唔勇武嘅鄺俊宇點樣成為連登仔口中嘅「英雄」?

鄺俊宇嘅身份有好多,立法會議員、元朗區議員、作家、註冊社工、填詞人等等,而喺6月11、12號,好多人話佢係,英雄。到底咩事令到鄺俊宇由愛情作家、「逗號先生」變成網民口中嘅「英雄」,風評嘅轉變源於佢一晚間嘅奔波。

image source:Facebook:鄺俊宇 Roy Kwong

文/偉文

6月11號晚到依家,「鄺俊宇」喺網上嘅熱度十足,一時間由冇人講變到熱門討論;相關嘅討論唔再係佢嘅逗號同愛情小說,而係「加油」、「支持」、「多謝」、「辛苦」等等嘅字眼,究竟發生咩事呢?

image source:KEYPO大數據關鍵引擎


鄺俊宇一路俾人嘅印象形象都係作家、文青,斯斯文文,有網民仲成日笑佢講嘅嘢都係情情愛愛,好矯情;做議員畀人最深刻嘅印象,就係跳舞找數,同埋關心埋D貓貓狗狗嘅嘢。但尋日(11號)開始,好多網民不斷為以前笑過佢而道歉,仲封佢為「英雄」,咁大轉變皆因佢喺為抗議《逃犯條例》嘅市民做咗好多嘢。

image source:Facebook:鄺俊宇 Roy Kwong


近日香港社會對「逃犯條例修訂草案」嘅爭議不斷,由於政府喺6月9號嘅百萬人抗議遊行之後,唔單止唔作出讓步,仲恢復6月12號二讀草案,令到事態持續升溫。其後市民紛紛響應罷市、罷工同罷課嘅「三罷」行動,並且再組織12號抗議活動,社會普遍氛圍緊張。

image source:網路流傳宣傳抗議活動用圖

 

網上流傳抗議活動喺11號晚開始準備,當日金鐘站就有大批警員截查年輕人,要佢哋靠牆一字排開,逐一查身分證同搜身。有民眾就表示,好多警員態度惡劣,要求又過分,查完之後又唔放人走,要佢哋罰企咁排埋一邊,好多人都睇唔過眼,圍埋去影相、聲援。


 image source::Facebook:鄺俊宇 Roy Kwong影片截圖

其後,包括鄺俊宇嘅多名民主派立法會議員到場,指出警方嘅截停及搜查工作超出職權、唔合理,並對此表達不滿同作出批評,之後鄺俊宇仲繼續四圍走,企喺市民、年輕人前面,維護市民權利,一直去到今朝。Mon實事情發展嘅網民就大讚鄺俊宇,認為佢處事得體,出心又出力,好多謝佢保護香港年輕人。 


成晚奔奔波波嘅鄺俊宇,直到今日自己頂唔住暈低,好多網民都表示好感動同心懷尊敬,仲紛紛稱呼鄺俊宇為「英雄」,留言同佢講「辛苦了」。


延伸閱讀

《送中條例》究竟是什麼?四大重點告訴你台灣為何要關心!

不滿「送中案」強推二讀!香港網友發起「拋售港幣」運動

《反送中》抗議再延燒!香港逾百家企業發起罷工罷課罷市活動

x

訂閱DailyView網路溫度計(香港版)電子報