咗之後

破窗效應(Broken Windows Theory),嚟自心理學家詹姆士·威爾遜同喬治·凱林共同提出,內容係話只要環境入面有不良嘅現象出現,又無人去制止呢種情況發 生,就會令其他人仿效,甚至搞到個情況更加嚴重。破窗效應最出名嘅例子,就係當一幢有少少破窗嘅建築,如果無及時維修,可能會有人去破壞更多嘅窗戶,甚至霸埋間屋!所以當少少壞事出現,就要制止。

5 路西法效應(1266筆)

——邊種人變咗做惡魔?

路西法效應(Lucifer Effect),出自著名心理學家菲利普·津巴多2007年出版嘅《路西法效應:好人是如何變成惡魔的》,內容探討咗史丹佛監獄實驗。咩係史丹佛監獄實驗?係有關 人類對囚禁嘅反應,同埋被囚禁對監獄入面權威、被監管者行為影響嘅心理學研究。其間,三分一本身係學生扮演嘅看守,竟然出現虐待狂傾向。環境、權威,會令天使變做惡魔。

4 吸引力法則(1553筆)

——唔好做負能量

吸引力法則(Law Of Attraction),係美國十九世紀新思維運動入面嘅概念,佢哋認為,人際關係可以借由正面嘅諗法,得到正面嘅效果,相當唯心論。佢哋話,只要兩個人之間有相似嘅諗法,就會互相吸引,好似一種能量吸引另一種能量咁樣。不過呢種法則暫時未有科學證明,信唔信就由各位決定。不過呢,做人正面少少,係當今香港社會,係好緊要嘅,係咪?

3 骨牌效應(1793筆)

——警方嘅武力提升

骨牌效應(Domino Effect),講緊嘅係連鎖效應嘅其中一種。如果大家有玩過骨牌,相信唔難想像,當推低咗最開頭嘅骨牌,後面嘅骨牌就會一次過冧哂。套返落去現實社會現象,就係著重講緊一件事同另一件事之間嘅因果關係。好似當香港警方提升咗對示威者武力,示威者都會提升返佢哋行為嘅激進程度,因為骨牌已經倒下咗,後面呢件事發生嘅可能就好高。

2 寒蟬效應(1880筆)

——無哂言論自由

寒蟬效應(Chilling Effect),出自美國最高法院法官小威廉·布倫南,佢係司法判決用咗呢個字詞做為一個法律術語。呢個效應意指就算法律並無明文寫明禁止人民講嘢嘅內容,但人民可能因為社會現況,判斷如果講咗敏感,可能會遭受責罰,所以決定唔再講嘢。呢件事,正可以用係香港之前國泰炒公會主席事件,就有好多人話會造成寒蟬效應,唔知你又點睇呢?

1 蝴蝶效應(2454筆)

——由反送中到中美角力

蝴蝶效應(Butterfly Effect),本身係美國氣象學家愛德華·羅倫茲提出嘅講法,最常見嘅解釋係「一隻蝴蝶在巴西輕拍翅膀,可以導致一個月後德克薩斯州的一場龍捲風」。呢種係連鎖效應嘅其中一種,明明好似同我哋見到結果唔關事嘅社會現象,但佢最初可能係同一件睇落唔關事嘅小事有關。哇,咁聽落去咪同香港逃犯條例一樣?呢種Butterfly Effect,連國際都影響埋!

分析說明:

本研究資料由《KEYPO大數據關鍵引擎》提供,分析時間範圍為2019年03月28日至2019年09月23日。

網路大數據系統觀測港澳地區上萬個網站頻道,包括新聞頻道、Facebook、Instagram及各大討論區、BLOG等,針對討論『香港網民十大社會定理』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論聲量大小,不代表網友正負評價。

「加入香港網路溫度計Fan Page睇睇網民嘅花生係乜嘢?」>>>

---------------------------------------------------------------------------------------------------------

DailyView曰:

我少讀書,你唔好呃我。

接續看下一篇

x

訂閱DailyView網路溫度計(香港版)電子報